Yeremiya 23:10 - Mawu a Mulluku

¹⁰ Ellapo yooddalla ni athu ooraruwa ekaamba ya tembelelo na Apwiya. Mwiillaponi moovollowa ettalla, mapuro oochihellawo enama muhakani ahumma. Enathamakella ddoonanara, enallipihella ddoohilungama.

Yeremiya 23:10 ပူးပေါင်းရင်းမြစ်များ

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Yeremiya 9:10

Mi kaallota wi, “Kineeromoriwa ethakaraka ni winlla mookhuwa ekaamba ya miyaango, ekaamba ya mapuro oochihellawo enama a muhakani vawi mapuro mattheenaayo ahoonongeya. Khaavo anayaawo, khoniiweyattho naari winlla wa eng'ombe. Epallame ddittheddene ddoovava enama ddamuhakani ddoothawa, oohooneyattho.”

Yeremiya 9:2

Ddaawerokiddivella kaariki ni vookona muchipululuni wi kaahiye ni waathawa athwaaka. Vawi attheene tti ooraruwa, mulloko wa athu awoottha.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yesaya 24:6

Sika Apwiya aatembelela ellapo yavatthi nave athu ennahoowa ekaamba ya machimwiiwa. Alliwa yoomallihiwa nave oohalla tti ooyeva.

Yakobo 4:4

Nyu athu oohiroromelleya! Khamunadduwella wi waattana ni ellapo yavatthi tti wiitana ni Mulluku? Athu enapaalla waattana ni ellapo yavatthi enaddiitaniha weekhiiwa ni Mulluku.

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

1 Timoteo 1:10

ooraruwa, ookonana ni allopwana akhwiiwa, oowaakulla athu, oowoottha, oovelleella omboni wawoottha nave ni arive muthu aneera erive ello yoovaanyana ni ehuddiho yawoona.

Yowele 1:10

M'matani mohoonongeya ethaya eniminlla, vawi tirigu ohoonongeya vinyo oolepheleya, miteekho dda olivi ddohumma.

Yeremiya 14:2

“Yuda animinlla, mizinda ddaye ddinimahoowa, athwaaye ahiikuha moomoriha ethakaraka, Yerusalemu aninllella nikavihero.

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Levitiko 5:1

“Muthu iithaniwa o nthato namillatu, enamullupelliha wi allote dda omboni oonilleeye apaalle anadduwelleeye, olliyooyo akhoota oovelleella ombonooyo, muthu yooyo tti oophwanella ollakiwa.

Yesaya 5:18

Otulli wa athu ayo eniimakellella ni machimo wonanko mikwe ni woottha wiwa, ayo ehinawora wiittaphulla o machimwiiwa.

Yeremiya 9:12

Mi kaakoha wi, “Ethiyo eezeru ttaani oyo aniiwesese ddenndda? Nave Apwiya yamutthopoollelle aani wi aatthopoollelle amodda? Kaambiiwa tinittho ellapo yoonongeyelliiwa ni otthattuwa echipululu mmo muhinavira athu?”

Yeremiya 12:11

Yaayitthattusa ntepe, enakinllella miyaano eri weekhiiwa. Ellapo ettheene yootthattuwa echipululu khaavo oyo anapwathawo.

Hoseya 7:4

Attheenaayo tti oohiroromelleya wiita wiwa tti wookhara wonanko munllo wa mu ufuni oyo oomwaapeya buledi ahinattettheereeye waambeella ovillika mitthi dda buledi ophiyera buledooyo afufumalle.

Ezara 10:18

Nave waaphwanyeya wi amodda mwa allupa mukutho yahaatthella atthiyana eelleto. Ovenyera o edduullu dda Yeshuwa mwaana a Yozadaki ni asinne waari Maaseiya, Eliyezere, Yaribu ni Gedaliya.

Yeremiya 6:13

Vawi arive muthu, muullupalli ni mung'onong'ono, ookhalla ni eyuuma yoophwanya mwawoottha. Anamallotella ni allupa mukutho, attheene tti awoottha.

Zefaniya 3:4

Anamallotellaaye tti oohikhalla ni mutteko ni oohiroromelleya. Allupa mukuthwaaye ennaripiha ddoopatuleya, ennakhoromaniha malamulo.