Yeremiya 2:7 - Mawu a Mulluku

⁷ Kahuuphiyihani o ellapo ya ethaya yaphaama wi muche ezipaso ni ddaphaama ddimodda dda mwemmo. Koma muvollowillemo wene, mwaayiripiha ellapwaaka mwaayitthattusa yoohallanaaka yoonanara.

Yeremiya 2:7 ပူးပေါင်းရင်းမြစ်များ

Yeremiya 16:18

Kineerewaahokollosella ddoonanara mookhwaranya ekaamba ya onanara wiwa ni machimwiiwa ekaamba yawi aaripiha ellapwaaka ni mafanwiiwa ayo tti wonanko mitembo nave ellapo eyo eri yoohallanaaka yaaddallihamo mafanwiiwa oonanara.”

Numeri 13:27

Yahaalleella wi, “Naaphiya o ellapo eyo mwanirumalleenyu. Ellapweeyo tti ya mukaka ni enwi nave ezipaso ddiwa tti nndda.

Ezekiele 36:17

“We mwaana a muthu, Aisraele yakhalliiwa mwiillaponi mwiwa yaayiripiha ni makhallellwiiwa navettho ddaweera ddiwa. Kahoona wi makhallellwiiwa yaari oonanara va mallapello wonanko mutthiyana ari omweerini.

Yeremiya 3:9

Oraruwa wa Israele waari woowulliha muru vawi aaripiha ellapo. Aararuwa voollapellani mafano amalluku ni amiteekho.

Yeremiya 3:1

Apwiya enallota wi, “Muthu amwallana ni mwaariye nave mutthiyanooyo avenyavo atthelliwa ni mullopwana mmodda, ethiyo mullopwana awaambooyo ttuumuhokollweella? Ethiyo eera ddenndda, ellapo kheripihiwa wunchichi? Koma we Israele, woheera ddoohule ni ookondiwa anchichi. Ethiyo ttuuhokollweella wa miyaano?

Mika 2:10

Timullani, venyanivo, nna khe nipuro nawiithuuwellavo. Machimwaanyu aaripiha nipuronna, aawiiha woonongeya wawoopiha.

Ezekiele 20:6

Nllapo nenno kaallupella wa alliwa wi kineerewaakhumiha mu Iguputo oyaana o ellapo eyo kaavahilleemi, ellapo ya mukaka ni enwi, yooreera okhwaranya ellapo ddimodda.

Nehemiya 9:25

Nave yaagonjiha mizinda dduullupalli, yahaakha ellapo ya ethaya yaphaama, enyumba ddooddalla ni ddeko ddittheddene ddaphaama, ehime ddookatakata, emata ddampesa, dda olivi ni dda ezipaso ddimodda. Sika yaanacha, yaanavona mwawi yaananeneva nave yaanahakallalla ekaamba ya ddaphaama ddanyu dduullupalli.

Deuteronomo 21:23

mutembooyo ohikoneke vamuteekhonimvo. Muwuvitthe nllapo nenno kaambiiwa wi mutembo wootthomeyiwa vamuteekhoni onnawiiha matembelelo a Mulluku. Sika muvuhellelle mutembooyo wi muhiripihe ellapo eyo Apwiya Mullukwaanyu enuuvahiiwani wi ekhalle wonanko yoohallanaanyu.

Deuteronomo 6:18

Nave mweereke ddennddove ddiri ddoolungama ni ddaphaama wi ddeko ddiweetelleni phaama nave muneerewaakha ellapo yaphaama eyo Apwiya yallupenlliiwa wi eneerewaavaha makhollwaanyu.

Yeremiya 3:2

Tukhulla miitthwaawo o asimiyaango. Ethiyo ttuuphwanyeya mvo oheerenlleewevo ddoohule? Wakhalla mukhwipi mwa musewu onatiyerella ookondiwaawo, wonanko Mwarabu oowiipitthella athu mu echipululu. Wooripiha ellapo ni makhallellwaawo oonanara oohule.

Yeremiya 32:23

Koma yaavollowilliiwa mwiillaponimmu ni waakha wi ekhalla yayiwayayiwa, yaakhoota owiiwellellani apaalle othwara malamulwaanyu. Yaakhoota weera nnddo mwaalamulalleenyu. Sika ekaamba ya yeella, mohaamorihella ddoohoosa ddittheddenenndda.

Yeremiya 32:30

Athu a o Aisraele ni a o Yuda enneera ddoonanara vamiitthoni vaka ni okishiha murima ni mitteko ddiwa ddoonanara.

Ezekiele 20:28

kaavollochihalle mu ellapo eyo kallupenlleemi wi kineerewaavaha. Orive weko yonniiwawo mutunda ni muteekho woovattha yaanavelleella mikutho ni ddoovelleella ddookishiha murima. Yaanavelleellawo mikutho dda nthuko naphaama ni dda ddoowirya.

Hoseya 9:3

Khemukhallakattho mu ellapo ya Apwiya. Nyu Aefuremu, muneerohokollweella wuukaporoni o Iguputo. Muneerocha yoocha yooripihiwa mu ellapo ya Asiriya.

Deuteronomo 32:9

Koma yoohallaniiwa ya Apwiya tti athwiiwa, edduullu dda Yakobo sika yoohallaniiwa yoopatuleya.”

Nehemiya 9:26

Komave athwaanyu yahuuwukilani nave kheyaawiiwellelleni. Yahaareya etulli malamulwaanyu nave yaawiipha anamallotellaanyu ayo yaachenjezille wi erukunuwelle wa wanyuwaano koma yaavirellella wuuvevullani.

Yesaya 19:25

Apwiya Amasiva Mattheene eneerewaadalisa wi, “Edalisiwe Aiguputo, athwaaka! Edalisiwe Aasiriya, mutteko wa mattaaka! Edalisiwe Aisraele, yoohallanaaka!”

Ezekiele 20:24

kaambiiwa yawi kheyaawiiwellelle malamulwaaka, yaakhoota malangizwaaka, yaaripiha mallapwaaka a Sabata ni yaallapella mafano a makhollwiiwa.

Ezekiele 23:35

“Sika ekaambiiwa mi Apwiya Mulluku kinalloteemi wi, ‘Vawi wookitiwalla nave wookireya etulli oneerollakiwa ekaamba ya ddoonanara ddawo ni oraruwa wawo.’ ”