Yeremiya 23:16 - Mawu a Mulluku

¹⁶ Apwiya Amasiva Mattheene enaalleella athu wi, “Muhiiwellelle nnddo enallota anamallotella, alliwa enuullotellani ddawoottha. Nnddo enuulleelliiwani wi ennaddoona m'masomphenya tti dda m'muruni mwiwa, khe ddoollota dda Apwiya.

Yeremiya 23:16 ပူးပေါင်းရင်းမြစ်များ

Yeremiya 14:14

Koma Apwiya yaakaakhulla wi, “Ddawi anamallotellaayo ennallotella mu nnddina naka tti ddawoottha. Ngaatthoollille apaalle waaruma apaalle ollota ni alliwaayo. Alliwa enallotella ddawoottha nnddo eneeriiwa eddoonille m'masomphenya. Enoombesa mwawoottha, nnddo enallotiiwa tti dda m'muruni mwiwa.

Ezekiele 13:6

Anamallotellaayo ennallotella ddawoottha nave ennoombesa ddawaahollosa. Ennallota wi, ‘Enallota tti Apwiya koma Apwiya ehimurumalle naari vang'ono.’ Koma enatiyera wi ddennddo ddineereweereya.

Mateyu 7:15

“Chenjerani ni anamallotella awoottha; enaphiya wa nyuwaano yooneyaka oomaalleya wonanko enkhosa koma muwari mwiwa eri enama ddawoopiha

Ezekiele 13:3

Mi Apwiya Mulluku kinallota wi, ‘Otulli anamallotella ookarangeya ayo enallotella dda m'muruni mwiwa, ehoonille erive ello yoovenyera wa miyaano.

1 Yohane 4:1

Akhwaaka ookondiwa, muhinaakhulupilila ayo enallota wi aakhalla ni munepa koma muweeseke wi mudduwelle munepa eriiwanooyo waarimi ovenyeraka wa Mulluku. Vawi anamallotella awoottha anchichi yahooneya va ellapo yavatthi.

Yeremiya 23:21

Apwiya yaallota wi, “Anamallotella yaalla kaarumalle khe miyaano komave yaanathamaka nngu ni nngu enallotella wonanko kahaaruma.

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yeremiya 23:26

Ethiyo anamallotella awootthaalla ayo enallotella ddoolleka dda m'murimani mwiwa, enaaddisunge ddawootthanndda m'murimani mwiwa ophiyera niini?

Ezekiele 22:28

Nave anamallotellaaye ennavittha ddenndda wonanko mmo eneerella athu voomarani otooto waweella, ennaddihuruwella ni nnddo enaddooniiwa voollohani ddawoottha ni makhangiiwa oolleka. Ennallota wi, ‘Apwiya enallota nndda’ Koma mi Apwiya Mulluku kihillotille ddennddo.

Ezekiele 13:23

“Sika ekaamba ya yeella khamoonattho masomphenya awoottha nave khamoombesa mowaahollosa. Kineerewaavullusa athwaaka m'mattani mwanyu. Vano muneerodduwella wi mi tti Apwiya.”

Ezekiele 13:16

“Eneerokhwattho anamallotella a o Israele ayo yallotella o Yerusalemu alle yallota wi ahoona masomphenya amurendelle koma murendelle ohiivo. Mi Apwiya Mulluku koollota.”

Yeremiya 29:8

Apwiya Amasiva Mattheene, Mulluku a Israele, enallota wi, ‘Anamallotella ehuullekeni naari awoombesa ayo eri variyari vanyu nave muhiiwellelleke ddoolloha ddiwa.

Yeremiya 9:20

Mi kaallota wi, “Nyu atthiyana, iwellellani mawu a Apwiya, apellani maaru wi mwiiwe nnddo enallotiiwa. Ahuddiheni aniinyu aatthiyana winlla, ni akhwiinyu nchipo na maliro.

Yeremiya 2:5

Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

Miyambo 19:27

Mwanaka, wahiya ohuddera oneerovirikana ni odduwella.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Maliro 2:9

Machiwi a muzindooyo aavuhellelleya, mikoko ddoollipa ddiwa ddookothowa ni omwaramwareya. Mwenaaye ni enduna ddaye eri wuukaporoni variyari va athu amitundu ddimodda. Khaavottho oollalleya malamulo a Mulluku, naari anamallotellaaye khenoonattho masomphenyaaye.

1 Mamwene 22:11

Vano Zedekiya mwaana a Kenana ahiihanella manyaka amikoko allota wi, “Apwiya enallota wi, ‘Ni ddenndda muneerewaagonjihella Asiriya ophiyera yoonongeyille.’ ”

2 Epilli 18:5

Vano mwene a o Israele ahaatthukumaniha anamallotellaaye 400 aakoha wi, “Ethiyo niye nawane ekhoto ni Ramoti Giliyadi apaalle kihiyeewo?” Anamallotellaayo yaamwaakhulla wi, “Khaweni vawi Mulluku aneerowuvelleella muzindooyo m'mattani mwanyu.”

Yeremiya 29:23

Ddawoona, makhallellwiiwa o Israele yaari oonanara, yaanararuwa ni awara aaneena, yaanallotella ddawoottha munnddina naka kihaalamunle. Mi kinnadduwella, kineerella omboni ddenndda. Mi Apwiya koollota.”