Yeremiya 21:13 - Mawu a Mulluku

¹³ Nyu ookhalla muntaponi, kinawiipani mullatu nyuwaano ookhalla wonanko nlluku na va ntapo. Nyu munallota wi, ‘Ethiyo ttaani anaanihelle ekhoto. Ttaani anaawore ovollowa m'millakoni mwahu?

Yeremiya 21:13 ပူးပေါင်းရင်းမြစ်များ

Ezekiele 13:8

“Sika vano mi Apwiya Mulluku kinallota wi, ‘Kinnuuvaanyihani wi mawaanyu tti oohikhalla ni mutteko nave masomphenyaanyu tti awoottha.

Maliro 4:12

Mamwene a va ellapo yavatthi kheyaakhulupililalle apaalle arive muthu ookhalla va ellapo yavatthi wi adani apaalle akhoto ttuuvollowa va millako dda Yerusalemu.

Mika 3:11

Oohoollella kheneeruza vaahikhalla ddamukaphwani, allupa mukutho khenahuddiha vaahikhalla mallivello navettho anamallotella khenallotella vaahikhalla makobiri. Komave enahameella va Apwiya voollotani wi, “Ethiyo Apwiya kheri variyari vahu? Kheyiivo yookatamiha enaanimorelle!”

Yeremiya 50:31

Apwiya Mulluku Amasiva Mattheene enallota wi, “We Babiloni, kineerewuuhella ekhoto ekaamba yawi onnitukhulla vawi enthawaawo yookwakhwana, noophiya nllapo nawo na ollakiwa.

Masalimo 125:2

Monga miyaango ddimwaapheellelliiwa Yerusalemu, tti mwemmottho Apwiya enawaapheellelliiwa athwiiwa waambeella ollello wa enthawi yoohimalla.

Yeremiya 49:16

Wiitukhulla wawo wohuulleka, woopopiha wawo wohuuhollosa, we ookhalla m'mallukuni ni omiyaangoni. Koma naarive omakille enyumbaawo vaddullu wonanko emphuru ya echiwombankhanga kineerewuukitthiha. Mi Apwiya koollota.”

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yesaya 22:1

Nngu sika ollotella wa dda ntapo na Masomphenya. Ethiyo yeereyille tti tini wi attheene muwelle vaddullu va enyumba?

Yeremiya 51:25

We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Yeremiya 7:4

Muhiroromelleke mawu oolleka vooganizani wi muri vaphaama voollotani wi nipuro nenna tti enyumba ya Apwiya, enyumba ya Apwiya, enyumba ya Apwiya!’

Eksodo 13:8

Va ehakallallo yeeyo mwaatthopoollelleke aniinyu wi, ‘Nineera ddittheddenenndda ekaamba ya nnddo Apwiya yaneerelliiwa navenyaahu o Iguputo.’

Eksodo 13:20

Aisraele yaavenyawo o Sukoti, eya yatthipella misasa ddiwa o Etamu, mukhwipi mwa echipululu.

Ezekiele 5:8

Ella sika ekaambiiwa mi Apwiya Mulluku kinuuvaanyiheemini. Kineerewuullakani athu a mitundu ddimodda yoonaka.

Ezekiele 21:3

Oyilleelle ellapo ya Israele wi Apwiya enallota wi, ‘Kineerollipana ni weyaano. Sika kineerohullulla nsupada naka munigoneloni mwiwa wi kiwiiphe athwaawo, oolungama vamodda ni oonanara.

Ezekiele 34:10

Mi Apwiya Mulluku kinallota wi nyu abusa tti adanaaka. Kineerowaakhani enkhosa ddaka, khamuwa muddichihattho. Kineerewuuhiihani mutteko woobusa wi muhiwe mupwathattho dda nyookha. Kineerovullusa enkhosa ddaka muwano mwanyu nave khamuwa muddittakhunattho.”

Nahumu 2:13

Apwiya Amasiva Mattheene enaalleella a o Ninive wi, “Mi nginawaakhullellani, kineerowoosellani magaretaanyu. Nsupada nineerowonongellani akhotwaanyu ayo tti wonanko mikango. Kineerowaakhani ddittheddene nnddo mwaakhilleenyu va ellapo yavatthi, amithengaanyu khewa yiiweyattho mawu.”

Yeremiya 17:3

Eyuumaanyu ni katundwaanyu muttheene kineeroddivelleella wa awaakha wi okhalle olliva wa machimwaanyu aweereya mwiillaponi mwanyu mutthemwene.