Yeremiya 23:8 - Mawu a Mulluku

⁸ Koma eneereke wi, ‘Va miitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Yeremiya 23:8 ပူးပေါင်းရင်းမြစ်များ

Ezekiele 34:13

Kineeroddikhumiha variyari va mitundu dda athu, kineerodditthukumaniha ovenyera o ellapo ddimodda nave kineeroddihokollosella o ellapwiiwa. Kineerekoddichiha o miyaango dda o Israele vakhuviru ni mihinje ddiwa ni mapuro mattheene aphaama nko onakhalla athu.

Zefaniya 3:20

Enthawi yeeyo kineerewuutthukumanihani nave kineerewuuhokollosellani owaninyu. Kineerewuutthattusani athu oovuwa ni ooriiheya variyari va mitundu ddittheddene dda athu a va ellapo yavatthi, kineerewuuhokollosellani ddaphaama mwiikimoona. Mi Apwiya koollota.”

Ezekiele 39:28

“Sika eneerodduwella wi mi tti Apwiya Mullukwiiwa, vawi kahaarumiha wuukaporoni variyari va mitundu ddimodda nave kineerewaahokollosella attheene o ellapwiiwa woohimuhiya naari mmodda.

Ezekiele 37:25

Eneerokhalla mu ellapo eyo kamuvahilleemi oorumeyellaaka Yakobo nko wakhalla makhollwaanyu. Alliwaayo, aniiwa ni edduullu ddiwa eneerokhalla wenko wa enthawi yoohimalla. Nave oorumeyellaaka Davide aneerokhalla oohoollelliwa wa enthawi yoohimalla.

Ezekiele 36:24

Kineerewuukhumihani variyari va mitundu ddimodda, kineerewuutthukumanihani ovenyera o erive ellapo nave kineerewuuhokollosellani mu ellapwaanyu.

Yeremiya 23:3

Nave kineerotthukumaniha eziweto ddaka ddoohalla ovenyera o ellapo ddittheddene kaddiikarelleemiwo. Kineeroddihokollosella o nibusa noowaniwa nave ddineerorellana ni waata.

Yesaya 14:1

Apwiya eneereweerella echifundo nibanja na Yakobo, eneerewaatthoollattho Aisraele ni owaakhullella wi ekhallettho mu ellapwiiwa. Athu ayo ehiri Aisraele eneerokhalla nimodda ni ollundellelleyana ni nibanja na Yakobo.

Yeremiya 8:3

Athu attheene oohalla mwa athu a mutundu woonanaroolla, orive weko kiwiikarilleemiwo eneerotthoolla okhwa okhwaranya wi eneerovirellella okhalla ni okumi. Mi Apwiya Amasiva Mattheene koollota.”

Yeremiya 16:15

Koma eneereke wi, ‘Vamiitthoni va Apwiya ayo yaakhumihalle Aisraele o ellapo ya ompoto ni o ellapo ddittheddene nko yaapallalleselliiwa!’ Kineerewaahokollosella o ellapo eyo kaavahilleemi makhollwiiwa.”

Yeremiya 29:14

muneerokiphwanya. Kineerewuuhokollosellani ddaphaama ddanyu ni wuutthukumanihani ovenyera o mitundu ddimodda dda athu ddittheddene ni orive nipuro nko kawiikarelleniimiwo. Kineerewuuhokollosellani o nipuro nko mwakhalleenyu kihinawiikarelleni wuukaporoni. Mi Apwiya koollota.’

Yeremiya 30:3

Enthawi enimawa yawi kaahokolloselle ddaphaama athwaaka ni waahokollosellattho owaniwa, Aisraele ni Ayuda, o ellapo eyo kaavahilleemi makhollwiiwa wi ekhalle yayiwa.”

Yeremiya 30:10

“We Yakobo, murummwaaka, ohoove. We Israele, ohitathille murima. Mi Apwiya koollota. Vawi Kineerewuuvullusani ovenyera o ellapo yawoorekama. Kineeroddoopollattho edduullu ddanyu ovenyera o ellapo dda wuukaporoni. Attheenenyu muneerohokollowattho, muneerokhalla ni murendelle oohikhallavo oowoopopihani.

Yeremiya 31:8

Kineerewaakhumiha ovenyera o ellapo ya ompoto, kineerewaatthukumaniha ovenyera wookomella ellapo yavatthi, oohoona ni oorakalla, atthiyana eerukullu ni a va enthawi yooyara. Onaakhalle mulloko muullupalli wa athu oohokollweella wuno.

Yeremiya 32:37

“Mi kineerewaatthukumaniha athwaalla ovenyera o ellapo ddittheddene kawiikarelleemiwo kishille murima navettho kinanariwalle wunchichi. Kineerewaahokollosellattho o nipuro nenna nave eneerokhalla wuno ni murendelle muttheene.

Ezekiele 28:25

“Mi Apwiya Mulluku kinallota wi kaatthukumaniha Aisraele ovenyera o mitundu dda athu nko yamwareyelliiwawo, kineerowoonihella weella waka mwa alliwaayo athu a mitundu ddittheddene yoonaka. Alliwa eneerokhallattho mu ellapwiiwa eyo kamuvahilleemi oorumeyellaaka Yakobo.

Yowele 3:7

Koma kineerewaakhumihawo omapuroni nko mwaakullihalleenyuwo nave kineerewuuhokollosellani nnddo mwaweerelleenyu.

Yesaya 11:11

Nllapo nenno Apwiya eneerottaphurusa mattiiwa waneepiilli wi ewoopolle athwiiwa oohalla o Asiriya, o Iguputo, o Patirosi, o Kushi, o Elamu, o Babiloni, o Hamati ni va ezilumba dda mu enyanja.

Yeremiya 16:14

Sika ekaambiiwa Apwiya enallotiiwa wi, “Mallapo enimawa mvo athu khellupellakattho wi, ‘Vamiitthoni va Apwiya Ookumi ayo yaakhumihalle Aisraele o ellapo ya Iguputo.’

Ezekiele 36:35

Eneerekollota wi ‘Ethaya elle yatthattuwalle ntthalleelle vano yootthattuwa emata wonanko ya Edeni. Vano munnakhalla athu m'mizindani nndde khalle ddaari matepe oohiyiwa ni awoonongeya. Navettho mizindannddo vano ddookhalla ni mipanda ddoollipa.

Mika 7:15

Monga mallapo alle mwakhumalleenyu o Iguputo, nooniheni ddoottikhiniha.