Yeremiya 22:24 - Mawu a Mulluku

²⁴ Apwiya enallota wi, “Kinallupella vamiitthoni vaka wi we Yehoyakini mwaana a Yehoyakimu mwene a o Yuda naari waariki wonanko emphete ya onnattanatta waka, keerewuurulla kuutathille.

Yeremiya 22:24 ပူးပေါင်းရင်းမြစ်များ

Yeremiya 37:1

Mwene Nebukadinezara a o Babiloni aamukeraatthiha Zedekiya mwaana a Yosiya va mpando woomwene o Yuda, munipuroni mwa Yehoyakini mwaana a Yehoyakimu.

Nchipo na Solomoni 8:6

Okiwanddeellelle enthawi ddittheddene, wonanko ebangili m'muwononi mwawo. Vawi echikondi tti yamasiva wonanko okhwa, ehache tti yawoopiha wonanko mahame. Echikondi ennasherima wonanko munllo, ennaviha wunchichi wonanko munllo wawoopiha.

1 Epilli 3:16

Yehoyakimu aamuyara Yekoniya ni Zedekiya.

Hagai 2:23

Mi Apwiya Amasiva Mattheene koollota wi, ‘Va nllapo nenno we Zerubabele oorumeyellaaka, mwaana a Shealatiele, kineerewuukusa navettho kineerewuutthattusa oolamulella nnddina naka vawi tti weyaano kimutthoonlleemi. Mi Apwiya Amasiva Mattheene koollota.’ ”

Yeremiya 22:28

Mi kaallota wi, “Ethiyo Yehoyakini ari wonanko epalli yoovevulliwa, yoophweeya apaalle ello yoohipwathiwa ni arive muthu? Kaambiiwa tini olliye ni anaaye enaavenyihiiwavo ni waavokhella o ellapo yoohidduwanyeya?”

Yeremiya 22:6

Alla tti mawu a Apwiya oollota dda enyumba ya omwene ya o Yuda awi, “Naari kuukondaka wonanko Giliyadi apaalle wonanko etthoka ya mwaango wa Lebanoni komave kineerewuutthattusa ntepe, muzinda woohikhalla ni athu.

2 Mamwene 24:12

Sika Yehoyakini mwene a o Yuda ni amennya, alangizaaye, enduna ddaye ni attekweene a o enyumbaaye yahiivelleella wa mwene a o Babiloni. Mwene a o Babiloni aamuphara Yehoyakini okaporo m'muyakha waneetthanu ni raru wa omwenaaye.

2 Mamwene 24:15

Nebukadinezara aamuphara okaporo Yehoyakini o Yerusalemu amuyaana o Babiloni vamodda ni amennya, awariye, enduna ddaye ni athu oovuwa a mwiillaponimmo.

2 Epilli 36:9

Yehoyakini aari ni miyakha 18 avolloweeye omwene nave aalamulella miyeri miraru ni mallapo khumi o Yerusalemu. Olliye aheera ddoonanara vamiitthoni va Apwiya.

Yesaya 49:16

We Yerusalemu, kohuulemba m'mattani mwaka, esiri ddawo kinnaddoona erive enthawi.

Yeremiya 28:4

Kineeromuhokollosellattho wuno Yehoyakini mwaana a Yehoyakimu mwene a o Yuda vamodda ni akaporo attheene oovenyera o Yuda ayo yapharelliwe o Babiloni. Vawi kineerewinttaka nigoli nookaporo na mwene a o Babiloni. Mi Apwiya koollota.’ ”

Yeremiya 29:2

Nndda ddeereyille mvo Yehoyakini ni mwene aamutthiyana, enduna dda o enyumba yoomwene ni oohoollella a o Yuda ni a o Yerusalemu navettho athu attheene eeruso yavenyilliiwawo Yerusalemu.

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Yeremiya 24:1

Apwiya yaakooniha miyaano mitaanga miilli ddanamukuyu ddiri va enyumba ya Apwiya. Nndda ddeereyille Nebukadinezara, mwene a o Babiloni, ampharille okaporo Yehoyakini mwaana a Yehoyakimu mwene a o Yuda ovenyera o Yerusalemu. Ahaapharattho okaporo enduna ddittheddene dda o Yuda, athu attheene eeruso ni amoddattho aayaana o Babiloni.