Yeremiya 23:22 - Mawu a Mulluku

²² Yakhanlleke ni miyaano va mutthukumanwaaka, yaaweerollalleya mawaaka wa athwaaka ni waavenyihamo athwaaka mu ettilla ddiwa ddoonanara wi ehiye machimwiiwa.”

Yeremiya 23:22 ပူးပေါင်းရင်းမြစ်များ

Zekariya 1:4

Muhikhalle wonanko makhollwaanyu ayo yiiwalle mawu a anamallotella akhalle ootthopoolla othengaaka wawi, ‘Hiyani makhallellwaanyu oonanara ni oochimwa.’ Koma alliwa kheyaawiiwellelle naari vang'ono, Mi Apwiya koollota.

Yeremiya 25:5

Alliwa yaanallotella wi arive muthu mwa nyuwaano ahiye makhallellwaaye oonanara ni mitteko ddaye ddoonanara wi mukhalle mu ellapo eyo Apwiya yuuvahilliiwani nyuwaano ni makhollwaanyu wa enthawi yoohimalla.

Yeremiya 23:18

Mi kaallota wi, “Mwa anamallotellaayo, ttaani akhanlle mu mutthukumano wa Apwiya? Ttaani awoonille ni wiiwa mawiiwa? Ttaani mwa alliwaayo apwathille mawiiwa ni owiiwellella?

Mitteko 20:27

Vawi ngiwiipitthihelleni ello kallalleyeemi yoopaalla ya Mulluku wa nyuwaano.’

Ezekiele 13:22

Woottha wanyu wahaatathilliha murima athwaaka oolungama ayo mi kihinapaalleemi wi etathille murima. Mwaawummiha murima athu oonanara wi ehihiye machimwiiwa wawi khewora ovullusa okumiiwa.”

Yeremiya 35:15

Kahaaruma wiilliwiilli amurummwaaka anamallotella wi yuulleelleni wi, ‘Arive muthu mwa nyuwaano ahiye mitteko ddaye ddoonanara. Mupotokose makhallellwaanyu nave muhiye othwara milluku ddimodda, muhiddillapelleke. Sika muneerokhalla mu ellapo eyo kuuvahilleemini nyuwaano ni makhollwaanyu.’ Koma nyu khamwaapwathillewo, khamwaakiiwellelle.

1 Atesalonika 5:6

Sika vano nihikoneke wonanko amodda ayo koma muvenyeke nave mukhalleke oowehera.

Ezekiele 3:17

“We mwaana a muthu, kohuutthoolla wi okhalle owehera a Aisraele. Wiiwa mawaaka waachenjezeke.

Ezekiele 2:7

Waalleelle mawaaka, yiiwellella apaalle yakhoota vawi alliwa tti oowukila,

Ezekiele 18:30

“Sika vano mi Apwiya Mulluku kinallota wi, arive muthu mwa nyuwaano Aisraele kineeromweeruza moollikana ni mitteko ddaye. Rukunuwani murima, hiyani ddoonanara ddanyu wi machimwaanyu ehiwoonongeni.

Yeremiya 36:3

Apaalle nibanja na Yuda ttuuwiiwa dda ddawoopiha ddittheddene nnddo kinaamorihelleemi. Sika arive muthu aneerohiya makhallellwaaye oonanara. Vano kineerewaakhululukella ddoonanara ddiwa ni machimwiiwa.”

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Ezekiele 13:5

Khamuwenlle esiri wi mwapotokose mmo mwakumuwalle wi Aisraele eteteziwe moollipa vakhotoni nllapo na Apwiya.

Amosi 3:7

Ddawoona, Apwiya Mulluku kheneera ello ehinaawululelle owaarumeyelliiwa, anamallotella.

Malaki 2:6

Malamulo awoona yaari vayanoni vaye nave khaallotille yoohilungama. Aheeta ni miyaano mwamurendelle ni mwawookowa nave ahaahokollosa anchichi o ddoonanara.