Yeremiya 22:6 - Mawu a Mulluku

⁶ Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

Yeremiya 22:6 ပူးပေါင်းရင်းမြစ်များ

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Masalimo 107:34

Yaayitthattusa ethaya yaphaama ekhalla yooguga ekaamba ya onanara wa athu ookhalla mwemmo.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Yesaya 27:10

Muzinda wamipanda wootthattuwa ntepe, nipuro noohiyiwa ni nootiwalliwa wonanko echipululu. Wenko eziweto ddinnachawo enthambi dda miteekho ni wiithuuwawo.

Yeremiya 26:18

“Enthawi eyo Hezekiya aariiye mwene a o Yuda, Mika a o Moresheti aallotella. Nave ahaalleella athu attheene a o Yuda wi Apwiya Amasiva Mattheene enallota wi, ‘Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.’

Yeremiya 9:11

Apwiya yaallota wi, “Yerusalemu kineeromutthattusa ntepe, kineeromutthattusa mookhalla akhatwe. Mizinda dda o Yuda ddineerohiyiwa, khamukhalla athu.”

Yeremiya 7:34

Khowa wiiweyattho mawu oohakallalla ni oottheya o mizinda dda o Yuda ni o misewu dda mu Yerusalemu. Khawiiweyattho mawu oothapella, a ootthella ni ootthelliwa vawi ellapo eneerotthattuwa otthako.’ ”

Genesis 37:25

Echaka, yahoona mulloko wa amalonda ovenyeraka o Giliyadi. Ekamira* ddiwa dditukhullalle makhura awunkhella oohiyanahiyana olendo wooya o Iguputo.

Yeremiya 22:24

Apwiya enallota wi, “Kinallupella vamiitthoni vaka wi we Yehoyakini mwaana a Yehoyakimu mwene a o Yuda naari waariki wonanko emphete ya onnattanatta waka, keerewuurulla kuutathille.

Yeremiya 21:14

Kineerewuullakani moollikana ni mitteko ddanyu. Kineerohella munllo enyumbaanyu yoomwene nave oneeroshellelliha erive ello yawaapheella. Mi Apwiya koollota.’ ”

Yeremiya 21:11

Vano nibanja noomwene na o Yuda onilleelle wi, “Ngiiwani mawu a Apwiya,

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Nchipo na Solomoni 5:15

Meto ddaye ddiri wonanko opoto a malluku marabulo, ootthipelliwa moollipa va mathimwa a golide aphaama. Ookhalla ni mooneyello eeyuuma wonanko miyaango dda o Lebanoni, wonanko miteekho ddiwa dda mukunguza.

Deuteronomo 3:25

Mukaakhullelle wi killapuwe muhinje wa Yordani yoollave nave wi koone ellapo yaaphaameeyo vakhopellamvo, ellapo yooreera yamiyaango navettho miyaango dda Lebanoni.’

Numeri 32:1

Arubeni ni Agadi yaakhalla ni eng'ombe ddinchichi. Vano yahoona ellapo ya Yazere ni ya Giliyadi wi tti yoophwanella ochihawo eng'ombe.

Nchipo na Solomoni 4:1

We ookondiwaaka, wooreera, ngoona namwalliwe, wooreeresesa. Otulli wa ekuwaawo yookhuneellana ekhove, miitthwaawo ennareera wonanko ekhunda. Meehaawo tti ooripa mooreera wonanko epuri ddinakitthella o miyaango dda o Giliyadi.

Yeremiya 50:12

muzindaanyu oneerowullihiwa muru wunchichi. Muzinda oyo tti wonanko amowaanyu oneeronyaambusiwa. Ddawoona, Ababiloni enaakhalle oomallihella mwa mitundu ddittheddene dda athu. Mizinda ddiwa ddinaakhalle wonanko nihaka apaalle ellapo yawumma yeechipululu.

Zekariya 11:1

We Lebanoni, hulla millako ddawo wi munllo oshellellihe mikunguza ddawo.

Yesaya 37:24

Wahaaruma amithengaawo wi ekinyaambuse voollollotani wi, Ni magaretaaka awaata kaawella miyaango ddoorekama, kaaphiya vaddullu va miyaango dda Lebanoni. Kaakakatha miteekho ddiwa ddamukunguza ddoorekamesesa, navettho miteekho ddiwa dda paini ddooreera wunchichi, kaavollowattho muwariwari mwiwa, muutthakoni mwiwa moophipesesa,

Yeremiya 4:7

Wonanko mukango onuupulluwa ovenyera va wiipittha, emoddamoddave yeeyo awoononga ellapo ootimulla. Animawa wi oononge ellapwaanyu, mizinda ddaye eneerodditthattusa matepe oohikhallavo muthu ookhallamo.

Yeremiya 8:22

Ethiyo o Giliyadi khawuri murete? Ethiyo wenko khawuri allupa murete? Kaambiiwa tini makhwata a athwaaka ehinavolliiwa?