Yeremiya 22:16 - Mawu a Mulluku

¹⁶ Yaanaateteza athu avatthi ni oohoowa, ddittheddene ddaanaweetella phaama. Ethiyo ddenndda khaddoonihalle wi yaanakidduwella? Mi Apwiya koollota.

Yeremiya 22:16 ပူးပေါင်းရင်းမြစ်များ

Yeremiya 9:24

Koma oyo aapaalla wiitukhulla, iitukhulleke wi annakidduwella ni okiiwesesa mi, annadduwella wi mi tti Apwiya eechikondi yoohisintheya, eechilungamo ni echiweruzo va ellapo yavatthi. Va ddenndda sika viri murimaaka.”

Yesaya 1:17

nave hudderani weera ddaphaama. Ashaashani echilungamo, akavihereni oopaniwa, atetezeni akhwaadduni ni owiimellella vamullatuni anaamukhwelle.”

Tito 1:16

Ennaakhullella wi ennamudduwella Mulluku nave ni mitteko ddiwa ennamukhoota vawi tti oonanara, oohiiwellella ni oohiphwanella weera erive ello yaphaama.

Yohane 17:3

Nave okumi woohimalla onattaphullella wi athu yuudduwellekeni nyuwaano, Mulluku awoona nave ni miyaano Yesu Khrisitu, oyo mwakirumalleenyu.

Yeremiya 9:16

Kineerewaapallallesa variyari va mitundu dda athu nnddo alliwa apaalle makhollwiiwa yahiddidduwenlliiwa. Kineerewaathwara ni ekhoto ophiyera kaatthollosille.”

Masalimo 109:31

Apwiya enniimella onnattanatta na muthu oopaneya, omuvullusa wa athu ookamulla wi wiiphiwe.

Masalimo 9:10

Apwiya, ayo enuudduwellani ennuuroromellani, khamunamuhiya muthu oyo anawaashaashani.

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yohane 17:6

“Kohuudduwellihani wa athu ayo mwaakivahilleenyu miyaano mu ellapo yavatthi. Yaari aanyu nave mwaakivaha miyaano nave yahaathwara mawaanyu.

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Yeremiya 9:3

Ennakhoromaniha nllumi niwa wonanko muura, ellapo yooddalla ni ddawoottha ohiri ddawoona. Apwiya yaallota wi, “Ennavirellella woonjerera ddoonanara, khenakidduwella mi Mullukwiiwa.”

Yohane 8:19

Vano yaamukoha wi, “Attiitthaanyu eri wuuwi?” Yesu ahaakhulla wi, “Khamunakidduwellesesa miyaano naari Attiitthaaka. Mwaakidduwelleseseke miyaano, mwawerewaadduwellattho Attiitthaaka.”

1 Samuele 2:2

“Khaavo ari aweella ophwanaphwana ni Apwiya, khaavo mmodda koma alliwave, khaavo ari ooteteza wonanko Apwiya.

Masalimo 36:10

Muhinahiya echikondaanyu yoohisintheya va athu awuudduwellani, virellellani oweerella ddooddiva athu oolungama murima.

Miyambo 31:9

Hulla vayanoni vawo weeruze moolungama, waallotelle oohoowa ni oopaneya.”

Mika 6:8

Iyaayi, muthuwe, Apwiya yaawooniha khalle eyo eri yaphaama. Alliwa enapaalla wi weereke ddoolungama, okondeke echifundo ni weeta mwawiiyeviha vamiitthoni va Mullukwaawo.