Yeremiya 21:10 - Mawu a Mulluku

¹⁰ Koosimikiza oweerella ddoonanara, ohiri ddaphaama muzinda yoolla. Oneerovelleelliwa wa mwene a o Babiloni nave aneerowushellelliha.”

Yeremiya 21:10 ပူးပေါင်းရင်းမြစ်များ

Yeremiya 44:11

“Ekaamba ya yeella Apwiya Amasiva Mattheene, Mulluku a Israele, enallota wi, ‘Koosimikiza oweerella ddoonanara ni waatthollosa athu a o Yuda.

Amosi 9:4

Naari epharelliwe wuukaporoni ni adaniiwa, wenko kineerolamula wi yiiphiwe ni nsupada. Kineerewoonesesa wi athu yaalla kiweerelle ddoonanara ohiri ddaphaama.”

Yeremiya 44:27

Kineerewoonesesa wi athu yaalla kiweerelle ddoonanara ohiri ddaphaama. Athu attheene a o Yuda ayo eri o Iguputo eneerewiiphiwa ni ekhoto, amodda enaakhwe ni ettalla, ophiyera kaatthollosille.

Ezekiele 15:7

Nave kineerewaallaka. Naari ethaweve munllo, oneerewaashellellihave. Sika kaallaka muneerodduwella wi mi tti Apwiya.

Yeremiya 52:13

Nave ahoosa enyumba ya Apwiya, enyumba yoomwene ni enyumba ddimodda ddittheddene dda o Yerusalemu, erive enyumba yuullupalli aayoosa.

Yeremiya 39:8

Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Yeremiya 38:18

Koma mwaahiivelleella wa enduna dda mwene a o Babiloni, muzindoolla oneerovelleelliwa m'mattani mwa Ababiloni nave eneerowuhella munllo sika khamuvulluwa m'mattani mwiwa.’ ”

Yeremiya 38:3

Muzindoolla oneerovelleelliwa wa akhoto a mwene a o Babiloni nave eneerowaakha.”

Yeremiya 34:2

Apwiya Mulluku a Israele, yaamulleella Yeremiya wi, “Khawe wamulleelle Zedekiya mwene a o Yuda wi Apwiya enallota wi muzindoolla kineerowuvelleella wa mwene a o Babiloni nave aneerowoosa.

2 Epilli 36:19

Nave yaahella munllo enyumba ya Mulluku ni yoomwene, ekumulla mpanda wa Yerusalemu nave yoononga eziwiya ddittheddene ddoowallamella mutengo.

Yeremiya 38:23

Nave kaallotattho wi, “Awarinyu attheene ni aniinyu eneerewaavelleella m'mattani mwa Ababiloni nave khamuwora othawa. Muneerophariwa ni mwene a o Babiloni, vatulli viwa muzindoolla oneerohelliwa munllo.”

Masalimo 34:16

Koma Apwiya ennaananariwella aweera ddoonanara, vawi khewa yuupuwelleya vatthimva.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Levitiko 17:10

“Arive Muisraele apaalle mulleto oyo ari variyari viwa acha nikhame, kineeromureya etulli nave muthu yooyo kineeromuvenyiha variyari va Aisraele.

Zekariya 1:6

Ethiyo mawaaka ni malamulwaaka ayo kaalleelleemi oorumeyellaaka anamallotella kheyaamorenlle makhollwaanyu? Sika alliwa yaalapa ni ollota wi, ‘Ddawoona, Apwiya Amasiva Mattheene yaaneerella nnddo yallotilliiwa moollikana ni makhallellwaahu ni mitteko ddahu ddoonanara.’ ”

Yeremiya 34:22

Koma kineerewaalamula nave kineerewaahokollosellattho o muzinda yoolla. Eneerowuuhella ekhoto ni owaakha nave eneerowoosa ni munllo. Sika mizinda dda Yuda kineerodditthattusa ntepe, moohikhalla athu. Mi Apwiya koollota.”

Yeremiya 26:6

enyumba ella kineeroyoononga wonanko kamoonongelleemi Shilo. Vano muzindoolla kineerowutthattusa ello yootembeleleya wa mitundu ddittheddene dda va ellapo yavatthi.’ ”

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 33:5

Ababiloni enimawa wi ehelle ekhoto nave enyumba ddiwa ddineeroddalla ni mitembo dda athu ayo kawiiphalleemi moowalli ni moosha murima. Muzinda yoolla koowureya etulli ekaamba ya ddoonanara dda athwiiwa.

Yeremiya 39:16

Khawe wamulleelle Ebedemeleki Mukushi wi Apwiya Amasiva Mattheene, Mulluku a Israele anallota wi, “Ngoonani, ddineereweereya nnddo kallotilleemi dda muzindoolla vawi ddinaakhalle ddoonanara ohiri ddaphaama. Ddineereweereya va enthawiiwa, weyaano woonaka.

Ezekiele 24:11

Vano ohiye vamankhallanimvo epalli moohikhalla ello ophiyera efiiralle, ddoonanara ddiwa ddittheddene ddittotthowille nave murawa ovenyillemo

Amosi 2:5

Sika kineerorumiha munllo o Yuda, munllooyo oneeroshellelliha mipanda ddoollipa dda Yerusalemu.”

Yeremiya 38:17

Vano Yeremiya aamulleella Zedekiya wi, “Apwiya Amasiva Mattheene, Mulluku a Israele, eni, ‘Mwiivelleella wa enduna dda mwene a o Babiloni muneerokhalla ni okumi nave muzindoolla khewuhella munllo navettho nyu ni nibanja nanyu muneerokhalla ni okumi.