Yeremiya 22:3 - Mawu a Mulluku

³ Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yeremiya 22:3 ပူးပေါင်းရင်းမြစ်များ

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.

Yeremiya 22:17

Koma maganizwaawo ni murimaawo ddiri va mphuro wawoottha, va ddoowiipha oohichimwa ddeekuku ni waahoosa athu.

Yakobo 1:27

Ollapella wawoona ni waweella vamiitthoni va Mulluku ni Attiitthiihu tti waapwatha akhwaadduni ni anaamukhwelle mu ddoohoosa ddiwa navettho wiivaanyiha weekhaawo wi ohiripihiwe ni dda va ellapo yavatthi.

Ezekiele 22:7

Athwaawo ennavevulla attiitthiiwa ni ameewa, enaakatamiha alleto ookhalla variyari viwa, ennaahoosa akhwaadduni ni anaamukhwelle.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yowele 3:19

Iguputo aneerotthattuwa echipululu, Edomu anaakhalle ntepe noohikhalla athu ekaamba ya ekhoto yahelliwe athu a o Yuda ni owiipha athu oohilakwa mwiillaponi mwiwa.

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Yesaya 1:23

Oohoollellaawo ennawukila nave enniiwanana ni allupaawiiya. Arive muthu annaakhella ddamukaphwani nave annathamakella emphaso. Khanaateteza akhwaadduni nave khanapwatha millatu dda anaamukhwelle.

Miyambo 23:10

Ohisuse malire akhalle apaalle ovollowa muwari mwa emata ya akhwaadduni

Masalimo 68:5

Attiitthiiwa a akhwaadduni, aweeruza aphaama a anaamukhwelle, tti Mulluku oyo anakhalla onipuroni naaye naweella.

2 Mamwene 24:4

navettho ekaamba ya nikhame na athu oohichimwa ayo awiiphalleeye. Olliye aaddalliha Yerusalemu ni nikhame na athu oohichimwa nave Apwiya kheyaamukhululukelle.

Deuteronomo 24:7

“Arive muthu anamwiiya Muisraele mukhwaaye ni omusunga apaalle omukulliha wonanko kaporo, iiphiweke. Sika mwawi ddiidda muneerovenyihavo yoonanara variyari vanyu.

Yeremiya 26:16

Vano oohoollella ni athu amodda yahaalleella allupa mukutho ni anamallotella wi, “Muthoolla khaphwanenlle wiiphiwa vawi allotille ni hiyaano mu nnddina na Apwiya Mullukwaahu.”

Miyambo 6:17

miittho awiitukhulla, nllumi nawiisha, matta oowiipha athu oohilakwa,

Masalimo 94:21

Aatthukumanella okumi wa oolungama, enakamulla wi oohikhalla ni mullatu yiiphiwe.

Masalimo 94:6

Ennawiipha anaamukhwelle ni alleto, enawiiphattho akhwaadduni.

Yobu 24:9

Aakhallavo enawaakha akhwaadduni vanipelleni, ennaakusa echikole anamwani a oohoowa.

Yobu 22:9

Anaamukhwelle waawiikara mattave, akhwaadduni wahaanyingallella.

2 Samuele 23:3

Mulluku a Aisraele oollota, nlluku na a Aisraele nookilleella wi, muthu oyo anaalamulella athu mwa echilungamo, waalamulella moomuriiha Mulluku,

Deuteronomo 27:19

“ ‘Atembeleliwe arive muthu aweeruza moohilungama alleto, akhwaadduni ni anaamukhwelle.’ “Nave athu attheene yaakhulle wi, ‘Amen!’

Deuteronomo 25:1

“Vakhalla okangana variyari va athu nave alliwaayo yaya o nthato namillatu wi yeeruziwe, aweeruzaayo ekamulleke wi olla khalakwille nave olla oolakwa.

Deuteronomo 10:18

Ennaweeruzella phaama akhwaadduni ni anaamukhwelle nave ennaakonda alleto vawaavahani yoocha ni yoowara.

Levitiko 19:15

“Muhineeruzaka moohikhalla ni echilungamo. Muhinakhallaka ni ntthoollo variyari va athu oohoowa ni eeyuuma koma mumweeruzeke mukhwiinyu mwa echilungamo.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Eksodo 22:22

Ohimuhoose naamukhwelle apaalle mukhwaadduni.

Mateyu 23:23

“Nyu, awoottha, ahuddihi a malamulo ni Afarisi, mookhalla ni otulli! Munnavelleella dda khumi dda ddoomella dding'onong'ono ddooddiviha yoocha. Koma munahiya wiiwellella mahuddero oopaalleya a malamulo amoddaalla, weeruza mwa echilungamo, weerella echifundo ni okhalla moororomelleya. Munaphwanella wi mweereke ddenndda oohihiya ddimoddannddo.

Eksodo 22:21

“Ohimuhoose mulleto apaalle omweeriha okhalla moopaneya vawi naweenettho waari mulleto o ellapo ya Iguputo.

Yesaya 58:6

“Ohalla ocha nko kinapaalleemi tti wawi muttaphulle onyolo woohoosella, muttaphullettho mikwe dda nigoli,* mwaattaphulle oopaneya nave mwinttake nirive nigoli.

Yesaya 58:7

Eettalla mwaakawelleke ddoocha ddanyu nave oorama vookhalla mwaakawellekewo nipuro nanyu, oosiwa mumvaheke yoowara nave mwaakavihereke abalaanyu.

Yeremiya 7:23

Koma kaalamunle ello emodda wi, ‘Mwakiiwellella miyaano kineerokhalla Mullukwaanyu nave nyuwaano muneerokhalla athwaaka. Mwiiwellelleke malamulwaaka mattheene wi ddeko ddiweetellekeni phaama.’

Yeremiya 19:4

Kineere ddenndda ekaamba yawi athu aakikhoota nave aaripiha nipuronna. Enoosella lubani* milluku ddeelleto nnddo alliwa, makhollwiiwa ni mamwene a o Yuda yahiddidduwenlliiwa. Nave vanipuroninna yaamorihellavo nikhame na athu oohilakwa.

Maliro 3:36

Alliwa yaakamullaka mullatu mooweha ekhove ethiyo Apwiya khenoona ddenndda?

Ezekiele 18:12

owaahoosa oohoowa ni oopaneya, awaakha, oohihokollosa echikole ya oyo amukongolihalleeye makobiri, oollapella mafano nave aweera ddoonanara,

Ezekiele 45:9

“Mi Apwiya Mulluku kinallota wi, nyu oolamulella a Aisraele ddookikwakhwana, Hiyani ekuku ni waahoosa athwaaka. Mwiiwellelleke malamulo nave mweereke echilungamo. Ahiyeni athwaaka nave muhinaavenyihaka mwiillaponi mwiwa. Mi Apwiya Mulluku koollota.

Amosi 5:24

Koma echiweruzwaanyu yeete wonanko maaddi, echilungamwaanyu okhalle wonanko muhinje woohiwelleella.”

Deuteronomo 24:17

“Mulleto apaalle mukhwaadduni muhimweeruzeke moohilungama. Nave naamukhwelle muhikuseke yawiikhuneellanaaye wi ekhalle echikole ya ekongoli.

Masalimo 82:4

“Waakihereni oohoowa ni oopaneya, avulluseni m'mattani mwa athu oonanara.”

Ezekiele 18:7

ahinamuhoosa arive muthu koma annamuhokollosella echikole amukongolihalleeye makobiri, khaniiya, annaachiha eettalla nave annaawariha oosiwa,

Amosi 5:15

Mwiitaneke ni yoonanara, mukondeke yaphaama, mukeraatthihe echilungamo m'mathatoni. Sika Apwiya Mulluku Amasiva Mattheene ttuuweerellani echifundo nyu oohalla mwiillaponi.