Yeremiya 23:12 - Mawu a Mulluku

¹² Ekaamba ya yeella ettilla ddiwa ddinaakhalle ddoottherenya ni ddeepiphi. Kineerewaakwakwatuwiha ni waakuha vawi kineerewaawiihella ddoonanara va enthawi ya ollakiwa wiwa. Mi Apwiya koollota.

Yeremiya 23:12 ပူးပေါင်းရင်းမြစ်များ

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yeremiya 11:23

Khavulluwa naari mmodda vawi kineerowoononga athu a o Anatoti waphiya muyakhiiwa wa ollakiwa.”

Miyambo 4:19

Ettilla ya athu oonanara tti wonanko epiphi yawoopiha. Khenadduwella yaakwakwatullalle.

Masalimo 35:6

Ettilliiwa ekhalle yeepiphi ni yoottherenya, mungelo a Apwiya aawaathwaraka.

Yohane 12:35

Yesu ahaakhulla wi, “Owala onaakhalle ni nyuwaano mu enthawi yooyeva. Etani vano muriinyuna owala wi epiphi ehuuphwanyeni. Oyo aneeta mwiipiphini khanadduwella nko anayeeye.

Yesaya 8:22

Koma voowehani ellapo, enoone ddoohoosave ni epiphi yawoopiha ni yookhupanyiha nave eneerovokhelliwa mu epiphi yawoopiha.

Masalimo 73:18

Ddawoona, munnaanyingalliha voottherenya oonanara, munnaakuha ophiyera ennoonongeya.

Eksodo 32:34

Vano khawe waahoollelle athu onipuroni nko kuulleelleemi. Upuwella wi mungelwaaka sika anuuhoollelle koma nllapo ninimawa nno kinawaallakeemi ekaamba ya machimwiiwa.”

Yuda 1:13

Ddaweera ddiwa ddoowulliha muru ddinooneya wonanko niphoru na mafunde awoopiha a va enyanja. Tti wonanko etheneeri ddaweeteeta nave Mulluku ohaasungella nipuro na epiphi yooripa yoohimalla.

1 Yohane 2:11

Koma ayo enawiita asinniwa ni arokoriwa eri mwiipiphini. Eneeta mwemmo nave khenadduwella nko enayeewawo kaambiiwa epipheeyo yooripiha miitthwiiwa.

Mika 7:4

Naari muthu aphaama wunchichi ni oolungamesesa ari wonanko miiwa. Nllapo na ollaka wawo nno nallotelliwe ni alondaawo noophiya. Vano woophiya omalla ezeru wawo.

Yeremiya 50:27

Muwiiphe ni waatthollosa asombwe akhoto attheene. Otulli wohaamorella vawi nllapo nawi ellakiwe noophiya.”

Yeremiya 48:44

Oothawa woopiha anaamorelle munllitini nave ookhuma munllitini anaamakiwe va m'musamphani. Nndda sika kineereemi kimmorihelle Mowabu va enthawi ya ollakiwa waye.

Yobu 18:18

Eneeromukakha omuvenyiha mu owala eneeromwiikariha mwiillaponi yookhallamo athu.

Deuteronomo 32:35

Ollaka ni ohokollosella ddoonanara tti ddaaka, enthawi ya oserenguwa wiwa eneerophiya, vawi enthawi ya otulliiwa yohaatamella, woonongiwa wiwa onnaakuva.

Masalimo 82:5

Khenadduwella ello navettho kheniiwesesa, enneeta mwiipiphini, Matthipello a ellapo yavatthi aatikheya.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Yeremiya 8:12

Ethiyo yaaweeraka ddoonanara, ennawulliwa muru? Iyaayi, khenawulliwa muru naari vang'ono, khanadduwella naari omoriha ekhove vatthi. Nave sika ekaambiiwa eneerewiikuha wonanko amodda yiikuhelliiwa khalle. Eneerotthollowa va nllapo nno kinaallakeemi. Mi Apwiya koollota.