Yeremiya 20:8 - Mawu a Mulluku

⁸ Voollotani, kinnawelliha mawu, kinnakhuwa wi, “Ekhoto wuno, nohoonongeya!” Nyu Apwiya, mawaanyu aakitthattusa oovevulliwa ni oohumullulliwa mallapo mattheene.

Yeremiya 20:8 ပူးပေါင်းရင်းမြစ်များ

Yeremiya 6:10

Kahaakhulla wi, “Ethiyo killote ni aani nave kimuchenjeza aani wi iiwe? Maarwiiwa aatiyelleya, khewora wiiwa. Ennaavevulla wunchichi mawu a Apwiya nave khenaapwatha naari vang'ono.

2 Epilli 36:16

Koma athwaayo yaanaavevullave amithenga a Mulluku ni mawaaye nave yaanaattheya anamallotellaaye ophiyera Apwiya yahaashella murima nave khaarivo oowaakihera.

1 Petro 4:14

Oodalisiwa tti nyuwaano mwaallotelliwa epewe kaambiiwa nyuwaano tti oomuthwarellella Khrisitu. Ella enattaphullella wi Munepa wa ntitimiho, Munepa a Mulluku, onnakhalla va nyuwaano.

Aheberi 13:13

Hankoni vano niye wa olliye otte wi navevulliwekena nimodda.

Aheberi 11:26

Aadduwella wi ohoowa ekaamba ya Mesiya* waari woopaalleya wunchichi ohiyana ni eyuuma ettheene ya mu Iguputo vawi atiyerella othuviwa.

Luka 11:45

Muhuddihi a malamulo mmodda aallota wi, “Ahuddihi, mwaallotaka ddiidda munanillotella epewe hiyaano.”

Yeremiya 28:8

Anamallotella attheene yahoollille khalle yallotella dda ekhoto, ettalla ni mullilli wi ddineeromorella ellapo ddinchichi ni moomwene oovuwa.

Yeremiya 20:7

Nyu Apwiya, mookilleka, ddawoona, kaallekeya. Nyu tti amasiva okikhwaranya miyaano, ddawoona, mookigonjiha. Arive muthu animakittheya nllapo nittheene, arive muthu animakivevulla moohihiyerera.

Yeremiya 17:27

Koma mwaahikiiwellella, mwaahisunga Nllapo Sabata naka wi nikhalle noopatuleya nave mwamutukhulla arive katundu munavollowana va millako dda Yerusalemu va nllapo na Sabata kineerewoosa millako ddennddo. Munllo woohithiimiheya oneeroshellelliha enyumba ddoomwene dda o Yerusalemu.”

Yeremiya 7:9

Munniiya, munniipha, munnararuwa, munnallupella mwawoottha, munnavelleella mikutho wa Baala ni ollapella milluku ddimodda nnddo khalle mwahiddidduwelleenyu.

Yeremiya 5:6

Sika ekaambiiwa mukango wamuutthakoni onaawiiphiiwa, mumbulu woohakani onaawoonongiiwa. Nanthavi anaakhalleke vakhuviru ni mizinda ddiwa, aneeromukhaddulla arive muthu ookhuma vawi ddoochimwa ddiwa tti ddinchichi, omuhiya wiwa Mulluku wohaata.”

Yeremiya 5:1

Thamakani nngu ni nngu m'misewuni dda Yerusalemu, muddoonelle nyookha. Ashaashani o mathatwaaye wi mumphwanyewo aweera ddoolungama, owaashaasha yawoona wi kimukhululukelle Yerusalemu.

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Yeremiya 15:15

Mi kaallota wi, “Nyu Apwiya munnadduwella ddittheddene. Mukuupuwelle nave mukikavihere miyaano. Mwaahokolloselle ddoonanara athu ookihoosa nave muhaakhurumuwelle. Muhikaakhe okumi vawi munnadduwella wi kinnanyaambusiwa ekaamba ya nyuwaano.

Habakuku 1:3

Kaambiiwa tini munakooniheenyu ddookatamiha ddawi ddiidda? Kaambiiwa tini munoonellelleenyu ddoonanara? Virive veko kiriimi viri woonongeya ni ekhoto, owana ni okangana wuullupalli.

2 Mamwene 2:23

Ovenyera wenko Elisha aaya o Betele. Nave ari muttilla, asombwe amodda a m'muzindanimmo yaakhumellella yaamba omuttheya wi, “Venyavo mva, nanttari! Venyavo mva, nanttari!”

Yesaya 57:4

Ethiyo munattheella ni aani, munamwaaka aani, munamuvevulla aani? Ethiyo anamwani a oochimwa, edduullu dda awoottha, khe nyuwaano? Ethiyo oochimwa khe nyuwaano, awoottha khe nyuwaano?