Yeremiya 22:28 - Mawu a Mulluku

²⁸ Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Yeremiya 22:28 ပူးပေါင်းရင်းမြစ်များ

Hoseya 8:8

Aisraele aamiryiwa, aatthattuwa wonanko nikattuphe variyari va mitundu ddimodda.

Masalimo 31:12

Aakitiwallesesa wonanko muthu ookhwa, kootthattuwa wonanko nikattuphe.

Yeremiya 48:38

Vaddullu va enyumba ddittheddene dda o Mowabu ni m'misewuni mwaye khamuwa mwiiweyattho ello emodda koma winllave. Koomunyenyanyenya Mowabu wonanko epalli yoohikhalla ni mutteko.

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.

Yeremiya 22:30

Apwiya enallota wi, “Mulembeni muthoolla wonanko oohikhalla ni anamwani, oyo ahinaphure ello va okumaaye. Vawi khaavo naari mmodda mwa edduullu ddaye oyo anaakhalle va mpando woomwene wa Davide wi ttuulamulellattho ellapo ya Yuda.”

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 15:1

Vatulli viwa Apwiya yaakilleella wi, “Naari Mose ni Samuele yiimenlleke vamiitthoni vaka yaavekellaka athu yaalla, ngaamoriwelle ethakaraka. Avenyihenivoni vamiitthoni vaka, eye nko.

Yeremiya 14:18

Kaaweetaka ohakani, kinnawoona awiiphiwa vakhotoni. Kaavollowaka m'muzindani, kinnawoona ookhwa ni ettalla. Anamallotella ni allupa mukutho ennavirellella ophara mitteko ddiwa mwiillaponi, koma khenadduwella nnddo eneeriiwa.”

2 Samuele 5:21

Vano Afilisti yaaddihiya milluku ddiwa wenko nave Davide ni athwaaye yahaakusa mafanwaayo.

2 Epilli 21:20

Olliye aari ni miyakha 32 mvo aambeeye olamulella nave aalamulella miyakha mitthanu ni miraru mu Yerusalemu. Akhwilleeye khaavo naari mmodda ammorelle ethakaraka. Yaamuvittha mu muzinda wa Davide koma ohiri mu mahame a mamwene.

Yeremiya 22:27

Muneeropaalla ohokollowa koma khemuwora ohokollowa.”

Yeremiya 27:20

Ddenndda Nebukadinezara mwene a o Babiloni khaaddaakhille va enthawi amuphareeye okaporo Yehoyakini mwaana a Yehoyakimu mwene a o Yuda ovenyera o Yerusalemu oya o Babiloni ni enduna dda o Yuda ni o Yerusalemu.

Yeremiya 37:1

Mwene Nebukadinezara a o Babiloni aamukeraatthiha Zedekiya mwaana a Yosiya va mpando woomwene o Yuda, munipuroni mwa Yehoyakini mwaana a Yehoyakimu.

Yeremiya 16:12

Komattho nyuwaano mwaachimwa wunchichi okhwaranya makhollwaanyu arive muthu mwa nyuwaano anathwara ddoonanara ni murimaaye wawumma munipuroni mookiiwellella miyaano.

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.