Yeremiya 24:10 - Mawu a Mulluku

¹⁰ Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Yeremiya 24:10 ပူးပေါင်းရင်းမြစ်များ

Yesaya 51:19

Ddoohoosa piilli ddohuumorella, ellapwaawo yoomora ni woonongeya, athwaawo aatthollowa ni ettalla ni ekhoto. Ttaani anaaweerelle echifundo? Ttaani anuukhurumuse murima?

Ezekiele 33:27

Waalleelle wi mi Apwiya Mulluku kinallota wi, kinimallupella vamiitthoni vaka wi athu ayo yahanlle m'matepeni a mizinda eneerewiiphiwa ni nsupada. Ayo yahanlle m'mizi kineerewaavelleella o enama ddamuhakani wi ddaattakhune. Ayo yiipitthalle m'mwaangoni ni m'makhunguni eneerokhwa ni millilli.

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 27:8

“Koma orive mutundu wa athu apaalle erive ellapo yakhoota omurumeyella Nebukadinezara mwene a o Babiloni apaalle waakhullella nigoli naye, kineerewaallaka ni ekhoto, ettalla ni mullilli ophiyera kaavelleellille attheene m'mattani mwaye.

Yeremiya 19:7

Va nipuro nenna kineerovirikaniha yoolinga ya athu a o Yuda ni a o Yerusalemu. Athu a mwemmo kineerowiiphiha wa adaniiwa okhotoni nave kineerowoonongiha wa athu awiitanana. Mitembo ddiwa kineerodditthattusa yoocha ya epallame ni enama ddamuhakani.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 15:2

Nave Yuukoha wi, ‘Ethiyo niye wuuwi?’ Waalleelle wi mi kinallota wi, ‘Oophwanella okhwa enaaye wuukhwaani, a o nsupada enaaye onsupadani, a o ettalla enaaye ottallani, a o okaporo enaaye wuukaporoni.’

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Yeremiya 5:12

Athu yohaakhoota Apwiya voollotani wi, “Apwiya kheneerella erive ello. Kheyiivo yoonanara enaanooneyelle, khaniwa noona ekhoto apaalle ettalla.”

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Deuteronomo 28:21

Eneerewuumorihellani ereta ddoothwaranathwarana ophiyera mutthollowille attheene mwiillaponi munaawaakheenyu.

Yeremiya 21:9

Arive muthu oohalla mu muzindoolla aneerokhwa ni ekhoto, ettalla apaalle mullilli. Koma arive muthu aniivelleelle wa Ababiloni ayo ewaaphenlleni ni misasa ddakhoto aneerokhalla ni okumi vawi aneerovulluwa.

Yeremiya 42:17

Athu attheene enallipihella ddooya o Iguputo wi yakhalle wenko enaakhwe ni ekhoto, ettalla ni mullilli. Khaavo naari mmodda anaahalle apaalle ovulluwa o ddawoopiha nnddo kineereemi kaamorihelle.’ ”

1 Mamwene 14:15

Nave Apwiya eneeromutikha Israele wonanko epango yam'maaddini. Eneerewaavenyihamo Aisraele attheene mu ellapo yaphaameella eyo yaavahilliiwa makhollwiiwa nave eneerewaapallallesella okhopella wa muhinje wa Yufurate, kaambiiwa yahiisemella mafanwiiwa a Asherimu waashiha murima Apwiya.

Yeremiya 9:15

Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 29:17

Apwiya Amasiva Mattheene enallota wi, ‘Kineerowiipha ni ekhoto, ettalla ni mullilli. Kineerewaatthattusa wonanko namukuyu awunta wunchichi, oohiphwanella omucha.

Yeremiya 29:18

Kineerowiipha ni ekhoto, ettalla ni mullilli nave kineerewaatthattusa ello yawoopiha wa athu a ma omwene mattheene a va ellapo yavatthi. Enaakhalle ootembeleliwa ni awoopiha, oosoonyiwa ni oovevuwa variyari va mitundu ddittheddene dda athu nko kawiikarelleemiwo.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 32:25

Komave naari muzindoolla ovelleelliwaka wa Ababiloni, nyu Apwiya Mulluku, mwaakilamula wi kikulle emateelle vamiitthoni va amboni.”

Yeremiya 42:22

Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Ezekiele 6:11

“Mi Apwiya Mulluku kinallota wi, ‘Opa m'mattani mwawo nave onyingallihe nnyallo nawo vatthi mwamasiva.’ Vano ollote wi, ‘Otulli!’ Ekaamba ya ddoonanara ddittheddene nnddo nibanja na Israele yeerilliiwa eneerokhwa ni ettalla, ekhoto owaaka mullilli.