Yeremiya 22:14 - Mawu a Mulluku

¹⁴ Ootulli tti oyo anallota wi, “Kineerewiimakella enyumba yuullupalli, ya ezipinda ddamuddullu dduullupalli.” Kineerohiyera mawindo, kineeroyikhomella matabwa amukunguza, kineeroyisiringa ni otooto woofiira.

Yeremiya 22:14 ပူးပေါင်းရင်းမြစ်များ

2 Samuele 7:2

Vano aallota wa namallotella Natani wi, “Mi kinakhalla mu enyumba yoomwene yoomakiwa ni miteekho ddamukunguza koma nibokosi na echipangano na Apwiya ninakhalla m'musasani.”

Hagai 1:4

“Ethiyo ddenndda tti ddaphaama wi nyuwaano mukhalleke mu enyumba ddoomakiwa phaama, enyumbaaka eri ntepe ddiidda?

Malaki 1:4

Naari Aedomu, edduullu dda Esau, ellote wi, “Noonyenyiwa koma nineeromakattho m'matepenimmo. Vano Apwiya Amasiva Mattheene eneerewaakhulla wi, ‘Ahiyeni yamakettho, miyaano kineerokumullattho.’ Vano athu eneerewaaromolla wi, ‘Ellapo yoonanara’ navettho ‘Ellapo ya athu ooshelliwa murima ni Apwiya wa enthawi yoohimalla.’

Daniele 4:30

Nave olliye aallota wi, “Olla khe Babiloni muullupalli kimumakilleemi wi akhalle enyumba yoomwene ni masivaaka muullupalli wooniha eyuuma ya omwenaaka?”

Yesaya 9:9

Athu attheene ookhalla mu Efuremu ni mu Samariya eneerewiiwa ddoothwarellella dda mawu yaalla. Vawi alliwa ennallota mookota ni mwawiitukhulla wi,

Nchipo na Solomoni 1:17

mukunguza tti wonanko migomba ddahu, murompwa tti wonanko epatthwaahu.

Miyambo 24:27

Okhoze mitteko ddawo ddittheddene dda omata vatulli viwa omakeke enyumbaawo.

Miyambo 17:19

Muthu ookonda ochimwa annakonda waambiha ddookatamiha nave oyo anallota mwawiitukhulla annaashaasha ddoohoosa.

2 Epilli 3:5

Esiri ddamuwari mwa echipinda yuullupalli addichingalle ni matabwa amurompwa nave addihuruwellattho ni golide aphaama nave vasirinimvo aareerihavo ni ezithuzi dda kanjeza ni onyolo.

Ezekiele 23:14

Koma Oholiba aararuwa wunchichi omukhwaranya muullupallaaye. Ahoona ezithuzi dda allopwana musirini dda Ababiloni ddoolembiwa ni otooto woofiira. Athwaayo yaamakella malaamba muyuununi mwiwa, ewara enduwira omuruni. Attheene yooneya wonanko oohoollella ekhoto nave yooneya wonanko Ababiloni, aneetthi a o Babiloni.

Amosi 6:8

Apwiya Mulluku aallupella mu nnddina niwa wi, “Koonanariwa ni ddawiitukhullana dda Aisraele, kinniitanana enyumba ddiwa dduullupalli. Kineerovelleella wa adaniiwa, muzindiiwa muullupalli ni ddittheddene ddiri mwemmo.”