Yeremiya 22:18 - Mawu a Mulluku

¹⁸ Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

Yeremiya 22:18 ပူးပေါင်းရင်းမြစ်များ

Yeremiya 16:6

Uullupalli ni ang'onong'ono, attheene eneerokhwa mu ellapommu koma malirwiiwa kheyinllelliwa apaalle ovitthiwa. Khaavo oyo anoonihe ethakaraka vawiiremaremani apaalle ochema meehi ekaamba ya malirwaayo.

1 Mamwene 13:30

Vano aavittha mutembooyo m'mahame mwaye, inllaka wi, “Haa, mwanamunnaka!”

Yeremiya 22:10

Muhimwinllelle mwene oyo iiphiwe, muhimwiipelle nchipo namaliro. Koma mumwinllelle oyo opharelliwe wuukaporoni kaambiiwa khawa ahokollowattho, khawa ayoonattho ellapwaaye.

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 34:5

koma onaakhwe mwamurendelle. Nave valle athu yooseewavo lubani* voovitthani maliro a makhollwaawo akhalle ayo yaari mamwene weyaano ohinavollowe omwene, vano weyaanottho voovitthani malirwaawo eneerowoosattho lubani. Voowiipellani nchipo namaliro eneereke wi, ‘Ddeethakaraka! Apwiihu aakhwa!’ Mi Apwiya koollota.”

2 Epilli 35:25

Yeremiyattho aamwinllella Yosiya nave athu awiipa machipo allopwana ni atthiyaneene yoollota dda Yosiya mu winlla wiwa ophiyera ollello. Ddenndda yaaddikeraatthiha wonanko mutetho mu Israele nave ddoolembiwa mu nibukhu na Maliro.

2 Samuele 1:26

Mukhwaaka Yonatani kinnuumoriwella ethakaraka, wookhalla ori mukhwaaka a vamurimani vaka. Echikondaawo va miyaano, yaari yoottikhiniha wunchichi, yaakhwaranya echikondi yaatthiyana.

2 Mamwene 23:6

Aavenyiha nifano na Asherimu mu enyumba ya Apwiya, ayaana otte wa Yerusalemu o muhinje wa Kidroni. Aanoosella wenko, anisillasilla ni otathilla ntuura niwa va mahame a athu shisha.

2 Mamwene 23:36

Yehoyakimu aari ni miyakha 25 avolloweeye omwene nave aalamulella miyakha khumi ni mmodda o Yerusalemu. Amennya yaari Zebida, mwaana a Pedaya a o Ruma.

2 Mamwene 24:6

Sika Yehoyakimu aakhwa, avitthiwa mu mahame a makhollwaaye. Nave Yehoyakini mwanaye sika avollowille omwene munipuroni mwaye.

2 Epilli 36:5

Yehoyakimu aari ni miyakha 25 avolloweeye omwene nave aalamulella miyakha khumi ni mmodda o Yerusalemu. Olliye aheera ddoonanara vamiitthoni va Apwiya Mullukwaaye.

Yeremiya 22:12

Anaakhwelle wuukaporoni nave khawa ayoonattho ellapweella.”

1 Epilli 3:15

Yosiya aamuyara Yohanani, mwanaye awaamba nave oothwarellella yaari Yehoyakimu, Zedekiya ni Shalumu.

Yeremiya 21:11

Vano nibanja noomwene na o Yuda onilleelle wi, “Ngiiwani mawu a Apwiya,

Yeremiya 36:30

Sika dda Yehoyakimu mwene a o Yuda Apwiya enallota wi khaviwa viphwanyeyattho mmodda oovollowa munipuroni mwaye va mpando wa omwene wa Davide. Akhwa mutembwaaye otthaana onaakhalle vanndduwani nave mahiiyu onaakhalle vanakhuttuni.