Yeremiya 2:5 - Mawu a Mulluku

⁵ Apwiya enakoha wi, Ethiyo makhollwaanyu yakoonille ni yoonanara yawiidde yookithawella? Yaathwara ddoohikhalla ni mutteko, alliwattho yaatthattuwa oohikhalla ni mutteko.

Yeremiya 2:5 ပူးပေါင်းရင်းမြစ်များ

2 Mamwene 17:15

Kheyaapwatha malamulo a Apwiya ni echipangano ya Apwiya eyo yeerilliiwa ni makhollwiiwa. Kheyaapwathillettho ddoochenjeza dda Apwiya. Yaanathwara milluku ddoohikhalla ni mutteko, alliwa yaatthattuwa oohikhalla ni mutteko. Yaathwara ezisanzo dda athu a mitundu ddimodda awaatamanana naari Apwiya yaalamulalle wi eheereke moophwanaphwana ni mitundu ddennddo.

Aroma 1:21

Vawi naari edduwenlle dda Mulluku, khenamutitimiha moophwanellella naari omuthokoza. Nave maganizwiiwa tti oohikhalla ni mutteko nave mirima ddiwa ddookarangeya ddooddalla ni epiphi.

Yona 2:8

Athu oollapella milluku ddawoottha kheyiivo enaphuriiwa.

Masalimo 115:8

Athu ayo enapanga mafanwaayo ephwanaphwanena, emoddamoddave yeeyo ayo enaaroromella.

Yesaya 44:9

Attheene oopanga mafano tti oohikhalla ni mutteko, milluku nnddo enaddivahiiwa olemu tti ddoohikhalla ni mphuro. Amboni a milluku ddenndda tti oohoona ni oohidduwella ello, sika eneerowullihiwa muru.

1 Samuele 12:21

Nave muhinathwaraka mafano mattheene ayo ehinna mutteko, ayo ehinawora ovullusa vawi khenna masiva.

Deuteronomo 32:21

Aakeeriha ehache ni milluku shisha, aattatthamulla owallaaka ni mafanwiiwa. Sika, kineeroweeriha ehache ni athu shisha, kineerewaattatthamulla ni mutundu wookarangeya.

Mitteko 14:15

“Athu nyu muneerella tini ddenndda? Hiyaano tti athu wonanko nyuwaano! Niwiille wi nillalleye othenga waphaama, wawi nyuwaano muhiye milluku ddoohikhalla ni mutteko nave muwe wa Mulluku Ookumi, oyo aphatusalle oddullu, ellapo yavatthi, enyanja ni ddittheddene ddiri mwemmo.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Mateyu 15:8

Mulluku aallota wi, ‘Athwaalla enakititimiha miyaano ni vayanonive, koma mirima ddiwa ddoorekamellana ni miyaano.

Ezekiele 11:15

“We mwaana a muthu, asinno, abalaawo, akaporo akhwaawo, enyumba ettheene ya Israele, athu ookhalla o Yerusalemu enaallota wi, ‘Attheene ayo yaphariwe okaporo aarekamellana ni Apwiya nave ellapweella tti yaahu.’ ”

Yeremiya 14:22

Variyari va milluku ddawoottha dda mitundu ddimodda, ethiyo ookhallavo mulluku mmodda oowora omurupiha murimu? Ethiyo oddullu vaweekhiiwa onnamurupiha murimu? Otiyerella wahu ori mwa nyuwaano Apwiya Mullukwaahu ekaambiiwa tti nyuwaano muneera ddenndda.

Yeremiya 12:2

Nyu mwaawaalla nave yaamella misisi, ennunnuwa nave enniima ezipaso. Muri muwano mwiwa koma mirima ddiwa ddiri woorekama ni nyuwaano.

Yeremiya 10:8

Attheenaayo tti ookarangeya, khenna ezeru, ezeru ddiwa enahuddera o mafano, oohikhalla ni mutteko oopangiwa ni miteekho.

Yesaya 29:13

Apwiya aallota wi, “Athwaalla enakititimiha miyaano ni vayanonive koma mirima ddiwa ddoorekamellana ni miyaano. Khaddinna mutteko wi ekillapelleke kaambiiwa enahuddiha malamulo a athu wonanko tti malamulwaaka.

Yesaya 46:12

Nyu athu awumma mirima, kiiwellelleni, nyu oorekamellana ni ovullusa.

Yeremiya 2:4

Nyu edduullu dda Yakobo, nyu mabanja mattheene a Israele, iwani mawu a Apwiya.

Yeremiya 8:19

Ngiiwani winlla wa athwaaka ovenyera o ellapo yawoorekama wi, “Ethiyo Apwiya kheri o Ziyoni? Ethiyo mweniiwa khari wenko?” Apwiya enaakhulla wi, “Kaambiiwa tini enakillikiiwa ni mafanwiiwa navettho ni milluku ddiwa ddeelleto?”

Ezekiele 14:5

Kineerewaakopa Aisraele ayo ekihiyalle ekaamba ya mafanwiiwa.’