Yeremiya 26:13 - Mawu a Mulluku

¹³ Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Yeremiya 26:13 ပူးပေါင်းရင်းမြစ်များ

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yona 3:9

Anadduwella ttaani apaalle Mulluku ttuurukunusa maganizwaaye, onikhululukella wi nitthollosiwe.’ ”

Yesaya 1:19

Mwaarimi mukhonzekille okiiwellella muneerocha ddaphaama va ellapo yavatthi.

Aheberi 5:9

Ohoosiwangu waamweeriha okhalla aphaama nave aakhalla awaamba a yoovullusa yoohimalla wa athu attheene oomwiiwellella olliye,

Yowele 2:14

Apaalle ttuusintha maganizwiiwa ni wiihiiha, ttuuwuudalisani ni ddoocha ni ddoowirya ddawi muvelleelle wa Apwiya Mullukwaanyu.

Yeremiya 38:20

Yeremiya ahaakhulla wi, “Iyaayi, kheyuuvelleellani. Mwiiwellella mawu a Apwiya, kinuulleellani wi ddeko ddittheddene ddineeroweetellani phaama nave muneerokhalla ni okumi.

Yeremiya 36:3

Apaalle nibanja na Yuda ttuuwiiwa dda ddawoopiha ddittheddene nnddo kinaamorihelleemi. Sika arive muthu aneerohiya makhallellwaaye oonanara. Vano kineerewaakhululukella ddoonanara ddiwa ni machimwiiwa.”

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 26:19

Ethiyo mwene Hezekiya ni athu attheene a o Yuda yaamwiipha? Ethiyo mwene khaawooville Apwiya nave avekella wi emweerelle echifundo? Sika Apwiya yaahaakhululukella, kheyaawaallakille wonanko mmo yallotelliiwa. Koma hiyaano niri vakhuviru oddiithanella otulli wawoopiha.”

Yeremiya 26:3

Apaalle ttuuwiiwellella nave arive muthu ttuuhiya machimwaaye wi kihaallake moollikana ni mmo kaganizelleemi ekaamba ya ddoonanara ddiwa.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yesaya 55:7

Oonanara ehiye makhallellwiiwa oonanara, oohilungama ehiye maganizwiiwa oohilungama. Ehokollweelle wa Apwiya, wi alliwa eweerelle echifundo. Ehokollweelle wa Mullukwaahu wi alliwa yaakhululukellesese machimwiiwa mwawoollowa murima.

Ezekiele 33:11

Waalleelle wi mi Apwiya Mulluku kinallota wi kinimallupella vaka wi nginahakallalla ni okhwa wa muthu oonanara akhwaka. Ddeerokiddivella oochimooyo ahiyalleke makhallellwaaye wi ekhalle ni okumi. Nyu Aisraele munakhwella tini? Rukunuwani, muhiye ettilla ddanyu ddoonanara.

Yeremiya 42:10

‘Mwakhalla mu ellapweella, kineerewuumakellani vamodda ohiri wuukumullani. Kineerowaallani ohiri wuutullani. Kinnamoriwa ethakaraka ekaamba ya ddoohoosa nnddo kuumorihelleemini.

Oweeruza 2:18

Erive enthawi Apwiya yaatthoollella oweeruza, Apwiyaayo yaanakhalla ni olliyooyo. Nave ooweeruzooyo aanaavullusa Aisraele wa adaniiwa enthawi ettheene yookumaaye. Apwiya yaanaamorella ethakaraka alliwaayo yaakhupanyaka ekaamba ya ayo yaakatamiha ni waanyingallella.

Deuteronomo 32:36

Apwiya eneerewaavullusa athwiiwa, eneeroweerella echifundo oorumeyelliiwa, vawoonani omalla wa masiviiwa wi khevihanlle muthu, kaporo apaalle oohikhalla kaporo.

Eksodo 32:14

Sika Apwiya yaasintha maganizwiiwa a ollaka wawoopiha nko yapaalliiwa oweerella athwiiwa.

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Yeremiya 18:11

Khawe vano waalleelle athu a o Yuda ni a o Yerusalemu wi Apwiya enallota wi, ‘Mi kookhozekella wuumorihellani otulli ni wuullakani. Nyu attheene, hokollowani, arive muthu ahiye ettilla ddaye. Nave potokosani makhallellwaanyu ni ddaweera ddanyu.’