Yeremiya 22:15 - Mawu a Mulluku

¹⁵ Ethiyo onaganiza wi ori mwene kaambiiwa enyumba ddawo tti ddamukunguza? Attiittho yaakhalla ni erive ello, yaaneeruza moolungama ni moohiweha ekhove, ddittheddene ddaanaweetella phaama.

Yeremiya 22:15 ပူးပေါင်းရင်းမြစ်များ

2 Mamwene 23:25

Yosiya ahinavollowe omwene, khaarivottho mwene mmodda oophwanaphwanana oyo arukunuwelle wa Apwiya ni murimaaye muttheene, okumaaye muttheene ni masivaaya mattheene, voothwarani malamulo a Mose. Nave olliye akhwille, khaarivottho mmodda oophwanaphwanana.

Yesaya 3:10

Oodalisiwa tti athu oolungama vawi ddeko ddineeroweetella phaama nave eneerohakallalla ni mitteko dda mattiiwa.

Oollalleya 10:17

Oodala tti we ellapo, mwenaawo aarimi ari mwaana a oyo ahiri kaporo nave enduna ddawo ddaarimi ddichaka mu enthawi yoophwanellella wi ddikhalle ddamasiva oohikhalla wi ddilezele.

Miyambo 25:5

Mumvenyihe muthu oonanara vamiitthoni va mwene nave mpandwaaye oneerokeraattheya va echilungamo.

Miyambo 29:4

Mwene aweeruza moolungama annallipiha ellapwaaye koma ootthukumaniha emphaso annayoononga.

2 Mamwene 22:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

Yeremiya 42:6

Khaya tti ddaphaama apaalle ddoonanara, nineerewiiwellella mawu a Apwiya Mullukwaahu ayo nuuvekilleehuni wi mwanivekellewo. Ddawoona, nineerewiiwellella Apwiya Mullukwaahu wi ddeko ddineetelle phaama.”

Yeremiya 21:12

nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Miyambo 21:3

Echilungamo ni echiweruzo ddinnaahakallalliha Apwiya okhwaranya ovelleella mukutho.

1 Mamwene 10:9

Oodalisiwa tti Apwiya Mulluku ayo ehakallanlle ekaamba ya nyuwaano ni wuukeraatthihani va mpando woomwene wa Israele vawi Apwiya yaamukonda Israele wa enthawi yoohimalla sika aaweerani wi mukhalle mwene wi mwalamulelle mwa echiweruzo ni mwa echilungamo.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

1 Akorinto 10:31

Sika erive ello muneereenyu, munacheenyu apaalle munawiryeenyu, mweereke wi m'mutitimihe Mulluku.

Mitteko 2:46

Nllapo ni nllapo yaanatthukumana mu enyumba ya Mulluku ni murimiiwa muttheene moowiiwanana. Navettho yaanamumeyameya buledi enamucha m'mawaniwa ni okawana yoocha moohakallalla ni murima woottaphuwa.

Luka 11:41

Koma mwaavaheke oohoowa nnddo ddiri muwari mwa makapu ni embale ddanyu sika makapwaanyu mattheene ni embale ddanyu ddittheddene ddineerokhalla ddaweella vamiitthoni va Mulluku.

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yeremiya 22:18

Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

Yeremiya 22:3

Apwiya enallota wi, “Mweeruzeke mweechilungamo ni moohiweha ekhove erive enthawi. Mwaatetezeke athu ayo yiiyeriwe katundwiiwa. Muhaakatamiheke alleto, akhwaadduni apaalle anaamukhwelle nave muhiwiipheke athu oohichimwa va nipuronna.

Yesaya 33:16

Muthu awi ddiidda aneerokhalla va nipuro nooteteziwa nave woothawella waye onaakhalle o mipanda ddamalluku. Aneerekovahiwa yoocha nave kharamiwaka maaddi.

Yesaya 9:7

Olamulello ni murendellaaye ddineerovirellella waata, aneerokhalla va mpando wa mwene Davide, aneerokeraatthiha ni ollipiha omwenaaye, vaweerani ddoolungama ni ddaphaama waambeella enthawi yeeyo wa enthawi yoohimalla. Ni murimiiwa muttheene Apwiya Amasiva Mattheene yoosimikiza okwakhwanihella ddenndda.

Oollalleya 2:24

Kheyiivo emodda yaphaama wa muthu okhwaranya yoocha, yoowirya ni ohakallallella mitteko ddaye. Kaadduwella wi ddenndda tti ddoovenyera wa Mulluku.

Miyambo 31:9

Hulla vayanoni vawo weeruze moolungama, waallotelle oohoowa ni oopaneya.”

Miyambo 20:28

Echifundo ni ororomelleya ddinnamuteteza mwene nave omwenaaye onnallipa ekaamba ya echilungamo.

2 Epilli 34:2

Olliye aheera ddoolungama vamiitthoni va Apwiya, aanathwara echisanzo ya Davide nikhollo naye mu ddittheddene, oohirukunuwella onnattanatta apaalle wuunyotthoni.

1 Epilli 3:15

Yosiya aamuyara Yohanani, mwanaye awaamba nave oothwarellella yaari Yehoyakimu, Zedekiya ni Shalumu.

Deuteronomo 4:40

Mwiiwellelleke malamulwiiwa ni malangizwiiwa mattheene ayo kuuhuddihalleemini ollello. Sika ddeko ddineerekoweetellani phaama nyuwaano ni edduullu ddanyu nave enthawi ya okumaanyu eneerorekama mu ellapo eyo Apwiya Mullukwaanyu yuuvahilliiwani wi ekhalle yaanyu wa enthawi yoohimalla.”

Yeremiya 7:5

“Musinthe makhallellwaanyu ni ddaweera ddanyu nave mweerellaneke ddoolungama.

2 Epilli 35:22

Koma Yosiya khaavenyillevo koma ahiipittha wi awanena ekhoto. Khaapwathille mawu a Neko ayo allotille Mulluku koma aaya awanana ekhoto o ntapo na Megido.

2 Epilli 35:26

Nave mitteko ddimodda Yosiya ni ddaweera ddaye ddaphaama moollikana ni nnddo ddilembiwe m'malamuloni a Apwiya,