Yeremiya 25:9 - Mawu a Mulluku

⁹ kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 25:9 ပူးပေါင်းရင်းမြစ်များ

Yeremiya 18:16

Ellapwiiwa aayitthattusa ntepe ni yoonyaambusiwa wa enthawi yoohimalla. Arive muthu ooviramo aneerekottikhina navettho aneerekotikha muru.

Yeremiya 1:15

Ngoona, kineerowiithana athu a mitundu ddittheddene a moomwene ompoto. Mamweniiwa eneeroowa nave arive mwene aneerokeraatthiha mpandwaaye woomwene va millako dda Yerusalemu navettho vawaapheella mpanda. Alliwa eneerewaapheellattho mizinda ddittheddene dda Yuda.

Yesaya 13:3

Mi Apwiya kohaalamula athwaaka oopatuleya. Kohaatthukumaniha akhoto amasiva ni ookota wi ekhalle ezida ddaka ddawaallakella ayo kinaashelleemi murima.

Yeremiya 43:10

Vano waalleelle wi miyaano Apwiya Amasiva Mattheene, Mulluku a Israele, kineeromwiithana oorumeyellaaka Nebukadinezara, mwene a o Babiloni. Olliye aneerowuhiya mpandwaaye ni otthipella musasaaye va malluku eri mvaalla.

Yeremiya 24:9

Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yesaya 44:28

Mi sika kinallota dda Kirusi wi ‘Olliye tti mbusaaka, aneereweera ddittheddene kinapaalleemi. Aneerolamula wi Yerusalemu amakiwettho, wi matthipello a enyumbaaka ekeraatthihiwe.’ ”

Yesaya 39:7

Ddimodda mwa edduullu ddanyu ddineneerophariwa nave ddineerotthattusiwa allupa mutteko oohulliwa* wi yarumeyelleke o enyumba yoomwene o Babiloni.’ ”

Ezekiele 26:7

“Mi Apwiya Mulluku kinallota wi, ‘We Tiro, kineerewuuwiihella Nebukadinezara mwene a o Babiloni, mwene a mamwene ovenyera ompoto. Aneeroowa ni mulloko muullupalli wakhoto, akavalo, magareta ni oowella va akavalo.

Yeremiya 40:2

Oohoollellooyo aamukusa Yeremiya amulleella wi, “Apwiya Mullukwaawo, yaallota wi eneerewoononga nipuronna.

Yeremiya 8:16

Adaniihu aavollowa khalle mu muzinda wa Dani. Nave ellapo ettheene enimatthukumella ni winlla wa akavalo a adanaayo. Adani enimawa wi yoononge ellapweella ni ddeko ddittheddene nave eneerewoonongattho muzinda ni ddittheddene ddiri mwemmo.

Yeremiya 6:1

Nyu athu a o Benjamini thawani, mukhumemo mu Yerusalemu. Opani nipallapata o Tekowa nave imesani embendera o Betehakeremu. Otulli ni woonongeya wuullupalli ddineerewuumorellani ovenyera ompoto.

Yesaya 10:5

Apwiya enallota wi, “Otulli wa mwene a o Asiriya vawi olliye ari wonanko muwashullo wa osha murima waka ni ekopo ya owallaaka.

Miyambo 21:1

Murima wa mwene tti wonanko muhinje wa maaddi m'mattani mwa Apwiya, ennawutthoonyihella nko enapaalliiwa.

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

2 Epilli 29:8

Sika ekaambiiwa osha murima wa Apwiya waphiyalliiwa va Yuda ni Yerusalemu. Ahaatthattusa ello yawoopiha ni yoosonyiwa vawaanyemullani wonanko munooneellaanyu.

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 10:22

Ngiiwani, othenga woophiya, ompoto onnavenyera mulloko woonyakulla wi woononge mizinda dda Yuda, wi dditthattuwe ntepe, mookhalla akhatweve.”

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 25:8

Sika vano Apwiya Amasiva Mattheene enallota wi, “Ekaamba yawi khamwiiwellenlle mawaaka,

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 36:2

“Kusa nibukhu nave olembevo mawu mattheene ayo killotilleemi ni weyaano dda Israele ni Yuda ni dda mitundu ddittheddene dda athu ovenyera nllapo kallotilleemi ni weyaano enthawi ya Yosiya ophiyera ollello.

Yeremiya 36:29

Vano omulleelle mwene Yehoyakimu a o Yuda wi, Apwiya enallota wi wahoosa nibukhunne voollotani wi, ‘Kaambiiwa tini olembilleewe wi mwene a o Babiloni aneerewoononga ellapweella, athu ni enama ddene?’

Ezekiele 12:20

Mizinda dda athu ddineerewoonongiwa nave ellapo eneerotthattuwa ntepe. Sika muneerodduwella wi mi tti Apwiya.”

Ezekiele 36:5

Mi Apwiya Mulluku kookhalla killotaka kishille murima owiipa mullatu athu a mitundu ddimodda ddittheddene monga Edomu. Alliwa moohakallalla wunchichi navettho moovevulla yahaakha ellapo ettheene eyitthattusa yayiwa, ekusa ni mapuro oochihella enameene.’

Daniele 5:18

Nyu amwene, Mulluku ooddullu ahaavaha attiitthaanyu Nebukadinezara masiva, eyuuma ni omwene.

2 Mamwene 24:2

Sika Apwiya yaarumiha milloko ddakhoto dda Ababiloni, dda Asiriya, dda Amowabu ni dda Aamoni wi yamuhelle ekhoto Yuda ophiyera woononga ellapweeyo moollikana ni mmo Apwiya yallotilliiwa oweella mwa oorumeyelliiwa anamallotella.

2 Epilli 36:21

wi mawu a Apwiya oweella mwa Yeremiya awi, “Ellapo eneerewoonongeya wa miyakha 70 wi masabata awiithuuwa ayo yaheereyille ekwakhwanihelliwe.”

Yeremiya 1:14

Apwiya yaakilleella wi, “Nndda ddinattaphullella ompoto oneerovenyera otulli oyo onaamorelle athu a mu ellapo ella.

Yeremiya 2:15

Athu a mitundu ddimodda ennathuruma wonanko mikango, ellapwaaye yooyitthattusa matepe. Mizinda ddene yaaddoononga, ddaatthattuwa moohikhalliwa.

Yeremiya 12:14

Apwiya enallota wi, “Athu oonanara attheene awaatamana ni Israele nave ayo enawaakha ellapo, yoohallana, eyo kaavahilleemi athwaaka kineerewaavenyihamo mu ellapo ddiwa nave kineerovullusa nibanja na Yuda m'mattani mwiwa.

Yeremiya 35:11

Koma enthawi elle Nebukadinezara mwene a o Babiloni ahenlleeye ekhoto ellapweella, naallota wi, ‘Hankoni nitthaamelle o Yerusalemu wi nithawe milloko ddakhoto dda Ababiloni ni dda Asiriya.’ Sika ekaambiiwa ninakhalleehu o Yerusalemu wuno.”

Yeremiya 46:20

Iguputo ari wonanko musaanaang'ombe ooreera, koma mwiikaanga woovenyera ompoto oneerommorella.

Yeremiya 49:19

Wonanko mukango wookhuma mu otthako dda o Yordani onoopopiheriiwa nikholla na enkhosa nooteteziwa phaama, moorurumusa kineerowiikarihella Aedomu woorekamella ni owaniwa. Vatulli viwa kineerewaahiyera awaalamulella kinaampaalleemi mwaneenaaka. Ethiyo ttaani anaaphwanaphwane ni miyaano? Ethiyo ttaani anaawore okiipa mullatu miyaano? Ethiyo tti mbusa oovi anaawore ollipana ni miyaano?

Ezekiele 16:40

Eneeroruma mulloko wa athu wi wuuvokhe malluku ni wuuphaddaphadda ni masupadiiwa.

Ezekiele 21:11

Nsupada noovelleelliwa wi nipukutiwe ni wi nitukhulliwe. Nohaandusiwa ni opukutiwa wi nivelleelliwe m'mattani mwa muthu oyo aniipha.

Habakuku 1:12

Nyu Apwiya, ethiyo khemuhiyo a enthawi yoohimalla? Nyu tti Mullukwaaka, Aweellaaka, oohikhwa. Nyu Apwiya, mohaatthoolla Ababiloni wi yeeruze, nyu nlluku naka, mohaakeraatthiha wi ellake.

Habakuku 1:17

Ethiyo eneerovirellellave ophariha mutteko mathaviiwa ni owiipha athu moohaamorella ethakaraka ophiyera muhoollo?