Yeremiya 2:8 - Mawu a Mulluku

⁸ Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 2:8 ပူးပေါင်းရင်းမြစ်များ

Habakuku 2:18

Ethiyo nifano niri ni mutteko tini? Tti ello yoopangiwa ni muthu, khenuulleella erive ello koma woottha. Yaphaama enamweerilliiwa oonipanga wi aniroromelle tti tini, mulluku oohiwora ollota wene?

Yeremiya 10:21

Kahaakhulla wi “Vawi abusaahu tti ookarangeya, khenaveka ezeru wa Apwiya. Ekaamba ya yeella ddeko kheddinaweetella phaama, enkhosa ddiwa ddaapallalleya.

Yeremiya 5:31

Anamallotella ennallota ddawoottha nave allupa mukutho ennakhullellana. Komave athwaaka ennakonda ddenndda. Ethiyo muneere tini voomallihella?”

2 Akorinto 4:2

Noohiya ddaweera ddawiipittheya ni ddoowulliha muru nave ddaweera ddahu khe ddawoottha apaalle waanganyera mawu a Mulluku. Koma ninnallalleya ddawoona vaweella wiitetheella wonanko omboni wa arive muthu ni vamiitthoni va Mulluku.

Yohane 16:3

Athu eneereweera ddeko ddenndda kaambiiwa khanaadduwella Attiitthaaka naari miyaano.

Hoseya 4:6

Athwaaka ennoonongeya ekaamba ya ohidduwella. Kineerewuukhootani wi muhikirumeyelle wonanko allupa mukutho ekaamba yawi mookhoota ohuddera dda miyaano. Mootiwalla malamulo a Mullukwaanyu vano miyaanottho kineerewaatiwalla aniinyu.

Yohane 8:55

Nave nyuwaano khamunadduwella koma miyaano kinnamudduwella. Nave kallota wi nginamudduwella kinaakhalle awoottha wonanko nyuwaano. Koma miyaano kinnamudduwella nave kinnasunga mawaaye m'murimani mwaka.

Luka 11:52

“Nyu, ahuddihi a malamulo, mookhalla ni otulli! Moomukusa mumuvittha kiiyi a vamullakoni va enyumba ya ezeru. Nyuwaano weekhiinyu khamwaavollowillemo nave mwahaahiiha ayo yapaalla ovollowamo!”

Mateyu 16:26

Muthu anaapindulevo tini aakhella ellapo yavatthi ettheene atathilla okumaaye? Apaalle muthu anaavelleelle tini wi ahokolloselliwe okumaaye?

Yeremiya 16:19

Nyu Apwiya tti masivaaka ni mpandaaka, voothawellavo vaka va enthawi ya ddoohoosa. Athu a mitundu ddittheddene eneeroowa wa nyu ovenyera o makomello mattheene a ellapo yavatthi. Nave eneerollota wi, “Makhollwaahu yaakhalla ni milluku ddawoottha, yaakhalla ni mafano oohikhalla ni mutteko.

Yeremiya 12:10

Abusa anchichi yahoononga emataaka yampesa, yaanyingallella emataaka, emataaka yaphaama yaayitthattusa ntepe.

Yeremiya 7:8

“Ngoonani, munnaroromella olleka nko ohinaphuriha ello.

Yeremiya 4:22

Apwiya enallota wi, “Athwaaka tti ookarangeya, khenakidduwella miyaano. Tti wonanko anamwani oohollowa, oohiiwesesa erive ello. Tti eeruso vaweerani ddoonanara koma weera ddaphaama khenadduwella.”

Yeremiya 2:11

Ethiyo vookhalla mutundu wa athu oyo waambilleke waakakhaniha milluku ddiwa? Komave athwaaka aakaakakhaniha mi, Mullukwiiwa antitimiho ni milluku ddoohikhalla ni mutteko.

Yeremiya 2:6

Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yesaya 30:5

athu attheene a o Yuda eneerowulliwa muru ekaamba ya athu oohikhalla ni muttekwaayo nave oohikhalla ni orive mphuro koma oowulliha muru.”

Yesaya 29:10

Apwiya yohuukonihani ekhove ddookhwana, yohuukhuneellani miittho, ayo tti anamallotella nave yohuukhuneellani omuruni, ayo tti oollohella.

Yesaya 28:7

Naarittho anamallotella ni allupa mukutho ennahahareya ni vinyo, ddoowirya ddoowalli ddohaalezeliha. Attheenaayo miru ddiwa ddoopallalleya ekaamba ya vinyo nave ennahahareya ekaamba ya ddoowirya ddoowalli. Enniiwesesa moolakwa nnddo enooniiwa m'masomphenya nave kheneeruza millatu mweechilungamo.

1 Mamwene 18:40

Vaavo Eliya aalamula wi, “Aphareni anamallotella attheene a Baala. Ahithawe naari mmodda.” Sika yahaaphara attheenaayo nave Eliya aakitthellana o muhinje wa Kishoni, awiiphella wenko.

1 Mamwene 18:29

Otthaana otthewene yaanakhuwa moosavuwa ophiyera enthawi yoovelleella mukutho yaakwakhwana. Komave waari ellapo tuu, khewaari mawu, khaarivo awaakhulla apaalle mmodda oopwatha.

1 Mamwene 18:22

Vano Eliya ahaalleella athwaalle wi, “Kihanlle meekha mwa anamallotella a Apwiya koma anamallotella a Baala erivo 450.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

1 Samuele 2:12

Anamwani a Eli yaari oonanara, oohaadduwella Apwiya.

Deuteronomo 33:10

Alliwa sika enaamuhuddihe Yakobo malangizwaanyu, sika enaahuddihe Aisraele malamulwaanyu. Eneerewoosa lubani* vamiitthoni vanyu, eneerovelleella mikutho ddooshellelliha ddamututha va nikuwa nanyu.

Yeremiya 9:14

Koma yahumma murima ni othwara murimiiwa woonanara. Yaallapella mafano a Baala moollikana ni mmo makhollwiiwa yaahuddihelliiwa.

Yeremiya 18:18

Vano athu yaallota wi, “Hankoni niiwanane ddoomweerella echiwembu Yeremiya wi nivirellelle okhalla ni allupa mukutho oonihoollella, athu eezeru oonilangiza ni anamallotella oonillalleyella mawu a Mulluku. Hankoni nimwiipe mullatu nave nihiye opwatha mawaaye.”

Ezekiele 22:26

Allupa mukuthwaaye aatathilla malamulwaaka nave aaripiha ddeko ddaka ddoopatuleya. Khenahiyaniha variyari va ddeko ddoopatuleya ni ddeko shisha. Khenaahuddiha athwaaka ohiyana wa ddeko ddaweella ni ddooripihiwa. Khenapwatha mallapwaaka a Sabata. Sika attheenaayo aakiripiha.

Ezekiele 34:2

“We mwaana a muthu, llalleya mawu awaavaanyiha abusa a Aisraele. Llotella nave llota waalleelle wi, ‘Nnddo enallota Apwiya Mulluku tti ddawi, otulli wa nyu abusa a Aisraele, nyu muniipwatha nyookha. Ethiyo keesa abusa enaphwanella opwatha enkhosa?

Yobu 35:10

Koma khaavo oollota wi, ‘Ethiyo ari wuuwi Mulluku, Ookiphatusaaka, oyo ananiipiha nchipo moohakallalla variyari va mahiiyu,