Yeremiya 2:6 - Mawu a Mulluku

⁶ Kheyaapwathille dda mi Apwiya naari kaakhumihalle o Iguputo ni waahoollella mu echipululu, mu ellapo yawumma ni yookateyakateya, mu ellapo yeettalla ni yeepiphi yinchichi, mu ellapo yoohivireya ni muthu, nko ohinakhalla muthu.

Yeremiya 2:6 ပူးပေါင်းရင်းမြစ်များ

Deuteronomo 32:10

“Aaphwanyille muchipululuni, ohakani woohikhalla ello. Ahaateteza nave ahaapwatha, wonanko mmo aneerelleeye ni niittho naye,

Hoseya 13:4

Apwiya enallota wi, ‘Miyaano kookhalla Apwiya Mullukwaanyu ovenyera enthawi elle kuukhumihalleemini mu ellapo ya Iguputo nave khemwaaphwanenlle omudduwella mulluku mmodda koma meeneve nave oovullusaanyu tti meeneve.

Mateyu 4:16

athwaawo ayo yaari mwiipiphini, ahoona owala wunchichi. Athu ayo yaari munipuroni na muuthuuchi wa okhwa, owala wohaaphiyera.”

Hoseya 12:13

Apwiya yahaakhumiha Aisraele o ellapo ya Iguputo oweella mwa namallotella. Nave yaasungeya mwa anamallotellaayo.

Yeremiya 5:2

Naari athu ellupellaka vamiitthoni va Apwiya Ookumi, komathi enallupella mwawoottha.

Yeremiya 2:8

Allupa mukutho kheyaakohille wi, “Apwiya eri wuuwi?” Eeruso a malamulo kheyaakidduwenlle, oolamulella yaakiwukila, anamallotella yallotella mu nnddina na Baala, yaathwara milluku ddoohikhalla ni mutteko.

Yeremiya 2:2

khawe wallalleye wa athu a o Yerusalemu wi Apwiya enallota wi, “Kinnuupuwella ororomelleya wanyu mwaariinyu asombwe, mmo mwakikondelleenyu vawaamba valle wonanko aneerella mutthiyana ootthelliwa. Mwaanakithwara muutthakoni, mu ellapo moohaalliwa ello.

Yesaya 64:7

Khaavo aniithanella va nnddina nanyu voovekellani apaalle anatikheya ni ddooveka nikavihero wa nyuwaano. Mohiipitthiha ekhovaanyu nave moonitthattusa akaporo a machimwaahu.

Yesaya 63:9

Mu ddoohoosa ddiwa ddittheddene alliwa aahoowa. Mungelo oovenyera wa alliwa ahaavullusa nave aawoopolla mwa echikondiiwa ni echifundwiiwa. Sika Apwiya ennaapwatha wonanko anamwani ovenyera khalle.

Masalimo 77:5

Kinnaganizella dda mallapo akhalle, kinnuupuwella dda miyakha ddakhalle.

Masalimo 23:4

Naari keeteke mu ntapo na muuthuuchi wa okhwa kheyiivo yoonanara kinaayoovekeemi, vawi nyu Apwiya munnakhalla ni miyaano, ekoondaanyu ni ekopwaanyu ddinnakiteteza.

Yobu 35:10

Koma khaavo oollota wi, ‘Ethiyo ari wuuwi Mulluku, Ookiphatusaaka, oyo ananiipiha nchipo moohakallalla variyari va mahiiyu,

Yobu 3:5

Nikhalle nllapo na epiphi ni na muuthuuchi wawoopiha, nihuruwelliwe ni murapo woottikana, noopopihiwe ni erive ello yooripiha otthaana.

2 Mamwene 2:14

Aakusa mukanjo wa Eliya awashullana maaddi, allota wi, “Eri wuuwi Apwiya, Mulluku a Eliya?” Awashullalle maaddaayo, yaakawaneya nngu ni nngu nave Elisha aallapuwa.

Oweeruza 6:13

Gideoni aamulleella mungelooyo wi, “Pepaani Apwiya, yaarimi Apwiya eri ni hiyaano kaambiiwa tini nndda ddineereyiiwa? Ddiri wuuwi mitteko ddiwa ddittheddene ddoottikhiniha nnddo makhollwaahu yanilleelliiwa ddawi Apwiya yaanikhumiha mu ellapo ya Iguputo? Koma vano aanitathilla enivelleella m'mattani mwa Amidiyani.”

Eksodo 20:2

“Mi tti Apwiya Mullukwaawo oyo kuukhumihalle mu okaporo o Iguputo.

Deuteronomo 1:19

“Valle naheera nnddo Apwiya Mullukwaahu yanilamulalliiwa. Naavenyawo o mwaango wa Horebu nave naavirella mu echipululu yuullupalli ni yawoopiheelle vooyaani o ellapo yamiyaango ya Aamori. Naphiyalleehu o Kadeshi Baranea,

Yeremiya 13:16

Atitimiheni Apwiya Mullukwaanyu, ehinamorihe epiphi wi mukwakwatuwe m'miyaangoni, ehinatthattuse owala nko mwatiyerellaanyu wi okhalle epiphi yoottikana.

Yeremiya 51:43

Mizinda ddaye ddootthattuwa matepe, ellapo yawumma ni yeechipululu, ellapo yoohikhalla ni athu apaalle weetamo arive muthu.

Deuteronomo 8:2

Upuwellani mmo Apwiya Mullukwaanyu yuuhoollelliiwani muchipululuni va olendo wa miyakha ddittheddene 40 ddivirallenndda. Yahuukhumullani ni oweesani wi edduwelle nnddo ddaari m'murimani mwanyu nave wi yoone khaya muneerewiiwellella malamulwiiwa apaalle iyaayi.

Yeremiya 5:12

Athu yohaakhoota Apwiya voollotani wi, “Apwiya kheneerella erive ello. Kheyiivo yoonanara enaanooneyelle, khaniwa noona ekhoto apaalle ettalla.”

Amosi 2:10

Kahuukhumihani mu Iguputo, kahuuhoollellani mu echipululu miyakha 40, kahuuvahani ellapo ya Aamori wi ekhalle yoohallanaanyu.