Yeremiya 22:11 - Mawu a Mulluku

¹¹ Shalumu mwaana a Yosiya mwene a o Yuda oyo avollowille munipuroni mwa attiitthinnya va mpando woomwene aapharelliwa wuukaporoni nave Apwiya enallota dda olliye wi, “Khawa ahokollowattho.

Yeremiya 22:11 ပူးပေါင်းရင်းမြစ်များ

1 Epilli 3:15

Yosiya aamuyara Yohanani, mwanaye awaamba nave oothwarellella yaari Yehoyakimu, Zedekiya ni Shalumu.

2 Mamwene 23:34

Sika Neko aamuvollochiha omwene Eliyakimu, mwaana a Yosiya, munipuroni mwa attiitthinnya nave aasintha nnddina naye akhalla Yehoyakimu. Olliye aamukusella Yehowahazi o Iguputo nave akhwenlle wenko.

2 Epilli 34:22

Sika Hilikiya ni oorumeyella a mwene yaaya wa Hulida namallotella navettho mwaariye a Shalumu, mwaana a Tokati, mwaana a Hasira, oosunga ddoowara ddoomwene oyo akhalla mu Yerusalemu mu echigawo yanaanweene amutthopoollella ddeereyillennddo.

2 Epilli 28:12

Oohoollella amoddattho a o Efuremu monga Azariya mwaana a Yohanani, Berekiya mwaana a Mashilemoti, Yehizikiya mwaana a Shalumu ni Amasa mwaana a Hadilayi yaawukila ayo yavenyera okhotoni

2 Mamwene 23:31

Yehowahazi aari ni miyakha 23 avolloweeye omwene nave aalamulella miyeri miraru o Yerusalemu. Amennya yaari Hemutala, mwaana a Yeremiya a o Libina.

2 Mamwene 23:30

Sika enduna ddaye ddaamutukhulla va nigareta ovenyera o Megido emuyaana o Yerusalemu nave ddaamuvittha mu mahame aayeaaye. Sika athu a o Yuda yaamuzoza omwene Yehowahazi mwaana a Yosiya avollowa munipuroni mwa attiitthinnya.

Zefaniya 1:1

Mawu a Apwiya yaawa wa Zefaniya, mwaana a Kushi, mwaana a Gedaliya, mwaana a Amariya, mwaana a Hezekiya va enthawi ya olamulello wa Yosiya mwaana a Amoni mwene a o Yuda.

2 Mamwene 23:29

Mu enthawi ya omwenaaye, Neko mwene a o Iguputo aaya woomukavihera mwene a o Asiriya o muhinje wa Yufurate. Mwene Yosiya aaya woowanana ekhoto koma Neko aamwiipha Yosiya o Megido va ekhotweeyo.

Yeremiya 22:27

Muneeropaalla ohokollowa koma khemuwora ohokollowa.”