Yeremiya 20:10 - Mawu a Mulluku

¹⁰ Kinnawiiwa anchichi enong'onaka wi, “Ddawoopiha ddiri orive weko!” Enallota wi, “Khaweni mwamootthere! Hankoni namusumelle!” Akhwaaka ennatiyerella olephela waka, ennallota wi, “Apaalle ttuumootthella, sika nineeromuphara wi nimuhokolloselle ddoonanara.”

Yeremiya 20:10 ပူးပေါင်းရင်းမြစ်များ

Masalimo 41:9

Naarittho mukhwaaka a vamurimani, oyo kamuroromelleemi, oyo kacheemina, ookiwukila.

Masalimo 31:13

Kinnawiiwa athu enong'onellanaka ddoonanara ddaka, ddawoopiha ddookaapheella virive veko. Ennapangana ddoonanara ddookiwukila eniiwanana wi ekiiphe.

Yesaya 29:21

Mulluku aneerewaallaka awoottha, oovirikaniha echiweruzo yawoona ni oovelleella omboni wawoottha wi oohilakwa yeeruziwe moohilungama.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Mitteko 24:13

Nave kheyinna omboni wa mullatu enakivaanyihelliiwoolla.

Ezekiele 22:9

Mwa weyaano mookhalla anawunawu wi ewiiphellevo akhwiiwa, amodda oocha ddoovelleelliwa mikutho o mafano ni athu amodda aweera ddoonanara.

Yeremiya 6:25

Nihaaheye oya omata apaalle weeta vamusewuni vawi adani enimawa ni ekhoto nave nohaapheelliwa ni ddawoopiha.”

Miyambo 10:18

Anavittha wiitana tti a eyano yawoottha nave oollota miseche tti ookarangeya.

Luka 20:20

Vano emweetellelle Yesu, yahaaruma athu ookhalla wonanko oolungama wi yamukoheke ddoomuwaka muwano nave emphwanyelle mullatu, yamuvelleelle wa oolamulella a o Roma oyo aari ni masiva ni olamulello.

Yobu 19:19

Akhwaaka a vamurimani attheene ennakiita, ayo kaakondilleemi aakirukunuwella.

1 Mamwene 21:20

Vano Ahabu aamukoha Eliya wi, “Ethiyo we mudanaaka, wookiphwanya?” Eliya ahaakhulla wi, “Ee, kohuuphwanyani, kaambiiwa khaavo naari mmodda iikullihalle weera ddoonanara vamiitthoni va Apwiya wonanko nyuwaano.

1 Mamwene 19:2

Vano Yezebele aamurumiha amithenga wa Eliya wi amulleelle wi, “Milluku ddikillake naari okiipha wene, kaahiwiipha weyaano osiisello enthawi wonanko ella moollikana ni mmo wawiiphelleewe anamallotellaayo.”

Mitteko 7:54

Attekweene a va nthato na millatwaayo yiiwalliiwa mawu a Sitefanooyo, yaasha murima navettho yaananariwa.

Mitteko 5:33

Athu a va nthato namillatu yiiwalliiwa yeella, yaananariwa wunchichi wawi yaapaalla owiipha amurummwa.

Masalimo 57:4

Kinakhalla variyari va athu oowalli ayo enakhalla wonanko mikango. Miinwiiwa tti wonanko mavaka ni mipaamba, nllumi niwa niri wonanko nsupada nawiisha.

1 Mamwene 22:27

Mwaalleelle wi mwene anallota wi, ‘Muhiyeni muthoolla mu endende nave mumvaheke ddoocha ni maaddi vang'ono ophiyera kihokollowillewo phaama.’ ”

1 Mamwene 22:8

Ahabu aamulleella Yehoshafati wi, “Ookhallavo Mikaya mwaana a Imila. Koma kinniitanana kaambiiwa khanallotella ddaphaama dda miyaano, erive enthawi ddoonanarave.” Yehoshafati aamwaakhulla wi, “Ohilloteke ddiiddo.”

Yeremiya 11:19

Kaari wonanko mwaanaankhosa oomaalleya oyo anakuselliwa wawiiphiwa. Ngaadduwenlle wi yakipanganella miyaano yallotiiwa wi, “Hankoni niwuuhe muteekhoolla ori ni okumi ddiidda. Hankoni nimwiiphe muthu yoolla wi ahuupuwelleyettho.”

Yeremiya 11:21

Sika ekaambiiwa Apwiya enallotiiwa dda athu a o Anatoti ayo enapaalla woononga okumaaka voollotani wi, “Ohillotellettho mu nnddina na Apwiya wi nihiwiiphe.”

Yeremiya 20:3

Ohinase Pashuri aamukhumiha Yeremiya mundendeni nave Yeremiya aamulleella Pashuri wi, “Apwiya khenaromollattho nnddina nawo wi Pashuri koma wi, ‘Ddawoopiha Orive Weko.’

Yeremiya 37:13

Aphiyalleeye va mullako wa Benjamini, mulonda mmodda nnddina naye Iriya mwaana a Shelemiya mwaana a Hananiya, aamuphara Yeremiya nave allota wi, “Wethi onathawella wa Ababiloni!”

Daniele 6:4

Nave oowehera akhwaaye ni enduna yaheeseesa omuphwanyella mullatu Daniele va mmo eetihelleeye omwene. Koma kheyaamuphwanyille ni erive yoolakwa kaambiiwa Daniele aari oororomelleya nave kheera ddawaanganyera apaalle ddoolleka.

Masalimo 31:14

Koma kinnuuroromellani nyu Apwiya, kinnallota wi, “Nyu tti Mullukwaaka.”

Masalimo 41:10

Nyu Apwiya, keerelleni echifundo, kichiriheni wi kaahokolloselle ddoonanara athwaayo.

Yeremiya 1:19

Eneerollipana ni weyaano koma oneeropambana vawi kiri ni weyaano nave kineerewuuvullusa.” Mi Apwiya koollota.