Yeremiya 24:9 - Mawu a Mulluku

⁹ Kineerewaatthattusa ello yawoopiha yoonanara wa mamwene mattheene a va ellapo yavatthi, ello yoovevuwa, yoohikhalla ni mutteko, yoottheyiwa ni yootembeleliwa orive weko kinaawiikarelleemiwo.

Yeremiya 24:9 ပူးပေါင်းရင်းမြစ်များ

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 15:4

Kineerewaatthattusa ello yawoopiha wa athu a moomwene mattheene a va ellapo yavatthi ekaamba ya nnddo Manase mwaana a Hezekiya, mwene a o Yuda, eerilleeye o Yerusalemu.”

Deuteronomo 28:37

Orive weko nko Apwiya enuupallalleselleniwawo, athu eneerekewuuttikhinani, eneerekewuuttheyani, eneerekewoopa mwaha mwawuunyemullani.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

1 Mamwene 9:7

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeromutthattusa Israele ello yoottheyiha ni yoonyemulliwa variyari va athu attheene.

Yeremiya 29:22

Ekaamba ya athu eellaayo, manddiniiwa eneerekoromolliwa ni Ayuda ookhalla o Babiloni vawaatembelelani akhwiiwa. Eneerekollota wi, ‘Apwiya eweerelle wonanko mmo yaweerenlliiwa Zedekiya ni Ahabu ayo yoosiwe mwene a o Babiloni!’

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yeremiya 25:18

Yaakiruma o Yerusalemu, o mizinda dda o Yuda, wa mamwenaaye ni enduna ddaye wi etthattuwe matepe, ello yawoopiha ni yoottheyiwa monga ddikhallelliiwa ollello.

Yesaya 65:15

Athwaaka ootthoolliwa eneeroromolla nnddina nanyu vootembelelani nave mi Apwiya Mulluku kineerowiiphani. Koma oyo anakiiwellella miyaano kineeromuvaha nnddina nanaanweene.

2 Epilli 7:20

sika kineerewaavenyihamo Aisraelaayo mu ellapo kaavahilleemi. Nave enyumba eyo kayipatulalleemi wi nnddina naka nillapellelliwekemo kineeroyikhoota nave kineeroyitthattusa yoottheyiha ni yoonyemulliwa variyari va athu attheene.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Ezekiele 26:2

“We mwaana a muthu, athu a o Tiro yaamunyemulla Yerusalemu wi, ‘Ha! Olle waari mullako woovollowella mitundu dda athu ohoonongeya. Millako ddaye ddoonihulleyella vano nineerokhalla ni eyuuma vawi ootthattuwa ntepe.’

Ezekiele 25:3

Alleelle wi, ‘Nyu Aamoni, iwani mawu a Apwiya Mulluku awi mwaaromolla mawu oonyemulla moonille nipuro naka noopatuleya niripihiwaka, ethaya ya Israele yoonongiwe nave athu a o Yuda ephariwe okaporo.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.

Yeremiya 44:12

Kineerewaakusa athu oohalla o Yuda ayo yallipihenlle oya o Iguputo wi yakhalle wenko, attheenaayo eneerotthollowa. Eneerewiiphelliwa mu ellapo ya Iguputo, amodda enaakhwe ni ekhoto nave amodda ni ettalla. Ang'onong'ono ni uullupalli enaakhwe ni ekhoto apaalle ni ettalla. Nave eneerotthattuwa ello yoonanara ni yooriiryiha mwiilli, ello yootembeleliwa ni yoovevulliwa.

Yeremiya 42:18

“Apwiya Amasiva Mattheene, Mulluku a Israele, enallota wi, ‘Wonanko mmo kaashelleemi murima athu ookhalla o Yerusalemu, emoddamoddave yeeyo kineerewuushellani murima nyuwaano mwaya o Iguputo. Muneerotthattuwa ello yoonanara ni yawoopiha, yootembeleliwa ni yoonyaambusiwa. Khamuwa moonattho nipuro nenna.’ ”

Yeremiya 19:8

Muzindoolla kineerowutthattusa nipuro nawunkha ni nawoopiha musoonyo. Arive muthu ooviravo oneerekoriiryiwa mwiilli vawoonani woonongeya wiwa.

Masalimo 69:11

Kawanreemi echiguduli wooniha winlla, kaatthattuwa yowaattheyiha.

Yesaya 43:28

mamwenaanyu yaaripiha nipuro naka naweella. Ekaamba ya yeella kahaakhullella wi Yakobo oonongiwe, Israele avevulliwe.”

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Ezekiele 23:46

Mi Apwiya Mulluku kinallota wi, “Mwiithane mulloko wa athu wi waahoose ni owaakha eyuumiiwa.

Yeremiya 44:13

Kineerewaallaka Ayuda ookhalla o Iguputo wonanko mmo kaallakelleemi o Yerusalemu.