Yeremiya 21:4 - Mawu a Mulluku

⁴ “Mwamulleelle Zedekiya wi Apwiya Mulluku a Israele anallota wi, ‘Kineerowaakhani ezida ddakhoto ddiri m'mattani mwanyu munawaneenyuna ekhoto ni mwene a o Babiloni ni akhotwaaye ayo ewaaphenlleni ni misasa ddakhoto. Kineerodduukellella ezida dda akhotwaanyu muwari mwa muzindoolla.

Yeremiya 21:4 ပူးပေါင်းရင်းမြစ်များ

Yeremiya 33:5

Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 32:5

Zedekiya aneerophariwa oya o Babiloni nave aneerokhalla wenko ophiyera kimuupuwenlle. Naari awanena mwawiidde Ababilonaayo, khapambana.’ ”

Yesaya 13:4

Ngiiwani otokollolla omwaangoni, ntapha na mulloko wa athu. Ngiiwani othuruma variyari va moomwene nave mitundu dda athu dditthukumanille vamodda. Apwiya Amasiva Mattheene enaakhozekelliha akhotwiiwa ekhoto.

Yesaya 5:5

“Vano imellani kuulleelleni nnddo kineerelleemi emata yampeseeyo. Kineerokumulla mpandiiwa nave enama ddineerochamo. Kineerokumullattho esiri ddiwa nave enama ddineeronyingallellamo.

Zekariya 14:2

Apwiya eneerewaatthukumaniha athu a mitundu ddittheddene wi emuhelle ekhoto Yerusalemu. Eneerewaakha muzindooyo ni opwaramwasa enyumba ddittheddene nave atthiyana eneeropharelliwa. Hafu a athu a m'muzindanimmo eneeropharelliwa wuukaporoni koma oohalla attheene a m'muzindanimmo khevenyihiwamo.

Maliro 2:7

Apwiya aavevulla naari nikuwa niwa, aanikhoota nipuro niwa naweella. Aavelleella m'mattani mwa adani mipanda dda enyumbiiwa yoomwene. Mu enyumba ya Apwiya adanaayo yaakhuwa ni moohakallalla wonanko va nllapo na ehakallallo.

Maliro 2:5

Apwiya aakhalla wonanko mudani, aamoononga Israele. Ahoononga enyumba ddittheddene dda omwene, mipanda ddiwa ddittheddene aadditthattusa matepe. Ahoonjerera winlla ni okhuwa variyari va mwaana aamutthiyana, Yuda.

Yeremiya 39:3

Sika attekweene attheene a mwene a o Babiloni yaavollowa ekeraatthi va mullako wa Variyari. Alla yaari Neregali Sharezere, Samugiri Nebo, Sarisekimu muullupalli a enduna ni Neregali Sharezere mmoddattho akhoto muullupalli oohoolla vamodda ni enduna ddimodda ddittheddene dda mwene a o Babiloni.

Mateyu 22:7

Mwenoolle aasha murima wunchichi, sika ahaaruma akhotwaaye wi yawiiphe awiiphaalle ni woosa muzindiiwa.

Hoseya 9:12

Naari erimaayara anamwani kineerowoononga, khekhallana naari mmodda. Eneerokhalla ni otulli kaahiya.

Yeremiya 52:18

Yaakusattho embale moomorellamo ntuura, mafosholo ddoothimihera enyali, embale ddawoosellamo lubani,* makapu ni ddeko ddittheddene ddamukuwa nnddo ddapharihiwa mutteko o enyumba ya Apwiya.

Yesaya 10:4

Khayiivo enaahalle koma ophariwa variyari va athu oophariwa apaalle okhwa variyari va athu awiiphiwa. Komave osha murima wa Apwiya khonaamallelle ekaamba ya ddenndda nave muwonwiiwa tti woottaphurusattaphurusa wi yaallake.

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 21:3

Koma Yeremiya ahaalleella oorumiwaalle wi,

Yeremiya 32:3

Zedekiya mwene a o Yuda sika amuwallenlle mwemmo. Mwenooyo aamukoha Yeremiya wi, “Ethiyo kaambiiwa tini onallotelleewe ddawi Apwiya enallota wi, ‘Muzindoolla kineerowuvelleella wa mwene a o Babiloni nave aneerowaakha.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 35:17

Sika mi Apwiya Amasiva Mattheene, Mulluku a Israele, kineerowoononga ni athu attheene a o Yuda ni a o Yerusalemu kaambiiwa kheyaakiiwellelle kaalleelleemi, kheyaakaakhunlle kawiithanilleemi.”

Maliro 2:3

Apwiya yashilliiwa murima, yaakotholla masiviiwa ayo akotella Israele. Yaahokollosa nnatta niwa wooteteza, adani yaariiwa vakhuviru. Osha murimiiwa waallaka nlloko na Yakobo, wonanko munllo wawoononga ddittheddene.

Ezekiele 39:3

Kineerewinttaka muuraawo wawuunyotthoni ni wuutathilliha mipaamba ddawo dda o nnattanatta nawo.