Yeremiya 20:18 - Mawu a Mulluku

¹⁸ Ethiyo kayarelliwe tini? Ethiyo kayarelliwe ohoowa ni ethakaraka wi okumaaka omallelle mu owulliwa muru?

Yeremiya 20:18 ပူးပေါင်းရင်းမြစ်များ

Yobu 3:20

Ethiyo nndduwa ninamoopella tini muthu oohoowa? Ethiyo anavahelliwa tini okumi muthu oovoreyiwa murima?

Maliro 3:1

Mi sika awoona ddoohoosa, koollakiwa ni ekopo ya owalli wa Mulluku.

Yobu 14:1

Muthu ooyariwa ni mutthiyana tti a mallapo ooyeva, anayarelliwa ohoowa.

Masalimo 69:19

Munnadduwella mmo athu enakivevullelliiwa, mmo enakiwullihelliiwa muru ni okivenyihella olemu, munnaadduwella adanaaka attheene.

Aheberi 13:13

Hankoni vano niye wa olliye otte wi navevulliwekena nimodda.

Aheberi 12:2

Miitthwaahu ekhalle va Yesu oyo akeraatthihalle echikhulupilwaahu, oyo ananihoollella ni weeriha echikhulupililwaahu wi ekhalle yaphaama. Aavillella owullihiwa muru vookhomiwani vamutandani, ekaamba yoodduwella wi muhoollo aneerohakallalla. Vawi vano annakhalla o nnattanatta wa mpando woomwene wa Mulluku.

Aheberi 11:36

Amodda yaattheyiwa ni owashulliwa, yaamakiwa ni onyolo nave ehiyiwa mundende.

Aheberi 10:36

Muvillelleke, sika wi mwamalliha weera yoopaalla ya Mulluku muneerewaakhella nnddo alonjezilleeye.

2 Timoteo 1:12

Ekaamba ya yeella kohoona ddoohoosanndda. Nave nginawulliwa muru kaambiiwa kinnamudduwella oyo kinamukhulupilileemi nave kinnasimikiza wi annawora osunga phaama eyo aakinnyenreeye ophiyera nllapo noomallihella.

Mitteko 5:41

Amurummwaayo yavenyilliiwa o nthatoni namillatu nko, yaahakallalla wi Mulluku aaweerengella alliwaayo wi tti woophwanella ohoosiwa ekaamba ya nnddina na Yesu.

Yohane 16:20

Ddawoona, kinimuulleellani wi muneerewinlla ni woopa ekutho koma athu a ellapo yavatthi eneerohakallalla. Nyuwaano muneerokokhupanya koma okhupanya wanyu eneerotthattuwa ehakallallo.

Maliro 1:12

Ethiyo ddenndda muneesa dda shisha, attheene oovira m'musewuninyu? Ngeesani ovokha miittho, moone, vaarimi viri ddoohoosa okhwaranya ddaakanndda, ddoohoosa nnddo ekimorihelle Apwiya, mvo yakishenlliiwa murima mwawoopiha.

Yeremiya 8:18

Okhupanya waka tti woohimalla, murimaaka woofooka.

Yesaya 51:7

Nyu oodduwella echilungamo, ngiiwani, nyu oosunga malamulwaaka m'murimani. Muhoove athu yaawuuhumullullakani, muhitathille murima yaawuunyaambusakani.

Yesaya 1:6

Ovenyera onnyalloni ophiyera omuruni khaviivo vaphaama koma viri marudda, etthuku ni makhwata makitthi. Makhwateene ttoohihuwiwa, oohimakiwa ni oohihelliwa makhura.

Yobu 14:13

Waphaama mwakiipitthiheke mu ellapo ya ookhwa mwakivinttheke vakhwipi ophiyera owallaanyu oviralle. Waphaama mwakihiyenreke enthawi wi vatulli viwa mukuupuwellettho.

Yobu 5:7

Koma ddawoona, muthu anayarelliwa ohoowa, wonanko munllo wonthamuwa.

Masalimo 102:3

Mallapwaaka enavira wonanko mwiisi, mwiillaaka onakhara wonanko munllo.

Yeremiya 3:25

Vano nikonaathi moowulliwa muru nave ovevuwa wahu onikhuneelle. Vallethi hiyaano ni makhollwaahu nahaachimwella Apwiya Mullukwaahu, waambeella enamwanaahu ophiyera ollello. Khaniiwellenlle mawu a Apwiya Mullukwaahu.”

Yeremiya 15:10

Nyu amoowaaka, mi kookhalla ni otulli vawi mwaakiyara mi muthu ookangana ni oovaanyana ni athu a va ellapo ettheene. Ngipolleyille erive ello wa muthu apaalle omupolleya ello muthu komave athu attheene enimakitembelera.

Habakuku 1:3

Kaambiiwa tini munakooniheenyu ddookatamiha ddawi ddiidda? Kaambiiwa tini munoonellelleenyu ddoonanara? Virive veko kiriimi viri woonongeya ni ekhoto, owana ni okangana wuullupalli.

1 Mamwene 19:4

Koma Eliya aheeta olendo wa nllapo nimodda mu echipululu aya akeraatthi vatthi va mwanamuteekho. Vano aaveka wi akhwe, allota wi, “Ddookikwakhwana! Nyu Apwiya, waaweerokhalla phaama kakhwilleke vawi miyaano khe aphaama waakhwaranya makhollwaaka.”

Yeremiya 15:18

Kaambiiwa tini ddoohoosa ddaka ddihinamalliiwa, nikhwata naka nihinavolliiwa? Ethiyo munapaalla mukilleke wonanko mwanamuhinje wawumma apaalle muhinje woohikhalla ni maaddi?”