Yeremiya 23:30 - Mawu a Mulluku

³⁰ Ekaamba ya yeella kinnaakhoota anamallotella ayo eninnyerana mawu anayaayove voollotani wi mawaayo tti a miyaano.

Yeremiya 23:30 ပူးပေါင်းရင်းမြစ်များ

Deuteronomo 18:20

Koma arive namallotella oollotella mu nnddina naka, miyaano kihimulamunle apaalle oollotella mu nnddina na milluku ddimodda, olliye iiphiweke.’

Ezekiele 13:8

“Sika vano mi Apwiya Mulluku kinallota wi, ‘Kinnuuvaanyihani wi mawaanyu tti oohikhalla ni mutteko nave masomphenyaanyu tti awoottha.

Ezekiele 13:20

“Ekaamba ya yeella mi Apwiya Mulluku kineeroddikhoota ezitumwa m'miwononi, ddawaakopa athu wonanko muniipha epallame. Kineeroddikhoddolla m'miwononi mwanyu wi kaavulluse athu ayo mwaakopilleenyu wonanko epallame.

Masalimo 34:16

Koma Apwiya ennaananariwella aweera ddoonanara, vawi khewa yuupuwelleya vatthimva.

Ezekiele 15:7

Nave kineerewaallaka. Naari ethaweve munllo, oneerewaashellellihave. Sika kaallaka muneerodduwella wi mi tti Apwiya.

1 Petro 3:12

Miittho a Apwiya eri va oolungama, maarwiiwa ennaapella mavekellwiiwa koma ennaananariwella aweera ddoonanara.”

Yeremiya 44:29

Kinuuvahani echizindikiro yawi kineerewuullakani o nipuro nenna wi vawi ddiiddo mudduwelle wi mawaaka awi kineerewuullakani tti awoona.

Yeremiya 44:11

“Ekaamba ya yeella Apwiya Amasiva Mattheene, Mulluku a Israele, enallota wi, ‘Koosimikiza oweerella ddoonanara ni waatthollosa athu a o Yuda.

Deuteronomo 29:20

Apwiya khemukhululukella muthu awi ddiidda vawi Apwiya eneeromushella murima ni ehache yookhara. Nave matembelelo oolembiwa munibukhunimmu eneeromumorella nave Apwiya eneeromoononga wawi khawa uupuwelliwa va ellapo yavatthi.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Levitiko 20:3

Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella.

Yeremiya 21:13

Nyu ookhalla muntaponi, kinawiipani mullatu nyuwaano ookhalla wonanko nlluku na va ntapo. Nyu munallota wi, ‘Ethiyo ttaani anaanihelle ekhoto. Ttaani anaawore ovollowa m'millakoni mwahu?

Yeremiya 23:31

Ngoonani, kinnaahumullulla ayo enaddivelliwa ollota ddawoottha wi, ‘Alla sika mawu a Apwiya.’