Yeremiya 20:4 - Mawu a Mulluku

⁴ Apwiya weekhiiwa aallota wi, ‘Kineerewuutthattusa yawoopiha wa weekhaawo navettho wa akhwaawo attheene. Akhwaawo eneerewiiphiwa ni adaniiwa ni nsupada woonaka ni miitthwaawo. Nave Yuda muttheene kineeromuvelleella wa mwene a o Babiloni. Amodda eneeropharelliwa wuukaporoni o Babiloni nave amodda eneerowiipha ni nsupada.

Yeremiya 20:4 ပူးပေါင်းရင်းမြစ်များ

Yeremiya 29:21

“Apwiya Amasiva Mattheene, Mulluku a Israele, aallota mawu a dda Ahabu mwaana a Kalaya ni a Zedekiya mwaana a Maaseiya oyo uullotellani ddawoottha munnddina na Apwiya. Alliwa eni eneerewaavelleella m'mattani mwa Nebukadinezara mwene a o Babiloni nave olliye aneerowiiphani nyuwaano moonaka.

Yeremiya 25:9

kineerowiithaniha malloko mattheene ompoto ni oorumeyellaaka Nebukadinezara, mwene a o Babiloni. Kineerewaaruma wi ehelle ekhoto ellapweella ni athwiiwa navettho athu a mitundu ddimodda ddawaapheella ellapweella. Ddawoona, kineerewaatthollosa ni waatthattusa ello yoonanara, yoovevuwa ni yoosoonyiha wa enthawi yoohimalla.

Yeremiya 52:27

Nave mwene a o Babiloni aalamula wi ewuukuthe ni owiiphella o Ribula mu echigawo ya Hamati. Sika athu a o Yuda yaaphariwa okaporo waavenyiha mwiillaponi mwiwa.

Yeremiya 19:15

“Apwiya Amasiva Mattheene, Mulluku a Israele, enallota wi, ‘Kineerowumorihella otulli muzindoolla ni va mizi ddiwa ddittheddene moollikana ni mmo kallotelleemi ekaamba yawi athwiiwa tti awumma murima nave enimakhoota wiiwellella mawaaka.’ ”

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”

Masalimo 73:19

Eneerewoonongeya va enthawi yooyeva, eneeromalla moorurumusa.

2 Mamwene 25:7

Yaawiipha anaaye attheene a Zedekiya olliye oonaka nave yaamukhumihamo miittho, emmaka ni onyolo emuyaana o Babiloni.

1 Samuele 2:33

Koma kineeromusunga mmodda a munibanjani nawo wi arumeyelleke va nikuwa naka. Miitthwaaye eneeronanara nave aneerotathilla murima. Koma amodda anchichi eneerewiiphelliwa okhotoni eri asombwe.

Yeremiya 13:10

Athu oonanaraalla aakhoota wiiwellella mawaaka yahumma murima, yaathwara milluku ddimodda ni oddillapella. Alliwa enaakhalle wonanko ekuwo yoohikhalla ni muttekoolla.

Yeremiya 13:19

Mizinda ddanyu ddoomwera ddoowallelliwa otte nave khaavo mmodda anaawore oddihulla. Athu attheene a o Yuda aaphariwa okaporo.”

Yeremiya 20:6

Nave we Pashuri ni attheene a munibanjani nawo eneerewuupharanittho okaporo wuuyaanani o Babiloni. Munaakhwelle ni ovitthiwa wenko, weyaano ni akhwaawo ayo waallotelleewe ddawoottha.’ ”

Yeremiya 46:5

Ethiyo vano kinoona tini? Ahoova, aahokollowa, akhotwiiwa aagonjihiwa, enathawa mwawoova, oohiweha mutulli.

Yeremiya 52:24

Sika Nebuzaradani muullupalli a alonda aamuphara Seraya muullupalli a allupa mukutho, Zefaniya, aneepiilli wa muullupalli a mullupa mukutho ni alonda araru a va mullako wa enyumba ya Apwiya.