Yeremiya 22:13 - Mawu a Mulluku

¹³ Ootulli tti muthu oyo anamaka enyumbaaye moohilungama, oomaka ezipinda ddaye moolleka vawaapharihani mutteko athu koma oohaallivella.

Yeremiya 22:13 ပူးပေါင်းရင်းမြစ်များ

Yakobo 5:4

Allupa mutteko oohata m'matani mwanyu khamunaallivella. Mwiiwe okhuwa wiwa! Okhuwa wa oohataayo wohiiweya ni Mulluku, Apwiya Amasiva Mattheene.

Mika 3:10

Munammaka Ziyoni ni eyuuma yanikhame nave Yerusalemu ni onanara wanyu.

Levitiko 19:13

“Muhimunyingallelle mukhwiinyu apaalle omwiiyera ddeko ddaye. Muhinasunga mallivello a mullupa muttekwaanyu mahiiyu mattheene ophiyera ohinase.

Malaki 3:5

Apwiya Amasiva Mattheene enallota wi, “Kineerewooneyella wa nyuwaano wi keeruze nave kineerovelleella omboni wowaavaanyiha attheene ehinakoova monga amasenga, ooraruwa, oollupella mwawoottha, oowiiyera mallivello allupa muttekwiiwa, owaanyingallella anaamukhwelle, akhwaadduni ni athu eelleto.”

Yeremiya 22:18

Sika kaambiiwa Apwiya enallotiiwa dda Yehoyakimu mwaana a Yosiya mwene a o Yuda wi, “Khavikhalla oomwinllella muthooyo wi, ‘Otulli, mwanamunnaka!’ Apaalle wi, ‘Otulli, murokoraka!’ Khavikhalla oomwinllella wi, ‘Otulli, apwiyaaka!’ Apaalle wi, ‘Otulli, mwenaaka!’

2 Epilli 36:4

Vano mwene a o Iguputo aamuvollochiha omwene Eliyakimu, mwanamunne a Yehowahazi, o Yuda ni o Yerusalemu nave aasintha nnddina naye akhalla Yehoyakimu. Koma Neko aamukusa Yehowahazi mwanamunne ayaana o Iguputo.

2 Epilli 36:5

Yehoyakimu aari ni miyakha 25 avolloweeye omwene nave aalamulella miyakha khumi ni mmodda o Yerusalemu. Olliye aheera ddoonanara vamiitthoni va Apwiya Mullukwaaye.

Yesaya 5:8

Otulli wa athu ayo enoonjerera okulla enyumba ni emata ddittheddene ophiyera waakha mapuro mattheene wi ellapo ekhalle yayiwayayiwa.

Yeremiya 17:11

Muthu oophwanya eyuuma mwawoottha ari wonanko ekhwalli yoopuramella mooche ehaarenlliiwa. Vihinallekelle eyuumeeyo ennammallella, voomallihella annatthattuwa ookarangeya.

Deuteronomo 15:13

Nave moonesese wi mwamuttaphulla ahiroweke mattave.

Yobu 31:39

kaarimi kichille dda m'matanimmo kihinayikulle apaalle waatathilliha murima allupa emateeyo,

Habakuku 2:12

Otulli wa oyo anamaka muzinda ni nikhame, anatthipella va ddoonanara.