Yeremiya 22:2 - Mawu a Mulluku

² Nyu mwene a o Yuda iwani mawu a Apwiya. Nave oyo anakhalla va mpando woomwene wa Davide, oorumeyellaaye ni athwaaye ayo enavollowella va millakonndda yaapelle maaru.

Yeremiya 22:2 ပူးပေါင်းရင်းမြစ်များ

Luka 1:32

Olliye aneerokhalla muullupalli nave aneeroromolliwa Mwaana a Mulluku Muullupalli. Apwiya Mulluku eneeromweera akhalle mwene wonanko nikhollo naye, Davide.

Yeremiya 22:4

Mwaawiiwellellaka mawu yaalla mamwene ookhalla va mpando woomwene wa Davide eneerovirellella olamulella. Eneerekovollowella va millako dda o enyumba yoomwene ewenlle va magareta ni va akavalo alliwa ni oorumeyelliiwa vamodda ni athwiiwa.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Yesaya 1:10

Vano nyu oolamulella a o Sodomu, iwani mawu a Apwiya. Nyu a o Gomora, apellani maaru nnddo Mullukwaahu anuuhuddiheeyeni.

Amosi 7:16

“Sika vano ngiiwa mawu a Apwiya awi, ‘We onakilleella wi kihillotelle ddawaavaanyiha Aisraele ni nibanja na Isaki.’

Ezekiele 34:7

“Vano nyu abusa, apellani maaru nnddo enallota Apwiya.

Yeremiya 36:30

Sika dda Yehoyakimu mwene a o Yuda Apwiya enallota wi khaviwa viphwanyeyattho mmodda oovollowa munipuroni mwaye va mpando wa omwene wa Davide. Akhwa mutembwaaye otthaana onaakhalle vanndduwani nave mahiiyu onaakhalle vanakhuttuni.

Yeremiya 29:20

Attheenenyu ayo kawiikarelleemini wuukaporoni ovenyera o Yerusalemu oya o Babiloni mwiiwellelle mawu mi Apwiya.’

Yeremiya 19:3

wi, ‘Nyu mamwene a o Yuda ni attheene a o Yerusalemu, ngiiwani mawu a Apwiya. Apwiya Amasiva Mattheene, Mulluku a Israele.’ Enallota wi, ‘Kineeromorihella otulli wawoopiha vanipuroninna ophiyera wi arive muthu iiwa ddenndda aneerorurumuwa wunchichi.

Yeremiya 13:18

Mulleelle mwene ni amennya wi, “Kitthani va mipando ddoomwene vawi enduwira ddanyu ddooreera ddoomwene ddoomorella vatthi.

Yeremiya 7:2

“Imella va mullako wa enyumba ya Apwiya nave llalleya mawu a Apwiya wa athu attheene a o Yuda ayo enavollowa va mullako wi yaallapelle Apwiya.

Yesaya 28:14

Nyu athu eepewe ayo munaalamulella athwiiwa a o Yerusalemu, iwani mawu a Apwiya.

1 Mamwene 22:19

Vano Mikaya aallota wi, “Sika iwellellani mawu a Apwiya. Mi kaawoona Apwiya ekeraatthille va mpandwiiwa woomwene ni angelo attheene yiimenlle onnattanatta ni wuunyotthoni wiwa.”

Yeremiya 22:1

Apwiya yaakilleella wi kiye o enyumba yoomwene ya o Yuda kaalleelle wi

Yeremiya 34:2

Apwiya Mulluku a Israele, yaamulleella Yeremiya wi, “Khawe wamulleelle Zedekiya mwene a o Yuda wi Apwiya enallota wi muzindoolla kineerowuvelleella wa mwene a o Babiloni nave aneerowoosa.