Yeremiya 25:10 - Mawu a Mulluku

¹⁰ Kineeromalliha mawu oohakallalla ni oottheya variyari viwa. Kineerohiiha mawu oothapella a ootthella ni ootthelliwa. Khowa wiiweyattho onyakulla wa nsillo nave kineerothiimiha enyali ddittheddene.

Yeremiya 25:10 ပူးပေါင်းရင်းမြစ်များ

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Ezekiele 26:13

Kineerohiiha onyakulla wa machipwaawo nave winlla wa magitala khowa wiiweyattho.

Yeremiya 16:9

Apwiya Amasiva Mattheene, Mulluku a Israele enallota wi, “Vano va nipuro nenna kineerewaamalliha mawu eehakallallo ni oothapella nave kineerovenyihavo mawu a ootthella ni ootthelliwa nyu moonaka.

Hoseya 2:11

Kineeromalliha ohakallalla waye otthewene, Ehakallallo ya Wooneya wa Mweeri, ya Masabata ni ehakallallo ddimodda ddoopatuleya.

Estere 8:11

Ekaamba ya makalataalla mwene ahaakhullella wi Ayuda ookhalla mu mizinda ddittheddene, etthukumane ni oteteza okumiiwa. Navettho wi yoononge, yiiphe ni otthollosa nirive nlloko na adani oovenyera mu erive echigawo ayo yaallika. Ewoononge aniiwa ni atthiyaniiwa navettho emwaakhe katundwiiwa muttheene.

Estere 7:4

Vawi aanikulliha, miyaano ni athu a nlloko naka wi noonongiwe, niiphiwe ni wi nitthollosiwe. Yanikullihalleke wi nikhalle akaporo, allopwana ni atthiyaneene, keereweera ellapo tuu oohillotavo ello vawi ohoosiwa wahu khewaaphiyere vawi nyu amwene mukatamihiwekena.”

Estere 3:13

Kalatooyo arumihiwe ni amithenga o ezigawo ddittheddene dda omwene wi ewoononge, owiipha ni waatthollosa Ayuda attheene, athu eesombwe ni awuulluvalla, atthiyana ni anamwaniine va nllapo nimodda, va nllapo na khumi ni naneeraru na mweeri wa Adara navettho wi emwaakhe katundwiiwa.

Yesaya 47:2

Kusa nsillo wi osille othu, khunuulla ekuwaawo owiitthoni. Kwinya ddoowara ddawo, oniha akasambaraawo, llapuwa mihinje.

Yeremiya 48:33

Ohakallalla ni othapella wa ellapo ya ethaya yaphaama ya Mowabu woomalla. Koohiiha ovuuva wa vinyo moovotellamo mpesa. Khaavo anakhuwa moohakallalla aavotaka mpesa vawi okhuwa oniiweyanko khe woohakallalla.

Maliro 5:15

Ehakallallo yoopallalleya m'murimani mwahu, wiina wahu wootthattuwa winlla.