Yeremiya 23:11 - Mawu a Mulluku

¹¹ “Ddawoona, anamallotella ni allupa mukutho, attheenaayo aaripihiwa. Kohaaphwanya yeeraka ddoonanara naari mu enyumbaaka. Mi Apwiya koollota.”

Yeremiya 23:11 ပူးပေါင်းရင်းမြစ်များ

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Ezekiele 23:39

Yaavelleellille aniiwa mukutho o mafanwiiwa, enthawi yeeyo yaavollowa mu enyumbaaka yaweella eyiripiha. Ngoonani, ddenndda sika yeerilliiwa mu enyumbaaka.”

Yeremiya 32:34

Yahiimesa mafanwiiwa oonanara mu enyumba eyo enadduwanyeya ni nnddina naka nave yaayiripiha.

Ezekiele 8:16

Vano aakikusella o nthato na muwari mwa enyumba ya Apwiya. Wenko, va mullako wa enyumba ya Apwiya, variyari va nikhote ni nikuwa vaakhalla allopwana 25. Yaareya etulli enyumba ya Mulluku, enaweha wookhuma nndduwa nave enallapella nndduwa.

Yeremiya 11:15

Apwiya enallota wi, “Ethiyo nyu ookondiwaaka munaashamo tini mu enyumbaaka vawi moheera ddoonanara ddinchichi? Ethiyo ollupella wanyu ni enama ddoovelleelliwa o mikutho ddanyu ttuuwuutetezani o otullaanyu? Ethiyo ddoonanara ddanyunnddo ttuuwuuhakallallihani?

Yeremiya 8:10

Sika awariwa kineerewaavelleella wa allopwana amodda, emata ddiwa kineeroddivelleella wa ayo enaavollowe munipuroni mwiwa. Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Yeremiya 7:30

“Apwiya enallota wi, ‘Athu a o Yuda aheera ddoonanara vamiitthoni vaka, ahiimesa mafanwiiwa oonanara mu enyumba ella enadduwanyeya ni nnddina naka nave aayiripiha.

2 Epilli 36:14

Oohoollella attheene a allupa mukutho ni athu amodda yaheera ddoohiroromelleya ddinchichi voothwarani ddoonanara dda athu. Nave yaaripiha enyumba ya Apwiya ayo yiipatulelle khalle o Yerusalemu.

Ezekiele 8:11

Attekweene a Aisraele 70 yaari yiimenlle vaavo. Yazaniya, mwaana a Shafani aari vaavo. Arive muthu aakhalla ni yoothuwihella mwiisi wa lubani* m'mattani mwaye nave nthuko naphaama wa lubani naaniiweya.

Ezekiele 7:20

“Khalle yaanakota ekaamba ya ddawiirerihella ddiwa nnddo yaddipharihiiwa mutteko voopangani mafano oonanara. Ekaamba ya yeella kineerewaatthattusa ooripihiwa.

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

2 Epilli 33:7

Aahiya mu enyumba ya Mulluku nifano noosema. Enyumba eyo Apwiya yamulleelliiwa Davide ni mwanaye Solomoni wi, “Mu enyumba yeella ni mu Yerusalemu sika kitthoonlleemi variyari va malloko mattheene a Israele wi ekillapellekemo wa enthawi yoohimalla.

2 Epilli 33:5

Nave aamaka makuwa oollapellavo ddeko ddamuddullu m'mathatoni meelli a enyumba ya Apwiya.

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Maliro 2:20

Ngoonani, nyu Apwiya, wehani! Ethiyo ttaani oyo mwaambillekeenyu omuhoosa mwawi ddiidda? Ethiyo atthiyana yaattakhuneke aniiwa yaayarilliiwa? Ethiyo allupa mukutho ni anamallotella yiiphelliwa mu nipuro naweella na Apwiya?

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Ezekiele 44:10

“Vano Alevi ayo yakihiyalle woorekama wa enthawi eyo Aisraele yahollowilliiwa voollapellani mafano, eneerollakiwa ekaamba ya machimwiiwa.

Zefaniya 3:3

Enduna ddaye ddaanathuruma muwari mwiwa wonanko mikango, aweeruzaaye yaari wonanko akhatwe aweeteeta misikuwa, oohihiya nikhuva wi niphiyere ohinase.