Yeremiya 24:7 - Mawu a Mulluku

⁷ Kineerewaavaha murima wookidduwella wi mi tti Apwiya. Alliwa enaakhalle athwaaka, mi kinaakhalle Mullukwiiwa vawi eneerohokollweella wa mi ni murimiiwa muttheene.

Yeremiya 24:7 ပူးပေါင်းရင်းမြစ်များ

Aheberi 8:10

Vano ella sika echipangano kineereemi kikeraatthihe ni Aisraele m'mallaponi enawaayo, enallota tti Apwiya. Kineerewiiyaatthi malamulwaaka m'maganizoni mwiwa ni waalemba m'murimani mwiwa. Kineerokhalla Mullukwiiwa, nave alliwa eneerokhalla athwaaka.

Yeremiya 30:22

Sika nyu muneerokhalla athwaaka, mi kineerokhalla Mullukwaanyu. Mi Apwiya koollota.”

Ezekiele 37:23

Kheyiiripihattho ni mafanwiiwa ni ddeko ddimodda ddoonanara apaalle ni ddirive ddoochimwa ddiwa ddittheddene. Koma kineerewaavullusa o machimwiiwa mattheene nave kineeroweelliha. Vano alliwa eneerokhalla athwaaka nave miyaano kineerokhalla Mullukwiiwa.

Zekariya 8:8

Kineerewaahokollosa wi yakhallettho o Yerusalemu. Sika eneerokhalla athwaaka nave kineerokhalla Mullukwiiwa, moororomelleya ni moolungama.”

Aroma 6:17

Koma Mulluku athokoziwe! Vawi naari khalle mwaari akaporo a machimo, mohiiwellella ni murimaanyu muttheene yawoona ya ehuddiho eyo munathwareenyu moohiyavo murima.

1 Samuele 7:3

Vano Samuele ahaalleella Aisraele attheene wi, “Mwaapaallaka ohokollweella wa Apwiya ni murimaanyu muttheene, muvenyihe milluku ddeelleto ni dda Ashitaroti variyari vanyu. Murimaanyu muttheene okhalle va Apwiya ni waarumeyella alliwave. Mweeddiiddo eneerewuuvullusani wa Afilisti.”

Ezekiele 37:27

Enyumbaaka eneerokhalla variyari viwa. Miyaano kineerokhalla Mullukwiiwa nave alliwa eneerokhalla athwaaka.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yeremiya 3:10

Komave eerille ddittheddenenndda, Yuda mwanamunne oohiroromelleya aahokollweella wa miyaano koma moolleka ohiri ni murima muttheene. Mi Apwiya koollota.”

Yesaya 51:16

Kaahiya mawaaka muwano mwanyu, kahuutetezani ni nnatta naka. Kahaanddellella ddooddullu, kaakeraatthiha matthipello a ellapo yavatthi. Kahaalleella athu a o Ziyoni wi, ‘Muri athwaaka.’ ”

2 Epilli 6:38

Athwaayo yaahokollweella wa nyuwaano ni murimiiwa muttheene ni okumiiwa muttheene mu ellapo nko yapharelliwiiwawo okaporo, yavekella wa nyuwaano moowehani o ellapwiiwa eyo mwaavahilleenyu makhollwiiwa, o muzinda oyo mwawutthoollilleenyu navettho onyumbani eyo kimakenlleemi nnddina nanyu

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Masalimo 119:2

Oodala tti ayo enasunga malamulo a Apwiya, ayo enawaashaasha ni murimiiwa muttheene,

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 11:4

eyo kakeraatthihalleemi ni makhollwaanyu kaakhumihalle o ellapo ya Iguputo.’ Kaakhumihalle mu eng'anjo yooviha kaallota wi, ‘Mwaakiiwellellaka ni weera nnddo kinuulleelleemini, nyu muneerokhalla athwaaka nave mi kineerokhalla Mullukwaanyu.

Yeremiya 29:10

“Apwiya enallota wi, ‘Ddamalla miyakha 70 dda Babiloni, kineeroweetellani ni weera kuulonjezilleemini nave kineerewuuhokollosellani o nipuronna.

Ezekiele 14:11

Kinaaweere ddenndda wi Aisraele ehihollowe nave wi ehiye machimwiiwa. Eneerokhalla athwaaka nave miyaano kineerokhalla Mullukwiiwa. Mi Apwiya Mulluku koollota.”

Ezekiele 16:62

Kineerokeraatthiha echipangano ni weyaano nave oneerodduwella wi mi tti Apwiya.

Ezekiele 39:22

Waambeella nllapo nenno oya muhoollo Aisraele eneerodduwella wi mi tti Apwiya Mullukwiiwa.

Ezekiele 11:17

“Sika waalleelle athu wi mi Apwiya Apwiya Mulluku kinallota wi, kineerewaatthukumaniha ovenyera wa mitundu ddimodda, o ellapo nnddo kaapallalleselleemiwo wi kaahokolloselle o ellapo ya Israele.

Hoseya 2:22

Ethaya eneerewaakhulla tirigu, vinyo ni makhura nave ddenndda ddineeromwaakhulla Yezireele.