Yeremiya 22:7 - Mawu a Mulluku

⁷ Kineerewaaruma athu wi ewoononge, arive muthu ari ni ezida ddaye. Eneerewuuha mikunguza ddawo ddaphaama nave eneeroddivokhella viikho.

Yeremiya 22:7 ပူးပေါင်းရင်းမြစ်များ

Yesaya 37:24

Wahaaruma amithengaawo wi ekinyaambuse voollollotani wi, Ni magaretaaka awaata kaawella miyaango ddoorekama, kaaphiya vaddullu va miyaango dda Lebanoni. Kaakakatha miteekho ddiwa ddamukunguza ddoorekamesesa, navettho miteekho ddiwa dda paini ddooreera wunchichi, kaavollowattho muwariwari mwiwa, muutthakoni mwiwa moophipesesa,

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Zekariya 11:1

We Lebanoni, hulla millako ddawo wi munllo oshellellihe mikunguza ddawo.

Yeremiya 5:15

Nyu Aisraele, Apwiya eneerowaana akhoto oovenyera o ellapo yawoorekama. Olla tti mutundu wamasiva ni wakhallekhalle oyo ellotellwiiwa tti yeelleto nave khemunayidduwella.

Yeremiya 15:8

Kawoonjerera anaamukhwelle okhwaranya mihava ddoonyanja. Amoowe kaawoonongella aniiwa eri asombwe, moorurumusa kahaamorihella otulli ni otathilla murima.