20 Owalli wa Apwiya oneerovirellella ophiyera yeerille ddittheddene nnddo yasimikinziiwa m'murimani mwiwa. Nave muneeroddidduwella phaama ddenndda mallapo amuhoollo.”
Owalli wa Apwiya khowa ovenyavo ophiyera omallihalle weera ddittheddene nnddo murima wa Apwiya onapaalliiwa. Mallapo enawaayo athu a Apwiya eneerewiiwesesa ddenndda.
Mmu sika eneerella mawu oovenyera muwano mwaka, khenahokollweella wa miyaano ehiphunre ello koma eneereweera ddittheddene kinapaalleemi, nnddo kaarumihelleemi ddineereweeta phaama.
Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”
Apwiya Amasiva Mattheene yoollupella wi, “Ddawoona, ddineereweereya wonanko mmo kikeraatthihelleemi nave ddinaakhalle wonanko mmo kisimikizelleemi.
Khaviri ezeru wiiwesesa apaalle malangizo owaapambana Apwiya.
Vatulli viwa Yakobo aawiithana anaaye aallopwana nave aalleella wi, “Mutthukumane vamodda wi kuulleelleni ddinaaweereyelleni muhoollo.”
Komave Apwiya kheyaahiyalle osha murima nko wakhalla va Yuda vawi Manase ahaattatthamulla Apwiya.
Vano eri wuukaporoninko yaadduwella ochimwa wiwa erukunuwa murima ni oveka wa nyuwaano mwawiiyeviha mu ellapo ya athu ayo yaaphanre okaporo, voollotani wi, ‘Noochimwa, noohollowa, noheera ddoonanara.’
Mwakhalla mu ddoohoosa nave ddeko ddittheddenenndda ddaweereyellani vatulli viwa muneerohokollweella wa Apwiya Mullukwaanyu nave muneerewiiwellella mawiiwa.
Sika Apwiya yaallota wi, “Kineerewaavenyiha athu a o Yuda vamiitthoni vaka wonanko kaavenyihelleemi Aisraele attheene. Kineerowoononga muzinda wa Yerusalemu oyo kawutthoonlleemi ni enyumba eyo kallotilleemi wi, ‘Nnddina naka ninaakhalle mwemmo.’ ”
Sika ellapo yavatthi ettheene eneerewinlla nave oddullu oneerokhalla epiphi. Vawi mi Apwiya koollota, ngirukunusa maganizwaaka. Kookeraatthiha yoolingaaka, ngihokollweella mutulli.
Imesani embendera nave moononge mipanda dda Babiloni. Mwaallipihe ooteteza, mwaahiyevo alonda nave mukhozekelle waatthollosa.” Apwiya aaganizera nave eneereweera nnddo yallotilliiwa dda athu a o Babiloni.
Vano athu eneerodduwella wi mi Apwiya koohullulla nsupada naka nave nginihokollosellattho munigoneloni.’
Nohaandusiwa wi niiphe, noopukutiwa wi nasherime wonanko ettari. Ninaahakallalle mwawiidde athwaaka evevullaka ekopwaaka yoollakella?