Yeremiya 24:1 - Mawu a Mulluku

¹ Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.

Yeremiya 24:1 ပူးပေါင်းရင်းမြစ်များ

Yeremiya 29:2

Nndda ddeereyille mvo Yehoyakini ni mwene aamutthiyana, enduna dda o enyumba yoomwene ni oohoollella a o Yuda ni a o Yerusalemu navettho athu attheene eeruso yavenyilliiwawo Yerusalemu.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

Zekariya 3:1

M'masomphenya mamodda Apwiya yaakooniha mullupa mukutho muullupalli Yoswa iimenlle vamiitthoni va mungelo a Apwiya. Nave vakhuviru ni Yoswa vahiimella Satana, akhozekenlle omuhumullulla.

Zekariya 1:20

Vatulli viwa Apwiya yaakooniha oohana mikoko asese.

Amosi 7:7

Nndda sika Apwiya yakoonihelliiwa m'masomphenya mamodda. Kaawoona alliwa yiimenlle va esiri yoomakamaka m'mattani mwiwa muri mukwe wookollelliwana esireeyo.

Amosi 7:4

Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Amosi 7:1

Nndda sika Apwiya Mulluku yakoonihelliiwa m'masomphenya. Apwiya yaamupanga nazombe va enthawi eyo mwene atullalleeye manasi nave ephuwellakattho.

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Ezekiele 19:9

Yaawuphara ewuvokhella muchisangalani, eyaana wa mwene a o Babiloni nave mwenooyo aawuvokhella mu endende wi onyakulla wiwa ohiwe wiiweyattho mu miyaango dda Israele.”

2 Mamwene 24:10

Enthawi yeeyo akhoto a Nebukadinezara mwene a o Babiloni yaawa o Yerusalemu ewaapheella muzindooyo ni misasa ddakhoto.

Yesaya 13:1

Nndda sika ddeko Yesaya mwaana a Amozi oonilleeye m'masomphenya oollota dda Babiloni.

Yeremiya 27:20

Ddenndda Nebukadinezara mwene a o Babiloni khaaddaakhille va enthawi amuphareeye okaporo Yehoyakini mwaana a Yehoyakimu mwene a o Yuda ovenyera o Yerusalemu oya o Babiloni ni enduna dda o Yuda ni o Yerusalemu.

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Yeremiya 29:1

Yeremiya aamurumiha kalata ovenyera o Yerusalemu oya wa oohoollella a wuukaporoni navettho allupa mukutho, anamallotella ni athu amodda attheene ayo Nebukadinezara aaphanreeye okaporo o Yerusalemu aayaana o Babiloni.

Yeremiya 37:1

Mwene Nebukadinezara a o Babiloni aamukeraatthiha Zedekiya mwaana a Yosiya va mpando woomwene o Yuda, munipuroni mwa Yehoyakini mwaana a Yehoyakimu.

Yeremiya 13:19

Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”

Ezekiele 17:4

Yahinttaka etthokatthoka ya enthambeeyo eyaana o ellapo yamalonda yayihiya mu muzinda wa amalonda.