Yeremiya 23:1 - Mawu a Mulluku

¹ Otulli wa abusa ayo enoononga ni opallallesa enkhosa dda va nibusa na Apwiya.

Yeremiya 23:1 ပူးပေါင်းရင်းမြစ်များ

Yeremiya 10:21

Kahaakhulla wi “Vawi abusaahu tti ookarangeya, khenaveka ezeru wa Apwiya. Ekaamba ya yeella ddeko kheddinaweetella phaama, enkhosa ddiwa ddaapallalleya.

Ezekiele 13:3

Mi Apwiya Mulluku kinallota wi, ‘Otulli anamallotella ookarangeya ayo enallotella dda m'muruni mwiwa, ehoonille erive ello yoovenyera wa miyaano.

Mateyu 9:36

Yesu oonille mulloko wa athoolle, ahaamorella ethakaraka kaambiiwa athwaalle yaari ookhupanya ni oorama nikavihero wonanko enkhosa ddoohikhalla ni mbusa.

Yeremiya 22:22

Ephevwaaka eneerewaatukhullavo abusaanyu attheene, akhwaawo eneerophariwa okaporo. Ddawoona, muneerovevulliwa ni onyaambusiwa ekaamba ya ddoonanara ddanyu ddittheddene.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Yeremiya 50:6

“Athwaaka tti wonanko enkhosa ddoohollowa. Abusiiwa yahaavirikaniha ni waahollosa omiyaangoni. Yeeta shisha o asimiyaango ni omiyaangoni ophiyera yaatiwalla owaniwa.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yohane 10:12

Nave mullupa mutteko oyo ahiri mbusa navettho oyo ahiri mwaneena a enkhosannddo, oona enama yawoopiha ewaaka annahiya enkhosannddo athawa. Sika enama yawoopiheeyo ennaphara enkhosannddo ni oddipallallesa.

Yohane 10:10

Mullupaawiiya anawa wi iiye, iiphe ni woononga. Koma kaawa wi ddikhalle ni okumi wawaata.

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.

Mateyu 15:14

Muhaapwatheke! Yaayo tti oohoollella oohoona owaahoollella akhwiiwa oohoona. Vano oohoollella oohoona amuhoollella oohoona mukhwaaye, eelli attheene eneeromorihellana munllitini.”

Ezekiele 34:31

Nyuwaano tti enkhosa ddaka, nnddo kinaddichiheemi nave miyaano tti Mullukwaanyu. Mi Apwiya Mulluku koollota.

Ezekiele 34:21

Munnaddittuulla ni oddikakhella okhwipi Ddoofooka, munnaddikhuddulla ni manyakaanyu nave muddimwaramwarella wuuteete.

Yeremiya 2:26

“Athu a o Israele nineerowulliwa muru wonanko mmo mullupaawiiya aneerelleeye aphariwa. Mamwene, enduna, allupa mukutho ni anamallotella, attheene eneerowulliwa muru.

Yohane 10:8

Attheene yawiille kihinawe miyaano tti allupaawiiya ni awaakha nave enkhosa kheddaawiiwellelle yaayo.

Yeremiya 13:17

Koma mwaahiiwellella, kineerewinlla m'murimanimurimani ekaamba ya wiitukhulla wanyu. M'mwiitthoni mwaka muneeroddalla miitthori ddoovoreya ekaamba yawi enkhosa dda Apwiya ddineerophariwa okaporo.

Ezekiele 36:38

Eneerewaata wonanko enkhosa dda o Yerusalemu nnddo yaaddivelleelliiwa mikutho va enthawi ya ehakallallo. Sika matepe a mizinda ddiwa eneeroddalla ni milloko dda athu nave alliwa eneerodduwella wi mi tti Apwiya.’ ”

Ezekiele 34:1

Mawu a Apwiya yaawa wa miyaano wi,

Zekariya 10:3

Kohaashella murima abusa nave kineerewaallaka oohoollella a mwiillaponimmo. Koma mi Apwiya Amasiva Mattheene kineerohoollella enkhosa ddaka, nibanja na Yuda nave kineerodditthattusa wonanko akavalo akhoto amasiva.