Yeremiya 21:12 - Mawu a Mulluku

¹² nyu a mu nibanja na Davide. Apwiya enallota wi mweeruzeke moothwara echilungamo erive enthawi. Mumutetezeke muthu oyo iiyeriwe katundwaaye woova wi osha murima waka onaakhare wonanko munllo woohithiimiheya ekaamba ya machimwaanyu.

Yeremiya 21:12 ပူးပေါင်းရင်းမြစ်များ

Yesaya 1:17

nave hudderani weera ddaphaama. Ashaashani echilungamo, akavihereni oopaniwa, atetezeni akhwaadduni ni owiimellella vamullatuni anaamukhwelle.”

Yeremiya 4:4

Musunge lonjezano nanyu ni miyaano Apwiinyu nave mwiivelleelle ni murimaanyu muttheene wa miyaano. Nyu athu a o Yuda ni a o Yerusalemu muheereke ddenndda wi owallaaka ohiwe wonanko munllo nave ohuukharelleni moohithiimiheya ekaamba ya ddoonanara muneereenyu.”

Yesaya 1:31

Athu amasiva enaakhalle wonanko manasi awumma nave mitteko ddiwa wonanko munllo. Sika athwaayo enaakharelle nimodda ni mitteko ddiwa, oohikhallavo mmodda oowora waathiimihella.

Zefaniya 3:5

Koma Apwiya tti oolungama m'muzindanimmo, tti a echiweruzo yaphaama. Enneeruza moolungama nllapo ni nllapo, enthawi ettheene khenalephela, koma athu oohilungama khenawulliwa muru.

Nahumu 1:6

Ethiyo ttaani anaawore wiimella vamiitthoni va Apwiya, alliwa eshille murima? Ethiyo ttaani anaawore ovillella o owalliiwa? Alliwa enniitha owalliiwa malluku ennaphweeya vamiitthoni viwa.

Yeremiya 36:7

Apaalle ttuuvekella wa Apwiya nave arive muthu ttuuhiya makhallellwaaye oonanara kaambiiwa Apwiya ahaashella murima athu yaalla ni owalli wawoopiha.”

Yeremiya 17:4

Muneerotathilla ellapo eyo kuuvahilleemini wi ekhalle yoohallanaayu. Kineerewuutthattusani akaporo awaarumeyella adanaanyu mu ellapo eyo muhinayidduwelleenyu vawi owallaaka oneerokhara wonanko munllo woohithiimiheya.”

Yeremiya 7:20

Sika vano Mi Apwiya Mulluku kineerewaallaka wunchichi moosha murima. Osha murima waka oneeromorella va enyumbaaka, athu, enama, miteekho ni mmiddo nave oneerokhara wonanko munllo woohithiimiheya.

Yeremiya 5:28

Yooneneva nave miilli ddiwa tti ddoosalala. Ennavirellella weera mitteko ddiwa ddoonanara, kheneeruza mweechilungamo millatu dda akhwaadduni ni oohoowa wi ddeete phaama.

Aroma 13:4

vawi yaayo tti oomurumeyella Mulluku ayo enaphara mutteko wuukaviherani nyuwaano. Koma mweera yoonanara munaphwanella woopopihiwa ekaamba yookhalla ni olamulello wawuullakani. Alliwa tti oomurumeyella Mulluku nave ennawiiha ollaka wa Mulluku wa ayo eneera ddoonanara

Luka 1:69

Oonivaha Oovullusa amasiva, edduullu ya Davide, oorumeyellaaye,

Ezekiele 22:31

Sika ekaambiiwa kaananariwelleemi wunchichi. Kineerowoononga ni osha waka wookhara wonanko munllo. Vano kineerewaallaka mowaahokollosella ddoonanara. Mi Apwiya Mulluku koollota.”

Maliro 4:11

Apwiya aasha murima wunchichi, aamorihella vatthi osha murima wiwa wamunllo. Aakhariha munllo o Ziyoni oyo woonongille matthipello a muzinda.

Yeremiya 23:19

Onani ephevo yawoopiha yoovenyera wa Apwiya! Onani owalliiwa wawoopa wonanko ephevo yuullupalli, oneerewoopa va miru dda oonanara.

Yeremiya 5:14

Sika ekaambiiwa Apwiya Mulluku Amasiva Mattheene enallotiiwa wi, “Vawi ellotille ddiidda, kineerewaatthattusa mawaaka munllo muwano mwawo. Kineerewaatthattusa ekhuni nave munllo oneerewaashellelliha.”

Yesaya 7:13

Sika Yesaya aallota wi, Ngiiwani vano, nyu edduullu ya Davide! Ethiyo khonuukwakhwaneni waatopiha athu munapaalleenyu omutopiha naari Mullukwaaka?

Yesaya 7:2

Nibanja na Davide niiwalle wi ellapo ya Siriya yohiiwanana ni ya Efuremu, mwene ni athwaaye yaatthukumella wonanko miteekho dda muutthakoni ddinatikhiwa ni ephevo.

Masalimo 101:8

Orive ohinase kineerekowoononga oonanara attheene amwiillaponi, waavenyiha attheene aweera ddoohikhalla ni mutteko mu muzinda wa Apwiya.

Zefaniya 1:18

Naari siliviiwa apaalle golidiiwa, khawora owoopolla va nllapo na osha murima wa Apwiya. Owalliiwa tti wonanko munllo, onnashellelliha ellapo ettheene, moorurumusa eneerewaamalla attheene ookhalla mwemmo.”

Yeremiya 23:5

Apwiya enallota wi, “Enimawa mallapo kinaamuphuwihelleemi Davide enthambi yoolungama eyo enaakhalle mwene eezeru ni aweeruza mweechilungamo ni moohiweha ekhove mwiillaponimmu.

Yeremiya 21:5

Mi mwaneenaaka ni muwonwaaka wamasiva kineerowana ni nyuwaano moosha murima, moonanariwa ni moowalli.

Yobu 29:17

Kaawinttaka etwaatwara athu eekuku, kaanawaakiha oopaniwa owanoni wiwa.

2 Samuele 8:15

Vano Davide aalamulella ellapo ettheene ya Israele nave aaneetiha ddittheddene mweechilungamo ni moohiweha ekhove.

Deuteronomo 32:22

Owallaaka oneerokhara wonanko munllo, oneerophiya o ellapo ya ookhwa, oneerewoosa ddittheddene ddaveellaponi, oneeroshellelliha matthipello a miyaango.

Levitiko 26:28

kineerovaanyihanattho ni nyuwaano moowalli nave miyaano mwaneenaaka kineerewuullakani mwawaanjerera otthanu ni opiilli ekaamba ya machimwaanyu.

Eksodo 18:13

Osaka wene Mose ahaamba weeruza millatu dda athu. Nave athwaayo yaanawaana millatu ddiwa wa Mose waambeella ohinase ophiyera mahiiyu.

Yeremiya 7:5

“Musinthe makhallellwaanyu ni ddaweera ddanyu nave mweerellaneke ddoolungama.

Yeremiya 23:2

Ekaamba ya yeella Apwiya Mulluku a Israele enallota dda abusa awaawehera athwiiwa wi, “Moopallallesa ni omwara enkhosa ddaka nave khamunaddipwatha phaama. Sika kineerewuullakani ekaamba ya ddoonanara ddanyu.

Yeremiya 44:22

Ekaamba ya yeella, Apwiya kheyaawonre ovillella mitteko ddanyu ddoonanara nnddo mwaddeereenyu. Sika ellapwaanyu yaatthattuwa ntepe, ello yooryiryiha mwiilli ni yootembeleliwa, ellapo yoohikhalla ni athu, wonanko ekhallelliiwa ollellova.