Yeremiya 20:5 - Mawu a Mulluku

⁵ Eyuuma ettheene ya m'muzindanimmu, mphuro muttheene wa muttekwiiwa, ddeko ddittheddene ddoowallamella mutengo ni eyuuma ya mamwene a o Yuda ddineerovelleelliwa wa adaniiwa. Alliwa eneerewaakha ddennddo ni oddiyaana o Babiloni.

Yeremiya 20:5 ပူးပေါင်းရင်းမြစ်များ

Ezekiele 22:25

Oohoollellaaye tti wonanko mikango ddoothuruma voopharani enama. Aawiipha athu, ahaakha eyuuma ni ddeko ddoowallamella mutengo ni waatthattusa atthiyana anchichi anaamukhwelle m'muzindanimmo.

Yeremiya 15:13

Apwiya yaallota wi, “Kineerovelleella eyuumaanyu ettheene ni katundwaanyu wa adanaanyu moohillivella ekaamba ya machimwaanyu manchichi mu ellapo ettheene.

Maliro 1:10

Adani yaamwaakha eyuumaaye ettheene, munipuroni mwaye mwaweella mwaavollowa athu a mitundu ddimodda, ayo nyu Apwiya mwaahiihalleenyu ovollowa m'mutthukumanwaanyu.

Yeremiya 17:3

Eyuumaanyu ni katundwaanyu muttheene kineeroddivelleella wa awaakha wi okhalle olliva wa machimwaanyu aweereya mwiillaponi mwanyu mutthemwene.

2 Epilli 36:10

Voomallani muyakha, mwene Nebukadinezara ahaaruma athu wi yamukuse nave yaawaana o Babiloni ni eziwiya ddoowallamella mutengo dda o enyumba ya Apwiya. Vano aamuvollochiha omwene Zedekiya mwanamunne a Yehoyakini wi akhalle mwene a o Yuda ni o Yerusalemu.

Daniele 1:2

Apwiya yaamuvelleella m'mattani mwaye Yehoyakimu mwene a o Yuda vamodda ni ezipangizo ddimodda dda mu enyumba ya Mulluku. Nave aayaana o enyumba ya milluku ddaye o Babiloni addihiya mu ezipinda moosungellamo eyuuma.

Maliro 4:12

Mamwene a va ellapo yavatthi kheyaakhulupililalle apaalle arive muthu ookhalla va ellapo yavatthi wi adani apaalle akhoto ttuuvollowa va millako dda Yerusalemu.

Maliro 1:7

Va mallapo a ddookatamiha ddaye ni ohollowa waye, Yerusalemu annuupuwella ddaphaama ddittheddene nnddo aariiyena mallapo akhalle. Athwaaye yavelleelliwiiwa m'mattani mwa adani, khaarivo oomukavihera. Adanaaye yaanamuwehesesa moomunyindulla, ettheyaka omora waye.

Yeremiya 39:8

Ababiloni yaahella munllo enyumba yoomwene, enyumba ya Apwiya ni enyumba ddimodda ddittheddene nave yaakumulla mpanda muttheene wa Yerusalemu.

Yeremiya 39:2

Va muyakha waneekhumi ni mmodda wa omwene wa Zedekiya, mweeri waneesese, nllapo naneetthanu ni sese na mweeri, mpanda wa muzindooyo waaphovolliwa.

Yeremiya 12:12

Athu awoononga aapallalleyella o asimiyaango a muutthakoni. Mi Apwiya kohaaruma akhoto wi yoononge ellapo ettheene, khaavo arive muthu anaakhalle mwamurendelle.

Yeremiya 4:20

Otulli onimathwarana, ellapo ettheene yootthattuwa ntepe. Moorurumusa misasa ddahu ddohoonongeya, makataniiwa ahaahulliwa va enthawi yooyeva.

Yeremiya 3:24

Waambeella khalle, Baala, mulluku oowulliha muru, ohoonongiha mphuro wa mutteko wa makhollwaahu monga enkhosa ni eng'ombe ddiwa, aniiwa aallopwana ni aatthiyana.

Yesaya 39:6

‘Enthawi eneerophiya mvo ddittheddene dda mu enyumba mwanyu ni ddittheddene nnddo makhollwaanyu yadditthukumanihalliiwa ophiyera ollello eneerowaakhani oyaana o Babiloni. Khavikhallattho ello naari emodda.

Yeremiya 32:24

“Ngoonani, adani ahaapheella muzindoolla wi ewaakhe. Muzinda olla oneerovelleelliwa wa Ababiloni ofookille ni ekhoto, ettalla ni mullilli. Ddawoona, mwalloteenyunndde ddoheereya wonanko mmo moonilleenyu nyookha.

Hoseya 13:15

Naari Efuremu ahakallallille wonanko epango, ephevo ya wookhuma nndduwa, ephevo ya Apwiya eneerewoopa ovenyera ochipululuni. Sika aneetuutu eneerowelleella nave mathiyaaye eneerewumma. Adani eneerewoononga eyuumaaye yoowallamella mutengo.