Yeremiya 21:2 - Mawu a Mulluku

² “Khaweni wa Yeremiya mwamuveke wi anillotelle wa Apwiya vawi Nebukadinezara mwene a o Babiloni oonihella ekhoto. Apaalle Apwiya ttuuneerella ddoottikhiniha wi Nebukadinezara avenyewo owanihu wuno.”

Yeremiya 21:2 ပူးပေါင်းရင်းမြစ်များ

Yeremiya 37:3

Vano mwene Zedekiya aamuruma Yehukala mwaana a Shelemiya ni mullupa mukutho Zefaniya mwaana a Maaseiya wa namallotella wi amulleelle wi, “Munivekelle wa Apwiya Mullukwaahu.”

Yeremiya 37:7

“Mi Apwiya Mulluku a Israele, kinallota wi mwene a o Yuda oyo urumme wi okiveke ezeru, wamulleelle wi, ‘Ngoonani, akhoto a Farao ayo yawiille wi yuukavihere, eneerohokollweella owaniwa o Iguputo.

1 Samuele 28:15

Samuele aamukoha Saulo wi, “Kaambiiwa tini onakihooseewe vookikhumihani wi kiwe wuno?” Saulo ahaakhulla wi, “Koopaneya wunchichi vawi Afilisti aawa wi niwaneke nave Mulluku ookillutuwella, khanakaakhulla naari oweella mwa anamallotella apaalle muullohani. Ella sika ekaambiiwa kiwiithanilleemini wi mukilleelle yawi keere.”

1 Samuele 28:6

Sika ahaaveka Apwiya yawi eere koma kheyaamwaakhullalle naari oweella muullohani, mwa allupa mukutho apaalle mwa anamallotella.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Yeremiya 32:17

“Ha! Nyu Apwiya Mulluku! Nyu sika mwaphatusalle ellapo yavatthi ni eddullu ni masivaayu muullupalli ni muwonwaanyu weekophollo nave kheyiivo muhinaworeenyu weera.

2 Epilli 32:21

Vano Apwiya yaamuruma mungelo nave aawiipha akhoto attheene amasiva ni oohoollella a o misasa dda mwene a o Asiriya. Sika aahokollweella owaniwa ari oowulliwa muru. Vano avollowille mu enyumba ya mullukwaaye, anaaye amodda yaamwiipha ni nsupada.

2 Mamwene 1:3

Koma mungelo a Apwiya aamulleella Eliya Mutishibe wi, “Timulla, khawe wakumane ni amithenga a mwene a o Samariya, waakohe wi, ‘Ethiyo o Israele khori Mulluku mvo munayeenyu wooveka ezeru wa Baala Zebubi, mulluku a athu a o Ekeroni?’

1 Samuele 10:22

Vano athwaayo yahaakoha Apwiya wi, “Ethiyo Sauloolla ari weewuno?” Apwiya yahaakhulla wi, “Ee iipitthalle variyari va katundu.”

Oweeruza 20:27

Nibokosi na echipangano na Apwiya naari niri wenko mallapo yaayo.

Genesis 10:10

Nimurodi aanalamulella o Babiloni, o Ereki ni o Akadi. Mamwene mattheenaalla yaari mu ellapo ya Babiloni.

Eksodo 9:28

Ddoottepa! Vekella wa Apwiya wi ehiihe ogugudeya wa murimu ni marallallaalla. Kineerowaakhullellani wi muvenyewo. Khemukhallattho wuno iyaayi.”

2 Mamwene 17:24

Vatulli viwa, mwene a o Asiriya aawa ni athu ovenyera o mizinda dda Babiloni, Ava, Hamati ni Sefaravaimu aahiya mu mizinda dda Samariya munipuroni mwa Aisraele ayo yaphariwe okaporo. Vano athwaayo yaavollowa mu mizindannddo ddikhalla ddayiwaddayiwa.

Yesaya 48:2

Komave munniiromolla ni nnddina na muzinda wawella, munnaashave nikavihero wa Mulluku a Israele oyo nnddina naye tti Apwiya Amasiva Mattheene.

Yeremiya 15:11

Apwiya yaakaakhulla wi, “Ddawoona, kineerowaakihera wi ophwanye phaama. Ddawoona, adanaawo eneerewullapella va enthawi ya otulli ni ddoohoosa.

Yeremiya 21:3

Koma Yeremiya ahaalleella oorumiwaalle wi,

Yeremiya 37:17

Nllapo nimodda Zedekiya ahaaruma athu wi yamwiithane Yeremiya nave mwenooyo aamwaakhella. Vano mwenooyo aamukohella vakhwipi mpa mwaye wi, “Ethiyo vookhalla mawu ayo Apwiya yuulleelliiwa?” Yeremiya ahaakhulla wi, “Ee, yookhallavo. Nyu amwene muneerovelleelliwa m'mattani mwa mwene a o Babiloni.”

Ezekiele 7:26

Otulli oneerothwarana, vineerovuwa epilli yoohimalla. Athu eneerowaashaasha anamallotella wi yaallotelle ddamuhoollo, eneerorama allupa mukutho wi yaahuddihe malamulo nave attekweene kheyaalangizattho.

Yeremiya 34:1

Mawu a Apwiya yaawa wa Yeremiya mvo Nebukadinezara mwene a o Babiloni ni mullokwaaye wakhoto, moomwene mattheene a va ellapo yavatthi ayo aalamuleeye ni athu a mitundu ddittheddene yamuhenlliiwa ekhoto Yerusalemu ni mizinda ddaye ddawaapheella.