Yeremiya 25:6 - Mawu a Mulluku

⁶ Muhithwareke milluku ddimodda munaddirumeyella ni oddillapella. Muhittatthamulleke owalli wa mi Apwiya ni mafano oopangiwa ni mattaanyu wi kihiwoonongeni.

Yeremiya 25:6 ပူးပေါင်းရင်းမြစ်များ

Deuteronomo 8:19

Muhaatiwalleke Apwiya Mullukwaanyu ni orukunuwella wa milluku ddimodda wi muddillapelleke vawi kinuuchenjezani moollupella ollello wi mweera ddiiddo muneerotthollowa.

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 7:6

Muhaahooseke alleto, akhwaadduni apaalle anaamukhwelle. Muhiwiiphe athu oohichimwa va nipuro nenna. Muhillapelleke milluku ddimodda wi muhoonongeye.

2 Mamwene 17:35

Apwiya yaakeraatthiha echipangano ni Aisraele yaalamula wi, “Muhillapelleke milluku ddimodda apaalle oddirumeyella apaalle ovelleella mukutho wa ddenndda.

Deuteronomo 6:14

Muhillapelleke milluku ddimodda nnddo ddinallapelliwa ni athu ayo ewaapheelleni.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

1 Mamwene 14:22

Vano athu a o Yuda yaheera ddoonanara vamiitthoni va Apwiya okhwaranya mmo makhollwiiwa yachimwelliiwa, emushiha murima Mulluku.

Yoswa 24:20

Mwaahiya Apwiya Mullukwaanyu munarumeyella milluku ddeelleto, eneerewuurukunuwellani ni oweerellani yoonanara nave eneerewuutthollosani naari khalle yaweerelleni ddaphaama.”

Deuteronomo 28:14

Sika va mawu kinuulleelleemini ollellwaalla, muhirukunuwelle onnattanatta apaalle wuunyotthoni voothwarani milluku ddimodda ni oddirumeyella.”

Deuteronomo 13:2

nave echizindikirweeyo apaalle yoottikhiniheeyo yeereya, olliye uulleellani wi mullapelle milluku ddimodda nnddo muhinallapellekeenyu ovenyera khalle,

Eksodo 20:23

Muhiipangelle weekhiinyu milluku dda siliva apaalle dda golide wi muddillapelleke moopweserera ni miyaano.

Eksodo 20:3

“Ohikhalleke ni milluku ddimodda koma meeneve.

Yeremiya 44:8

Kaambiiwa tini munattatthamulleenyu owallaaka vaweerani ddoonanara ni mattaanyu navettho vawoosellani lubani milluku ddimodda mu ellapo ya Iguputo mmo munakhalleenyu? Munaddoononga nyookha ni okhalla ello yootembeleliwa ni yoovevulliwa mmwiitthoni mwa athu a mitundu ddittheddene dda va ellapo yavatthi.

Hoseya 1:7

Koma kineerowoonihella echifundo athu a Yuda nave kineerewaavullusa ni masivaaka, mi Apwiya Mullukwiiwa,” oohikhalla ni muura, nsupada, akavalo ni oowella va akavalo.

Yeremiya 32:30

Athu a o Aisraele ni a o Yuda enneera ddoonanara vamiitthoni vaka ni okishiha murima ni mitteko ddiwa ddoonanara.

Yeremiya 44:7

“Sika vano Apwiya Amasiva Mattheene, Mulluku a Israele, enakoha munaddoonongella tini mwawi ddiidda? Kaambiiwa tini munaasheenyu owiiphiha Ayuda aallopwana ni aatthiyana, anamwani ni ooyariwa wene, oohuuhiyerani naari mmodda va nlloko nanyu?