Yeremiya 2:36 - Mawu a Mulluku

³⁶ Mohiivevullathi nyookha voosinthasinthani ettilla ddanyu. Muneerowullihiwa muru ni Aiguputo wonanko mulle mwawullihelliwaanyu muru ni Aasiriya.

Yeremiya 2:36 ပူးပေါင်းရင်းမြစ်များ

Yeremiya 31:22

We mwanaka oohiroromelleya, Ethiyo onaahiye okayikella niini? Apwiya aaphatusa ello yanaanweene va ellapo yavatthi vawi mutthiyana sika anamwaashaasha mullopwana.”

Hoseya 5:13

“Vano Aefuremu yoonilliiwa wi enimavoriiwa nave Ayuda yoonilliiwa wi aakhalla ni makhwata, Aefuremwaayo yaaya wa Asiriya nave Ayuda yaarumiha othenga wa mwene muullupalli wi aakavihere. Koma khawora waachiriha apaalle ovolliha makhwatiiwa.

Hoseya 12:1

Efuremu annavona mpweya, anathwara ephevo ya wookhuma nndduwa, nllapo nittheene annoonjera ddawoottha ni dda echiwawa. Annakeraatthiha echipangano ni Asiriya nave annaavelleella makhura o Iguputo.

Yeremiya 2:23

Onallotella tini wi khawiiripihalle, wi khawaathwanre mafano a Baala? Upuwella mmo wachimwelleewe muntaponimmo, dduwella nnddo weerilleewe. Tti wonanko ekamira* yaamutthiyana, yoothamakella nngu ni nngu.

2 Epilli 28:16

Va enthawi yeeyo mwene Ahazi aarumiha othenga wa mwene a o Asiriya oveka nikavihero.

Hoseya 14:3

Asiriya khanivullusa, akavalo akhoto kheniteteza. Eyo nayipangilleehu ni mattaahu khaniwa niyiromolla wi, ‘Milluku ddahu.’ Vawi tti nyuwaano munaweerella echifundo anaamukhwelle.”

Hoseya 10:6

Nifanonno eneeronikusella o Asiriya wi nakhalle emphaso yoovelleella wa mwene muullupalli. Aefuremu ni Aisraele eneerowulliwattho muru ekaamba ya malangizo awoottha yawiiwellelliiwa.

Hoseya 7:11

Aefuremu tti wonanko ekhunda yookarangeya, yoohikhalla ni ezeru. Ennawiithana Aiguputo, ennaveka nikavihero wa Asiriya.

Ezekiele 29:7

Mutootooyo wahinttakeyella m'mattani mwiwa ewuphanre nave wahaarema vamathurini. Yawuhamenlliiwa, wahinttakeya nave muyuununi mwiwa mutthemwene mwaheengereya.

Maliro 5:6

Naakokhora vamiitthoni va Aiguputo ni Aasiriya, wi ttuuphwanya yoocha yookwakhwana.

Maliro 4:17

Miitthwaahu yaatopa ni otiyerella nikavihero koma khayiivo naphunreehu. Naatiyerella mutundu wa athu oyo wahiwonre onivullusa.

Yeremiya 37:7

“Mi Apwiya Mulluku a Israele, kinallota wi mwene a o Yuda oyo urumme wi okiveke ezeru, wamulleelle wi, ‘Ngoonani, akhoto a Farao ayo yawiille wi yuukavihere, eneerohokollweella owaniwa o Iguputo.

Yeremiya 2:33

Khaavo anuukhwaranyeni va owaasha ookondiwa eelleto sika ttuuwaahuddiha atthiyana oonanara ettilla ddanyu.

Yeremiya 2:18

Munaaphurevo tini mwaya o Iguputo, woowirya maaddi a mu Nailo? Munaaphurevo tini mwaya o Asiriya, woowirya maaddi a mu Yufurate?

Yesaya 20:5

Vano attheene yaroromella ellapo ya Kushi navettho yiitukhulla ekaamba ya ellapo ya Iguputo, eneeromoriwa ethakaraka ni owulliwa muru.

Yeremiya 46:12

Athu a mitundu ddimodda ahiiwa dda ddoowulliha muru ddawo, winlla wawo wookwakhwana ellapo yavatthi ettheene. Akhoto enimakuhanakuhana, attheene eniikuhella nimodda.

Ezekiele 16:28

Ekaamba ya minkhella ddawo waararuwattho ni Asiriya komattho khewaakholliwe.

Yeremiya 22:20

“Nyu athu a o Yerusalemu, wellani o miyaango o Lebanoni, mwinlle mookhuwa wenko, mawaanyu yiiweye ophiya o Bashani. Mwinlle mookhuwa muri o Abarimu, kaambiiwa attheene mwaaroromellaanyu aagonjihiwa.

Yeremiya 22:22

Ephevwaaka eneerewaatukhullavo abusaanyu attheene, akhwaawo eneerophariwa okaporo. Ddawoona, muneerovevulliwa ni onyaambusiwa ekaamba ya ddoonanara ddanyu ddittheddene.