Yeremiya 25:3 - Mawu a Mulluku

³ “Va miyakha 23, waambeella muyakha waneekhumi ni raru wa omwene wa Yosiya mwaana a Amoni a o Yuda ophiyera ollello, mawu a Apwiya yaawa wa mi nave kinnahoowa ni wuulleellani koma khamuniiwellella.

Yeremiya 25:3 ပူးပေါင်းရင်းမြစ်များ

Yeremiya 26:5

mwaahiiwellella mawu a anamallotella, amurummwaaka, ayo kaarumalleemi wa nyuwaano naari muhiwiiwellellaka,

Yeremiya 11:7

Erive enthawi kaanaachenjeza makhollwaanyu ovenyera valle kaakhumihalleemi o Iguputo ophiyera ollello. Kaanaalleella wi yiiwellelleke mawaaka.’ ”

Yeremiya 1:2

Mawu a Apwiya yaawa wa olliye va enthawi ya mwene a o Yuda, Yosiya mwaana a Amoni, muyakha waneekhumi ni raru wa omwenaaye.

Yeremiya 7:13

Mwaheera ddoonanara ddittheddenenndda nave mwaakhoota okiiwellella naari kuullotihalleni moovirellella nave khemwaakhunlle kawiithanilleemini.

Yeremiya 29:19

Nndda ddineereye ekaamba yawi kheyiiwellelle mawaaka mvo kaarumihelleemi anamallotella, amurummwaaka navettho mwaakhoota wiiwellella.

2 Epilli 34:8

Vano m'muyakha wa 18 wa omwenaaye, eellihalle ellapweeyo ni enyumba aamuruma Shafani mwaana a Azaliya, Maaseiya enduna ya muzinda ni Yowa mwaana a Yowahazi namalembella wi apotokose enyumba ya Apwiya Mullukwaaye.

2 Epilli 34:3

M'muyakha waneetthanu ni raru wa omwenaaye, ari musombwe ahaamba omullapella Mulluku a Davide nikhollo naye. M'muyakha waneekhumi ni piilli ahaamba ovenyihamo mapuro oollapellamo mafano ni mafano a Asherimu o Yuda ni o Yerusalemu. Aavenyihamottho mafano oosema ni amikoko.

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

Yohane 8:47

Oyo anavenyera wa Mulluku anniiwa mawu a Mulluku. Koma nyuwaano khe oovenyera wa Mulluku sika ekaambiiwa muhiniiweenyu.

Yohane 8:2

Osaka wene ohinase aahokollweella o enyumba ya Mulluku. Athu attheene yaatthukumana moomwaapheella nave akeraatthi aamba waahuddiha.

Mariko 1:35

Ohinase nndduwa nihinakhume Yesu aavenya akhuma mpammo. Aaya onipuroni nayeekha nave wenko aamavekellawo.

Yeremiya 44:4

Komave miyaano kaavirellella waaruma amurummwaaka anamallotella wi yuulleelleni wi, ‘Muheereke ddoonanara nnddo mi kiniitaneemina.’

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

Yeremiya 25:4

Nyu khamwiiwellenlle apaalle waapella maaru naari Apwiya yahihiyalle wuurumihellani oorumeyellaaye anamallotella.

Yesaya 55:2

Kaambiiwa tini makobiraanyu munoonongellaanyu ddeko ddoohichiwa? Kaambiiwa tini mallivellwaanyu munatathillelleenyu ddeko ddoohivoniha? Mwiiwesese nnddo kinalloteemi, mucheke ddeko ddaphaamave, muhakallalleke ni ddoocha ddoonuna.

Masalimo 81:13

Athwaaka yakiiwellelleke, Aisraele yathwanreke ettilla ddaka,

1 Mamwene 22:3

Vano Ahabu ahaakoha oorumeyellaaye wi, “Ethiyo munnadduwella wi Ramoti Giliyadi tti muzindaahu, vano kaambiiwa tini neerelleehu ellapo tuu ohiwaakha ovenyera wa mwene a o Siriya?”

Eksodo 8:20

Vano Apwiya yaamulleella Mose wi, “Osiisello ohinase, oye wakumane ni Farao ayaaka omuhinjeni nave wamulleelle wi, ‘Apwiya enallota wi, owaakhullelle athwaaka wi evenyewo wi eye yakillapelle.

Genesis 22:3

Ohinase wene Abrahamu aapotokosa esaduro ya va bulwaaye. Aatthallattho ekhuni ddawoosella mukutho nave aamukusa Isaki ni akaporwaaye eelli, etimulla olendo wooya o nipuro nno Mulluku amulleelleeye.

2 Epilli 34:1

Yosiya aari ni miyakha mitthanu ni miraru avolloweeye omwene nave aalamulella miyakha 31 o Yerusalemu.

2 Epilli 36:15

Vano Apwiya Mulluku a makhollwiiwa yaanaaruma wiilliwiilli amithenga wa alliwa waachenjeza ekaamba yawi yaanaweerella echifundo athwiiwa ni nipuro.

Yeremiya 7:25

Waambeella nllapo makhollwaanyu yakhumalliiwa mu ellapo ya Iguputo ophiyera ollello kookhalla kuurumihellakani amurummwaaka, anamallotella.

Yeremiya 32:33

Aakireya etulli naari kavirellelle waahuddiha, kheyiiwalle apaalle waakhullella ohumullulla.

Yeremiya 35:14

Lamulo na Yonadabu mwaana a Rekabu nno alamunleeye edduullu ddaye wi ehiwe emuwirya vinyo, alliwa aanisunga. Khenamuwirya vinyo ophiyera ollello ekaamba yawiiwellella lamulo na nikhollo niwa. Kookhalla kuuchenjezakani wiilliwiilli koma nyu khemunakiiwellella.

Yeremiya 36:1

Mawu a Apwiya yaawa wa Yeremiya mu muyakha waneesese wa omwene wa Yehoyakimu mwaana a Yosiya, mwene a o Yuda wi,

Yeremiya 36:2

“Kusa nibukhu nave olembevo mawu mattheene ayo killotilleemi ni weyaano dda Israele ni Yuda ni dda mitundu ddittheddene dda athu ovenyera nllapo kallotilleemi ni weyaano enthawi ya Yosiya ophiyera ollello.

2 Mamwene 17:13

Mutthemwenemmo Apwiya yaamuchenjeza Israele ni Yuda wi oyeella mwa oollohella ni anamallotelliiwa wi, “Hiyani makhallellwaanyu oochimwa nave iwellellani malamulwaaka ayo kaavelleelleemi wa makhollwaanyu oweella mwa anamallotella, oorumeyellaaka.”

2 Epilli 24:19

Naari Mulluku aarumalle anamallotella variyari viwa wi yaahokolloselle wa Apwiya anamallotellaayo yaahumullullalliiwa yaakhoota nave kheyawaapwathille.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 22:21

Kahuuchenjezani ddeko ddaweetelleewani phaama koma nyu mwaallota wi, ‘Nookhoota owiiwellellani.’ Nngu ttuukhalla wanyu ovenyera enamwanaanyu, khamuniiwellelleke mawaaka.

Ezekiele 33:4

Mmodda iiwa nipallapatanno koma ahinapwathawo nave adani yawa emwiipha, nikhame ninaakhalle va muru vaye.

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.