Yeremiya 20:16 - Mawu a Mulluku

¹⁶ Muthu yooyo akhalle wonanko mizinda nndde Apwiya yoonongilliiwa moohimoriwa ethakaraka. Iiwe winlla wa ovoreya ohinase, onyakulla wa akhoto otthaana

Yeremiya 20:16 ပူးပေါင်းရင်းမြစ်များ

Yeremiya 18:22

Mwaarumihelle mulloko wakhoto moorurumusa nave winlla wawoova wiiweye mu enyumba ddiwa vawi alliwa aakikatella nlliti nawi akivokhellemo nave aareya manyallwaaka musampha.

Deuteronomo 29:23

Emata ddanyu ddineerotthulluwa, ddinaaddalle sulufure ni mwiinyu nave khemumella erive ello naari manasi. Ellapwaanyu enaakhalle wonanko mizinda dda o Sodomu ni Gomora navettho dda o Adima ni Zeboimu nnddo Apwiya yaddoonongilliiwa va enthawi elle yashilliiwa murima wunchichi.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

2 Petro 2:6

Mulluku aallaka mizinda dda Sodomu ni Gomora, voowoonongani ni munllo nave aheera ddennddo wi aachenjeze athu oohimullapella Mulluku dda nnddo ddinaaweereye.

Luka 17:29

Koma va nllapo nno Loti akhumalleeye mu Sodomu, munllo ni malluku a sulufure ddaamora ovenyera oddullu ddiwiipha athu attheene.

Zefaniya 2:9

Sika ekaambiiwa mi Apwiya Amasiva Mattheene kinallupelleemi wi, ‘Kinimallupella vamiitthoni vaka, miyaano Mulluku Ookumi a Israele, Mowabu aneerewoonongiwa wonanko Sodomu, Amoni aneerewoonongiwa wonanko Gomora. Nipuronno ninaakhalle wonanko mapuro oomella miiwa nlliti namwiinyu, ellapo yeechipululu wa enthawi yoohimalla. Athwaaka oohalla eneerewaakha mapuro oovulluwa eneerewaakhella wi ekhalle yoohallaniiwa.’ ”

Zefaniya 1:16

nllapo namapallapata ni okhuwella mizinda dda mipanda ni mattattha a akhoto.”

Yona 4:2

Sika aavekella wa Apwiya wi, “Nyu Apwiya, khe ddenndda kaakeeminndde kiri owaaniwulle? Miyaano kaheeseesa othawella o Tarishishi ekaambeene yeella. Kaadduwella wi nyuwaano tti Mulluku ooreera murima, awaata ni echifundo ni echisomo. Mookhalla ni echikondi yoohisintheya navettho munnakhululukella machimo enthawi ddittheddene.

Yona 3:4

Vano Yona aavollowa m'muzindammo. Eetille olendo wa nllapo nimodda, ahaamba ollalleya wi, “Voomallani mallapo 40, Nineve aneerotthollosiwa!”

Amosi 4:11

“Kaawoononga amodda a nyuwaano wonanko mmo koonongelleemi Sodomu ni Gomora. Amodda mwavulluwalle mwaari wonanko ekhuni ddoothumulliwa viikho komave khamwaahokollweelle wa miyaano. Mi Apwiya koollota.”

Amosi 2:2

Sika ekaambiiwa kinaarumiheemi munllo o Mowabu, munllooyo oneeroshellelliha mipanda ddoollipa dda o Keriyoti. Amowabu eneerokhwa mu onyakulla wa ekhoto akhoto ekhuwaka ni wiipa mapallapata.

Amosi 1:14

Sika kineerorumiha munllo va esiri dda wa Raba, munllooyo oneeroshellelliha mipanda ddiwa ddoollipa. Vineerokhalla okhuwa va nllapo na ekhotonno, ekhotweeyo enaakhalle wonanko namangalle.

Hoseya 11:8

“We Efuremu, ethiyo kinaawuuhiye mwawiidde? We Israele, kinaawuutathille mwawiidde? Ethiyo kinaawuutthattuse mwawiidde wonanko Adima? Ethiyo ttuuwoononga mwawiidde wonanko Zeboimu? Murimaaka wookhoota, echifundwaaka tti yuullupalli va alliwa.

Hoseya 10:14

Adanaanyu eneerewuuwukilani. Mizinda dda mipanda ddanyu ddineerewoonongiwa monga mwene Shalamani oononngelleeye muzinda wa Betaribeli vakhotoni. Va nllapo na ekhotonno ahaanyenya amoowe ni aniiwa.

Ezekiele 21:22

Vano mu nnattanatta naye mookhalla mpaamba wa nikhanga woolembiwa Yerusalemu. Wenko mwene anallalleya dda owiipha athu navettho okhuwa wakhoto. Aneeropanga mutthipo wawunttakella machiwi, woophittella mikhuttu ddakhoto ni omaka nttattha.

Yeremiya 26:13

Koma mwahiya machimwaanyu ni waamba wiiwellella mawu a Apwiya Mullukwaanyu eneerewuukhululukellani, kheyuullakani moollikana ni mmo yallotelliiwa.

Yeremiya 18:8

mutundu oyo kiwuchenzeemi wahiya machimwiiwa ngiwullaka moollikana ni mmo kaganizelleemi.

Yeremiya 4:19

Kookhwa, kookhwa! Ha, murimaaka onimakivoreya, murimaaka oni pha, pha, pha! Ngiwora ovillella. Kinniiwa winlla wa nipallapata, okhuwa wa ekhoto.

Yeremiya 23:14

Variyari va anamallotella o Yerusalemu kohoona ello yawoopihesesa, ennararuwa ni woottha. Navettho enaallipiha mirima athu oochimwa, wi ahikhallevo oohiya weera ddoonanara ddaye. Wa miyaano attheenaayo tti wonanko athu a o Sodomu ni Gomora.

Maliro 4:6

Ollakiwa wa mwaana aamutthiyana, athwaaka tti wuullupalli okhwaranya oollakiwa wa Sodomu oyo allakiwe moorurumusa oohikhallavo awaakavihera.

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Deuteronomo 29:22

“Athu a mibado ddanyu ddamuhoollo, edduullu ddanyu ni alleto oovenyera woorekama, eneerewoona millillinnddo ni ddoohoosa nnddo Apwiya enaamorihelliiwa va ellapwaanyu.