Yeremiya 22:25 - Mawu a Mulluku

²⁵ Kineerewuuvelleella m'mattani mwa oopaalla owiipha, mwa ayo onawooveewe, Nebukadinezara mwene a o Babiloni ni athwaaye.

Yeremiya 22:25 ပူးပေါင်းရင်းမြစ်များ

Yeremiya 21:7

Vatulli viwa kineeromupharella wuukaporoni Zedekiya mwene a o Yuda ni enduna ddaye ni athu oohalla m'muzindoolla oovulluwa o mullilli, ettalla ni ekhoto. Kineerewaavelleella m'mattani mwa Nebukadinezara mwene a o Babiloni navettho wa adaniiwa ayo enapaalla owiipha. Ddawoona, eneerowiipha ni nsupada, kheyaamorella ethakaraka apaalle echifundo.’ ”

Yeremiya 38:16

Vakhwipi mwene Zedekiya aallupella vamiitthoni va Yeremiya wi, “Vamiitthoni va Mulluku Ookumi oyo anivahille okumi, miyaano ngiwiipha apaalle wuuvelleella m'mattani mwa athu alla enapaalla owiipha.”

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Miyambo 10:24

Eyo muthu oonanara anayooveeye eneeromumorella koma eyo anapaalla oolungama aneerovahiwa.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

Yeremiya 27:6

Vano koovelleella ellapo ddittheddenenndda vamodda ni enama ddittheddene ddamuhakani wi ddimurumeyelleke Nebukadinezara murummwaaka, mwene a o Babiloni.