Yeremiya 20:6 - Mawu a Mulluku

⁶ Nave we Pashuri ni attheene a munibanjani nawo eneerewuupharanittho okaporo wuuyaanani o Babiloni. Munaakhwelle ni ovitthiwa wenko, weyaano ni akhwaawo ayo waallotelleewe ddawoottha.’ ”

Yeremiya 20:6 ပူးပေါင်းရင်းမြစ်များ

Maliro 2:14

Anamallotellaawo yaawoonella weyaano masomphenya awoottha ni oolleka. Kheyaawoonihalle ochimwa wawo wi okhalle waphaama, koma yaawooniha masomphenya awoottha ni oohollosa.

Ezekiele 22:28

Nave anamallotellaaye ennavittha ddenndda wonanko mmo eneerella athu voomarani otooto waweella, ennaddihuruwella ni nnddo enaddooniiwa voollohani ddawoottha ni makhangiiwa oolleka. Ennallota wi, ‘Apwiya enallota nndda’ Koma mi Apwiya Mulluku kihillotille ddennddo.

Yeremiya 20:4

Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Zekariya 13:3

Nave mmodda aphwanyeya oopaalla wi allotellekeve, attiitthinnya ni amennya oomuyara eneeromulleella wi, ‘Ohikhallettho ni okumi kaambiiwa onallota ddawoottha mu nnddina na Apwiya.’ Sika makhollwaaye eneeromuhoma olliye allotellaka.

Mika 2:11

“Muthu mmodda eetaka ni murima wawoottha ni woolleka anallotella wi, ‘Ddawoona, muneerokhalla ni vinyo ni ddoowirya ddoowalli ddinchichi,’ namallotella yoolla athwaalla eneeromukonda.

Yeremiya 29:32

Mi Apwiya kineeromullaka Shemaya ni edduullu ddaye. Munibanjani nayenno khaavo muthu oyo anaakhalle variyari va mutundu olla wa athu onoone ddaphaama nnddo kinaaweerelleemi athwaaka kaambiiwa olliye oollalleya ddookiwukila. Mi Apwiya koollota.’ ”

Yeremiya 23:32

Kinnaakhoota anamallotella ayo enalloha ddawoottha, enaalleella athwaaka ni waavirikaniha ni ddawoottha ddiwannddo. Khe miyaano kaarumalle apaalle waalamula nave kheenaakavihera athu naari vang'ono. Mi Apwiya koollota.”

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

Yesaya 9:15

Attekweene ni oovuwa sika muru nave anamallotella oohuddiha ddawoottha sika mwiilla.

Deuteronomo 28:25

“Apwiya eneerewaakhullella wi adanaanyu yuugonjiheni. Vowaawukilani munaayeelle ettilla emodda koma voothawani munaapallalleyelle ettilla dditthanu ni piilli. Nave mamwene mattheene a ellapo yavatthi eneerotthukumella vawoonani ddawuumorellaninnddo.

Levitiko 26:17

Kineerewuureyani etulli nave adanaanyu eneerewuugonjihani, awiitana ni nyuwaano eneerewuulamulellani nave muneerekothawa muhiikarihiwaka.

Yeremiya 20:1

Vano Pashuri mwaana a Imeri aamwiiwa Yeremiya allotellaka ddeko. Olliye aari mullupa mukutho oyo aari kapitawo o enyumba ya Apwiya.

Yeremiya 14:13

Koma miyaano kaallota wi, “Ha, nyu Apwiya Mulluku, anamallotelliiwa enaalleella athu wi khewa ekhwa ni ekhoto nave khamuwa mumora ettalla mwiillaponi mwahu koma munaakhalle murendelleve.”

Yeremiya 14:16

Athu ayo yaallotenlliiwa eneerovokhelliwa m'misewuni dda mu Yerusalemu, ekhwille ni ekhoto apaalle ni ettalla. Alliwaayo, awariwa, aniiwa aallopwana ni aatthiyana, attheene eneerokhwa nave khavikhalla awaavittha. Kineerewaahokollosella ddoonanara.”