Yeremiya 25:7 - Mawu a Mulluku

⁷ Koma nyuwaano khamwiiwellenlle nave mwaattatthamulla owallaaka ni mafano oopangiwa ni mattaanyu wi muhiddoononge.”

Yeremiya 25:7 ပူးပေါင်းရင်းမြစ်များ

2 Mamwene 21:15

Ddinaakhalle ddiiddo vawi aheera ddoonanara vamiitthoni vaka nave yookishiha murima ovenyera nllapo nno makhollwiiwa yakhumalliiwa o Iguputo ophiyera ollello.’ ”

Miyambo 8:36

Koma oohikiphwanya aniivoreya yeekha, attheene ookiita ennakonda okhwa.”

2 Mamwene 17:17

Yaanaavelleella mukutho aniiwa aallopwana ni aatthiyana nave yaanoombesa makhanga, yaaneerattho ddookhwiri. Yahiivelleella weera ddoonanara vamiitthoni va Apwiya ni waashiha murima.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Yeremiya 25:8

Sika vano Apwiya Amasiva Mattheene enallota wi, “Ekaamba yawi khamwiiwellenlle mawaaka,

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

Yeremiya 44:7

“Sika vano Apwiya Amasiva Mattheene, Mulluku a Israele, enakoha munaddoonongella tini mwawi ddiidda? Kaambiiwa tini munaasheenyu owiiphiha Ayuda aallopwana ni aatthiyana, anamwani ni ooyariwa wene, oohuuhiyerani naari mmodda va nlloko nanyu?

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.