Yeremiya 21:6 - Mawu a Mulluku

⁶ Kineerowiipha ookhalla m'muzindoolla ni eziweto ddene, ddittheddene ddineerokhwa ni mullilli wawoopiha.

Yeremiya 21:6 ပူးပေါင်းရင်းမြစ်များ

Zefaniya 1:3

Kineerowoononga athu ni enama ddene, kineerowoononga epallame ddamuddullu ni ehomba ddamunyanja, kineerewaatthollosa athu oochimwa, kineerowoononga athu attheene waavenyiha va ellapo yavatthi,” Mi Apwiya koollota

Hoseya 4:3

Sika ekaambiiwa ettalla enaamoriiwa mwiillaponi nave attheene ookhallamo eneerokhwa vamodda ni enama ddamuhakani, epallame ddoovava ni ehomba ddamunyanja.

Ezekiele 14:21

Mi Apwiya Mulluku kinallota wi, “Oneerokhalla ddawoopihesesa kamoriha va Yerusalemu ekhoto, ettalla, enama ddawoopiha ni mullilli wi kiwoononge athu ni enama.

Ezekiele 14:19

“Mwaamodda kaarumihe mullilli o ellapo yeeyo ni wooniha owallaaka vawaakhumihani nikhame ni owoononga athu ni enama.

Ezekiele 14:17

Mwaamodda kaarumihe ekhoto o ellapo yeeyo ni olamula wi eye yawoononge athu ni enama mwiillaponimmo.

Ezekiele 14:13

We mwaana a muthu, ellapo yakichimwella voohikiroromellani, kineeroyoononga nave kineeroyeviha yoochiiwa. Kineerorumiha ettalla mwiillaponimmo nave kineerowoononga athu ni enama.

Yeremiya 33:12

Apwiya Amasiva Mattheene yaallota wi, “Mu ellapo yantepeella, yoohikhalla ni athu naari enama ni o mizinda ddiwa ddittheddene oneerokhallattho mapuro oochihellawo enama nko abusa enaachihekiiwawo eziweto ddiwa.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yesaya 6:11

Vaavo kaakoha wi, “Apwiya, ethiyo ddennddo ddineereye ophiyera niini?” Alliwa yahaakhulla wi, “Ophiyera mizinda dditthattuwalle matepe, enyumba ddihinna athu ookhallamo nave ellapo etthattuwalle echipululu.

Luka 21:24

Amodda a yaayo eneerewiiphiwa ni masupada, amodda a yaayo eneerophariwa okaporo oya ellapo ddinchichi ddoohiyanahiyana. Nave Yerusalemu aneerewoonongiwa ni athu oohimullapella Mulluku ophiyera enthawiiwa emanlle.

Mika 3:12

Sika vano ekaamba ya nyuwaano, Ziyoni aneerollimiwa wonanko emata, Yerusalemu aneerotthattuwa ntepe nave mwaango wa enyumba ya Apwiya oneerotthattuwa otthako.

Ezekiele 33:29

Kaallaka athu ekaamba ya ddoonanara yeerilliiwa, katthattusa ellapwiiwa wi ekhalle ntthalla ni echipululu, eneerodduwella wi mi tti Apwiya.”

Ezekiele 33:27

Waalleelle wi mi Apwiya Mulluku kinallota wi, kinimallupella vamiitthoni vaka wi athu ayo yahanlle m'matepeni a mizinda eneerewiiphiwa ni nsupada. Ayo yahanlle m'mizi kineerewaavelleella o enama ddamuhakani wi ddaattakhune. Ayo yiipitthalle m'mwaangoni ni m'makhunguni eneerokhwa ni millilli.

Ezekiele 12:16

Koma kineerewaahiya athu aweerengeya wi evulluwe o ekhoto, ettalla ni mullilli wi yatthopoolle ddaweera ddiwa ddittheddene ddoonanara variyari va athu nko enayiiwawo. Sika eneerodduwella wi mi tti Apwiya.”

Ezekiele 7:15

“Otte ori ekhoto, mpa muri mullilli ni ettalla. Athu a m'mawaani eneerokhwa ni ekhoto nave a m'mizindani eneerokhwa ni mullilli owaaka ettalla.

Yeremiya 42:22

Ddawoona, dduwellani wi muneerokhwa ni ekhoto, ettalla ni mullilli o nipuro nno munapaalleenyu wi mwakhallekewo.”

Yeremiya 36:29

Vano omulleelle mwene Yehoyakimu a o Yuda wi, Apwiya enallota wi wahoosa nibukhunne voollotani wi, ‘Kaambiiwa tini olembilleewe wi mwene a o Babiloni aneerewoononga ellapweella, athu ni enama ddene?’

Yeremiya 34:17

Sika vano Apwiya enallota wi, “Nyu khamukiiwellelle, khamullalleyille murendelle wi mwaattaphulle abalaanyu ni akhwiinyu. Ddaphaama! Vano mi kineerewuullalleyellanittho dda murendelle, murendelleene wookhwa ni nsupada, mullilli apaalle ettalla. Kineerewuutthattusani ello yawoopiha wa athu a moomwene a va ellapo yavatthi.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Genesis 6:7

vano Apwiyaayo yaallota wi, “Athu attheene kaaphatusalleemi kineerewaatthollosa. Kineerewoonongattho enama ddittheddene ni ddawaapadda ddene ni epallame kaambiiwa kinnamoriwa ethakaraka wi kaaphatusa ddenndda.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.